യുഎഇയില് കൊവിഡ് ബാധിച്ച് പ്രവാസി മലയാളി യുവാവ് മരിച്ചു
ഈ മാസം 12 മുതല് കൊവിഡ് ബാധിച്ച് ആശുപത്രിയില് ചികിത്സയിലായിരുന്നു.
ദുബായ്: കൊവിഡ് 19 ബാധിച്ച് യുഎഇയില് പ്രവാസി മലയാളി യുവാവ് മരിച്ചു. കൊല്ലം ചടയമംഗലം സ്വദേശി കല്ലുംകൂട്ടത്തില് വീട്ടില് രതീഷ് സോമരാജനാണ് ദുബായില് മരിച്ചത്. മുപ്പത്തിയഞ്ച് വയസ്സായിരുന്നു. അല്ബര്ഷയിലെ സ്വകാര്യ ആശുപത്രിയില് ഇന്നലെ രാത്രി വൈകിയാണ് മരണം സ്ഥിരീകരിച്ചത്.
ദുബായില് ടാക്സി ഡ്രൈവറായിരുന്നു. ഈ മാസം 12 മുതല് കൊവിഡ് ബാധിച്ച് ആശുപത്രിയില് ചികിത്സയിലായിരുന്നു രതീഷ്. കല്ലുംകൂട്ടത്തില് സോമരാജന്റെയും ലളിതയുടെയും മകനാണ്. ഭാര്യ: വിജി. മകള്: സാന്ദ്ര. മൃതദേഹം കൊവിഡ് പ്രോട്ടോക്കോള് അനുസരിച്ച് ബുധനാഴ്ച സംസ്കരിക്കുമെന്ന് ദുബായിലെ ബന്ധുക്കള് അറിയിച്ചു. ഇതോടെ ഗള്ഫില് മരിച്ച മലയാളികളുടെ എണ്ണം 23 ആയി.
Read More: ഹൃദയാഘാതം മൂലം പ്രവാസി മലയാളി മരിച്ചു
.