Asianet News MalayalamAsianet News Malayalam

'ഇയാള്‍ അന്യഗ്രഹത്തില്‍ നിന്ന് വന്നയാള്‍; കോലിയെക്കുറിച്ച് മുന്‍ ഇംഗ്ലീഷ് നായകന്‍

കോലിയുടെ സെഞ്ചുറി ആഘോഷം മുന്‍ ഇംഗ്ലീഷ് നായകന്‍ മൈക്കല്‍ വോണിന് നന്നേ പിടിച്ചു. കോലി അന്യഗ്രഹത്തില്‍ നിന്ന് വന്നയാളാണെന്ന് വോണ്‍ ട്വീറ്റ് ചെയ്തു.

India vs Australia Michael Vaughan over Virat Kohli 25th Test Century
Author
Perth WA, First Published Dec 16, 2018, 3:35 PM IST

പെര്‍ത്ത്: പെര്‍ത്ത് ക്രിക്കറ്റ് ടെസ്റ്റില്‍ തന്റെ 25-ാം ടെസ്റ്റ് സെഞ്ചുറി പൂര്‍ത്തിയാക്കിയശേഷം പതിവില്‍ നിന്ന് വ്യത്യസ്തമായിട്ടായിരുന്നു ഇത്തവണ വിരാട് കോലി അത് ആഘോഷിച്ചത്. സാധാരണ വായുവിലേക്ക് ഉയര്‍ന്നുചാടി പഞ്ച് ചെയ്ത് സെഞ്ചുറി ആഘോഷിക്കാറുള്ള കോലി ഇത്തവണ വലിയ ആവേശമൊന്നും കാട്ടാതെ സെഞ്ചുറി പൂര്‍ത്തിയാക്കിയശേഷം ഹെല്‍മറ്റൂരി ബാറ്റിന് നേരെ വിരല്‍ ചൂണ്ടി തന്റെ ബാറ്റ് സംസാരിക്കുമെന്നായിരുന്നു ആരാധകരോട് പറഞ്ഞത്.

എന്തായാലും കോലിയുടെ സെഞ്ചുറി ആഘോഷം മുന്‍ ഇംഗ്ലീഷ് നായകന്‍ മൈക്കല്‍ വോണിന് നന്നേ പിടിച്ചു. കോലി അന്യഗ്രഹത്തില്‍ നിന്ന് വന്നയാളാണെന്ന് വോണ്‍ ട്വീറ്റ് ചെയ്തു. മൂന്നാം ദിനം 82 റണ്‍സില്‍ ബാറ്റിംഗ് പുനരാരംഭിച്ച കോലി മിച്ചല്‍ സ്റ്റാര്‍ക്കിനെ ബൗണ്ടറിയടിച്ചാണ് ടെസ്റ്റ് കരിയറിലെ 25-ാം സെഞ്ചുറിയിലേക്കെത്തിയത്.

ഓസ്ട്രേലിയയില്‍ കോലിയുടെ ആറാം സെഞ്ചുറിയാണിത്. ഓസ്ട്രേലിയയില്‍ ഏറ്റവും കൂടുതല്‍ സെഞ്ചുറിയെന്ന സച്ചിന്‍ ടെന്‍ഡുല്‍ക്കറുടെ നേട്ടത്തിനൊപ്പമെത്താനും ഇതോടെ കോലിക്കായി. സച്ചിന്‍ 20 ടെസ്റ്റില്‍ നിന്നാണ് ആറ് സെഞ്ചുറി അടിച്ചതെങ്കില്‍ കോലിക്ക് ആറ് സെഞ്ചുറി തികയ്ക്കാന്‍ വേണ്ടിവന്നത് 10 ടെസ്റ്റ് മാത്രം.

Follow Us:
Download App:
  • android
  • ios