ഒമാനില് അനധികൃതമായി ഒത്തുകൂടിയ പ്രവാസികള് അറസ്റ്റില്
സുപ്രീം കമ്മിറ്റിയുടെ നിര്ദേശങ്ങള് ലംഘിച്ചതിന് ഇവര്ക്കെതിരെ നിയമ നടപടി സ്വീകരിച്ചതായും റോയല് ഒമാന് പൊലീസിന്റെ അറിയിപ്പില് പറയുന്നു.
മസ്കറ്റ്: കൊവിഡ് പ്രോട്ടോക്കോള് ലംഘിച്ച് ഒത്തുചേര്ന്ന ഒരു കൂട്ടം പ്രവാസികളെ റോയല് ഒമാന് പൊലീസ് അറസ്റ്റു ചെയ്തു. കൊവിഡ് 19 പ്രതിരോധിക്കുവാന് ഒമാന് സുപ്രീം കമ്മിറ്റി നടപ്പിലാക്കിയിരിക്കുന്ന നിര്ദ്ദേശങ്ങള് ലംഘിച്ചതിനാണ് വിദേശികളുടെ സംഘത്തെ അല് ദാഖിലിയ ഗവര്ണറേറ്റ് പൊലീസ് കമാന്ഡ് അറസ്റ്റ് ചെയ്തതെന്ന് റോയല് ഒമാന് പൊലീസ് ട്വിറ്ററില് അറിയിച്ചു. സുപ്രീം കമ്മിറ്റിയുടെ നിര്ദേശങ്ങള് ലംഘിച്ചതിന് ഇവര്ക്കെതിരെ നിയമ നടപടി സ്വീകരിച്ചതായും റോയല് ഒമാന് പൊലീസിന്റെ അറിയിപ്പില് പറയുന്നു.