വേലിയേറ്റത്തില് പെരിയാറില് ഉപ്പ് വെളളം കയറി.ലവണാംശം അനുവദനീയമായതിലും കൂടുതല് ആയതോടെ ആലുവയില് നിന്നുളള പമ്പിങ്ങ് ജല അതോറിറ്റി നിര്ത്തിവെച്ചു.ഉച്ചയ്ക്ക് ഒന്നേകാലോടെയാണ് പമ്പിങ്ങ് നിര്ത്തിയത്.ലവണാംശത്തിന്റെ തോത് 250 പിപിഎം വരെ അനുവദനീയമാണ്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
എന്നാല് ഇത് 1000പിപിഎം ആയി ഉയര്ന്നതോടെയാണ് പമ്പിങ്ങ് നിര്ത്തിയതെന്ന് ജല അതോറിറ്റി ചീഫ് എന്ജനീയര് അറിയിച്ചു.ആലുവയിലെ ജലശുദ്ധീകരണശാലയില് നിന്നുളള കുടിവെളളമാണ് കൊച്ചി നഗരത്തിലും പരിസരപ്രദേശങ്ങളിലും വിതരണം ചെയ്യുന്നത്.ജല അതോറിറ്റി പമ്പിങ് നിര്ത്തിയതിനാല് കൊച്ചിയില് കുടിവെളള വിതരണം മുടങ്ങും.അതേസമയം ലവണാംശം കുറഞ്ഞാല് പമ്പിങ്ങ് തുടരുമെന്ന് അധികൃതര് അറിയിച്ചിട്ടുണ്ട്
