കലോത്സവം ആലപ്പുഴയിലെത്തുമ്പോൾ ജില്ലയിലെ പ്രധാന വിനോദ സഞ്ചാര കേന്ദ്രമായ പാതിരാമണൽ ദ്വീപിലെ കാഴ്ചകള് കാണാതെ പോകരുത്. അപൂര്വ്വയിനം പക്ഷികളുടെ ആവാസ കേന്ദ്രമാണ് പാതിരാമണല് ദ്വീപ്. ബോട്ടില് സഞ്ചരിച്ചുവേണം ഇവിടെ എത്താന്.
ആലപ്പുഴ: കായലും പാടങ്ങളും പ്രകൃതി ഭംഗിയും കൊണ്ട് അനുഗൃഹീതമാണ് കിഴക്കിന്റെ വെനീസ് എന്ന് കൂടി അറിയപ്പെടുന്ന ആലപ്പുഴ ജില്ല. സംസ്ഥാന സ്കൂൾ കലോത്സവം ആലപ്പുഴയിലെത്തുമ്പോൾ ജില്ലയിലെ പ്രധാന വിനോദ സഞ്ചാര കേന്ദ്രമായ പാതിരാമണൽ ദ്വീപിലെ കാഴ്ചകള് കാണാതെ പോകരുത്.
Add Asianetnews as a Preferred Source
തണ്ണീർമുക്കത്തിനും കുമരകത്തിനും ഇടയിലായി വേമ്പനാട്ട് കായലിലെ ഒരു ദ്വീപാണ് പാതിരാമണൽ. ആലപ്പുഴയിൽ നിന്നും ഇരുപത് കിലോമീറ്റർ അകലെ മുഹമ്മ പഞ്ചായത്തിലാണ് ഈ ദ്വീപ് സ്ഥിതി ചെയ്യുന്നത്. പാതിരാ മണലിലേക്ക് എത്തിച്ചേരാൻ റോഡോ പാലങ്ങളോ ഇല്ല. കായലിലൂടെ ബോട്ടിൽ മാത്രം എത്തിച്ചേരാവുന്ന പ്രദേശം. കേരളത്തിന്റെ ടൂറിസം ഭൂപടത്തിലെ പ്രധാനയിടം. അപൂർവ്വയിനം പക്ഷികളുടെ ആവാസ കേന്ദ്രം കൂടിയാണിത്. പ്രളയത്തിന് ശേഷം പാതിരാമണലിൽ നവീകരണ പ്രവർത്തനങ്ങൾക്കൊരുങ്ങുകയാണ് മുഹമ്മ പഞ്ചായത്ത്.
