Asianet News Malayalam

കൊവിഡ് വാക്‌സിന്‍: സൗദിയില്‍ 60 വയസ്സിന് മുകളിലുള്ളവരില്‍ ഭൂരിപക്ഷവും വാക്‌സിന്‍ സ്വീകരിച്ചു

ഒരു ഡോസ് വാക്‌സിന്‍ എങ്കിലും സ്വീകരിച്ചവരുടെ കണക്കാണിത്. 

majority of people aged 60 or over in Saudi got vaccinated
Author
Riyadh Saudi Arabia, First Published Jun 19, 2021, 2:06 PM IST
  • Facebook
  • Twitter
  • Whatsapp

റിയാദ്: സൗദി അറേബ്യയില്‍ 60 വയസ്സും അതിന് മുകളിലും പ്രായമുള്ളവരില്‍ ഭൂരിപക്ഷവും കൊവിഡ് വാക്‌സിന്‍ സ്വീകരിച്ചതായി ആരോഗ്യ മന്ത്രാലയം അറിയിച്ചു. മന്ത്രാലയം പുറത്തുവിട്ട കണക്കുകള്‍ പ്രകാരം ഹഫര്‍ അല്‍ ബാത്വിനിലാണ് ഈ വിഭാഗത്തില്‍ ഏറ്റവും കൂടുതല്‍ പേര്‍ വാക്‌സിന്‍ സ്വീകരിച്ചത്. 60 വയസ്സിന് മുകളിലുള്ള 98 ശതമാനം പേരും ഇവിടെ വാക്‌സിന്‍ സ്വീകരിച്ചിട്ടുണ്ട്. 

അല്‍ അഹ്‌സയും അല്‍ ഖുറായത്തുമാണ് രണ്ടാം സ്ഥാനത്ത്. 93 ശതമാനം പേരാണ് ഈ വിഭാഗത്തില്‍ രണ്ടിടത്തും വാക്‌സിന്‍ സ്വീകരിച്ചിട്ടുള്ളത്. ബിഷ-86, റിയാദ്-83, ദമ്മാം ഉള്‍പ്പെടുന്ന കിഴക്കന്‍ പ്രവിശ്യ-80, ത്വാഇഫ്-80 എന്നിങ്ങനെയാണ് മറ്റ് പ്രദേശങ്ങളില്‍ വാക്‌സിന്‍ എടുത്തവരുടെ നിരക്ക്. ഒരു ഡോസ് വാക്‌സിന്‍ എങ്കിലും സ്വീകരിച്ചവരുടെ കണക്കാണിത്. 

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona

Follow Us:
Download App:
  • android
  • ios