സച്ചിനോ കോലിയോ കേമന് , മറുപടിയുമായി ഇര്ഫാന് പത്താന്
ബെംഗളുരു: സച്ചിൻ ടെണ്ടുൽക്കറേക്കാൾ കേമനാണോ വിരാട് കോലി ? ക്രിക്കറ്റ് ലോകത്ത് ഇപ്പോൾ ഏറ്റവുമധികം ചർച്ചയാവുന്ന ചോദ്യത്തിന് മറുപടി നൽകിയിരിക്കുകയാണ് മുൻ ഇന്ത്യൻ താരം ഇർഫാൻ പത്താൻ. കോലി, സച്ചിൻ താരതമ്യം അനാവശ്യമാണെന്നാണ് ഇർഫാൻ ഏഷ്യാനെറ്റ് ന്യൂസിനോട് പറഞ്ഞു.
സച്ചിൻ ക്രിക്കറ്റ് ദൈവമെങ്കിൽ അതിനേക്കാൾ ഉയരത്തിലാണ് വിരാട് കോലിയെന്ന് ദക്ഷിണാഫ്രിക്കയിലെ പ്രകടനത്തിന് ശേഷം പലരും വാഴ്ത്തുന്നു. കോലി ഇനിയും വളരാനുണ്ടെന്നും സച്ചിൻ തന്നെ ഇതിഹാസമെന്നും മറ്റൊരു കൂട്ടർ. താരതമ്യം അനാവശ്യമെന്ന് നിലപാടുളളവരും നിരവധി. മുൻ ഇന്ത്യൻ താരം ഇർഫാൻ പത്താൻ ഈ ചോദ്യം ശരിയല്ലെന്ന അഭിപ്രായക്കാരനാണ്.
ദക്ഷിണാഫ്രിക്കയിൽ ചരിത്രം കുറിച്ച വിരാട് കോലിയെയും സംഘത്തെയും അഭിനന്ദിക്കാനും ഇർഫാൻ മറന്നില്ല. ഈ ടീമിന് ഏത് സാഹചര്യത്തിലും എതിരാളികളെ കീഴടക്കാനാവുമെന്ന് പത്താൻ വിലയിരുത്തുന്നു. ബെംഗളൂരുവിൽ പത്താൻസ് ക്രിക്കറ്റ് അക്കാദമിയുടെ ഉത്ഘാടനത്തിന് എത്തിയതായിരുന്നു മുൻ ഇന്ത്യൻ ഓൾറൗണ്ടർ.