ദിവസങ്ങളോളം ഇവിടെ താമസിക്കേണ്ടി വരുന്നവരിലാണ് പനി വ്യാപിക്കുന്നത്. ഒന്നോ രണ്ടോ ദിവസം കൊണ്ട് തിരിച്ചുപോകുന്ന ശബരിമല തീർത്ഥാടകർക്ക് പകർച്ചവ്യാധി ഭീഷണിയില്ലെന്ന് ആരോഗ്യവകുപ്പ് അറിയിച്ചു.
ശബരിമല: പമ്പയിലെത്തുന്ന തീർത്ഥാടകരിൽ പനി പടരുന്നതായി റിപ്പോർട്ട്. പതിനായിരങ്ങളാണ് ഓരോ ദിവസവും ശബരിമല തീർത്ഥാടനത്തിനായി പമ്പയിൽ എത്തിച്ചേരുന്നത്. ദിവസങ്ങളോളം ഇവിടെ താമസിക്കേണ്ടി വരുന്നവരിലാണ് പനി വ്യാപിക്കുന്നത്. ഒന്നോ രണ്ടോ ദിവസം കൊണ്ട് തിരിച്ചുപോകുന്ന ശബരിമല തീർത്ഥാടകർക്ക് പകർച്ചവ്യാധി ഭീഷണിയില്ലെന്ന് ആരോഗ്യവകുപ്പ് അറിയിച്ചു. സുരക്ഷാ ഉദ്യോഗസ്ഥരായ പോലീസുകാരിലും പനി പടരുന്നുണ്ട്. പകർച്ചവ്യാധി പടർന്ന് പിടിക്കാതിരിക്കാൻ ആരോഗ്യവകുപ്പ് ജാഗ്രത പുലർത്തുന്നുണ്ട്.
മഞ്ഞപ്പിത്തവും ചിക്കൻപോക്സും പടരാതിരിക്കാനുള്ള മുൻകരുതലും സ്വീകരിച്ചുവരുന്നു. പ്രതിരോധപ്രവർത്തനങ്ങളും ശുചീകരണവും നല്ല രീതിയിൽ തന്നെ തുടരുന്നുണ്ട്. വന്ന് ഉടൻ തിരിച്ച് പോകുന്ന ശബരിമല തീർത്ഥാടകർക്ക് ഒട്ടും ആശങ്കപ്പെടാനില്ലെന്ന് ആരോഗ്യ വകുപ്പ് അധികൃതർ വ്യക്തമാക്കി. പമ്പയിൽ നിയോഗിക്കപ്പെട്ട പോലീസുദ്യോഗസ്ഥർ, മറ്റ് വകുപ്പുകളിലെ ജീവനക്കാർ, കച്ചവടക്കാർ, തൊഴിലാളികൾ ഇവരിലെല്ലാം പനി പടരുന്നുണ്ട്.
