ഇഷ് സോധി ഐപിഎല്ലിലേക്ക്; രാജസ്ഥാനായി കളിക്കും
- ട്വന്‍റി 20 റാങ്കിംഗില്‍ നാലാം നമ്പര്‍ ബൗളറാണ്
ജയ്‌പൂര്‍: ന്യുസീലന്‍ഡ് സ്‌പിന്നര്‍ ഇഷ് സോധി ഐപിഎല്ലിലേക്ക്. രാജസ്ഥാന്‍ റോയല്‍സ് ടീമിനായി സോധി കളിക്കുമെന്ന് ഐപിഎല്‍ അധികൃതര്‍ അറിയിച്ചു. പരിക്കേറ്റ അഫ്ഗാന്‍ സപിന്നര്‍ സഹീര്‍ ഖാന് പകരമായാണ് സോധിയെ രാജസ്ഥാന്‍ ടീമിലെടുത്തത്. ആദ്യമായാണ് സോധി ഇന്ത്യന്‍ പ്രീമിയര്‍ ലീഗിന്‍റെ ഭാഗമാകുന്നത്.
ട്വന്‍റി 20 റാങ്കിംഗില്‍ നിലവില്‍ നാലാം നമ്പര്‍ ബൗളറാണ് സോധി. 92 ട്വന്‍റി 20യിൽ 102 വിക്കറ്റ് വീഴ്ത്തിയിട്ടുള്ള സോധി ഇന്ത്യയില്‍ മികച്ച റെക്കോര്‍ഡുള്ള താരമാണ്. നേരത്തെ ലോക ഒന്നാം നമ്പര്‍ ബൗളര്‍ ആയിരുന്ന സോധിയെ താരലേലത്തില്‍ ഒരു ടീമും സ്വന്തമാക്കാതിരുന്നത് ശ്രദ്ധിക്കപ്പെട്ടിരുന്നു.
Last Updated Jun 8, 2018, 5:44 PM IST
