തിരിച്ചുവരവില്‍ ഒളിമ്പിക് ബാഡ്‌മിന്‍റണ്‍ ജേതാവ് കരോലിന മാരിന്‍ ഫൈനലില്‍. ചൈന ഓപ്പണ്‍ വനിതാ സിംഗിള്‍സ് സെമിയില്‍ ജപ്പാന്‍റെ അയാക തകാഹഷിയെയാണ് മാരിന്‍ പരാജയപ്പെടുത്തിയത്. ഒന്നിനെതിരെ രണ്ട് ഗെയിമുകള്‍ക്കായിരുന്നു സ്‌പാനിഷ് താരത്തിന്‍റെ ജയം. സ്‌കോര്‍ 20-22, 21-13, 21-18. 

എഴുപത്തിരണ്ട് മിനുറ്റ് നീണ്ട പോരാട്ടത്തില്‍ ആദ്യ ഗെയിം നഷ്ടപ്പെട്ട മാരിന്‍ രണ്ട് ഗെയിമുകള്‍ തിരിച്ചുപിടിച്ച് ഫൈനലിന് യോഗ്യത നേടുകയായിരുന്നു. ഫൈനല്‍ 22-ാം തിയതി നടക്കും. 

എട്ട് മാസത്തെ ഇടവേളയ്‌ക്ക് ശേഷമാണ് കരോലിന മാരിന്‍ കോര്‍ട്ടില്‍ തിരിച്ചെത്തിയത്. കാല്‍മുട്ടിലെ ശസ്‌ത്ര‌ക്രിയയെ തുടര്‍ന്നാണ് മാരിന്‍ വിശ്രമെടുത്തത്. കഴിഞ്ഞ മാസം സ്വിറ്റ്‌സര്‍ലന്‍ഡില്‍ നടന്ന ലോക ചാമ്പ്യന്‍ഷിപ്പ് മാരിന് നഷ്ടമായിരുന്നു.