ഓസ്ട്രിയന് ഗ്രാന്പ്രീയിൽ കിരീടപ്പോരാട്ടം; ഹാമില്ട്ടണിനെ സെബാസ്റ്റ്യന് വെറ്റല് വീഴ്ത്തുമോ
- ഒന്നാം സ്ഥാനത്തുള്ള ഹാമില്ട്ടണിന് വെറ്റലിനേക്കാള് 14 പോയിന്റിന്റെ ലീഡുണ്ട്
വിയന്ന: ഫോര്മുല വൺ കാറോട്ട സീസണിലെ ഓസ്ട്രിയന് ഗ്രാന്പ്രീയിൽ ഇന്ന് കിരീടപ്പോരാട്ടം. മെഴ്സിഡസിന്റെ വാള്ട്ടേരി ബോട്ടാസാണ് പോള് പൊസിഷനില്. മെഴ്സിഡസിൽ സഹഡ്രൈവറും ലോക ചാംപ്യനുമായ ലൂയിസ് ഹാമില്ട്ടൺ, രണ്ടാം സ്ഥാനത്തായി റേസ് തുടങ്ങും.
യോഗ്യതാ റൗണ്ടിൽ മൂന്നാം സ്ഥാനത്ത് എത്തിയെങ്കിലും, റെനോയുടെ കാര്ലോസ് സെയിന്സിനെ ബ്ലോക്ക് ചെയ്തതിന് പിഴ ലഭിച്ച
സെബാസ്റ്റ്യന് വെറ്റലിന് ആറാം സ്ഥാനത്ത് മാത്രമേ മത്സരം തുടങ്ങാന് കഴിയൂ. ഇതോടെ കിമി റൈക്കോണനന് മൂന്നാം സ്ഥാനത്തേക്ക് ഉയര്ന്നു. കിരീടപ്പോരാട്ടത്തില്, നിലവില് ഒന്നാം സ്ഥാനത്തുള്ള ഹാമില്ട്ടണിന്, വെറ്റലിനേക്കാള് 14 പോയിന്റിന്റെ ലീഡുണ്ട്.