ബംഗലൂരു: ജോണ്ടി റോഡ്സിന്റെ ഫീല്ഡിംഗ് മികവിനെ വെല്ലാന് ഇന്ത്യക്കാരെങ്കിലും ഉണ്ടോ. റോഡ്സിനോളം വരില്ലെങ്കിലും റെയ്നയും ജഡേജയും കോലിയുമെല്ലാം മികച്ച ഫീല്ഡര്മാര് തന്നെയാണ്. എന്നാല് ഇവരെയും വെല്ലുന്ന ഫീല്ഡിംഗ് മികവിലൂടെ വാര്ത്ത സൃഷ്ടിച്ചിരിക്കുകയാണ് ഇന്ത്യന് താരമായിരുന്ന വിനയ്കുമാര്. സയ്യിദ് മുഷ്താഖ് അലി ട്രോഫി ട്വന്റി-20 ടൂര്ണമെന്റില് കര്ണാടക-പഞ്ചാബ് മത്സരത്തിലായിരുന്നു വിനയ്കുമാറിന്റെ അസാമാന്യ ഫീല്ഡിംഗ്.
ഗുര്കീരത് സിംഗാണ് വിനയ്കുമാറിന്റെ ഫീല്ഡീംഗ് മികവിന് മുന്നില് റണ്ണൗട്ടായി പുറത്തായത്. അനായാസ വിജയത്തിലേക്ക് കുതിക്കുകയായിരുന്ന പഞ്ചാബ് ഈ വിക്കറ്റോടെ തകര്ന്നടിഞ്ഞെങ്കിലും ഒടുവില് മത്സരം ടൈയില് അവസാനിച്ചു. സൂപ്പര് ഓവറില് കര്ണാടകയെ തോല്പ്പിക്കുകയും ചെയ്തു.
Hi coach @JontyRhodes8 after watching your 1992 World Cup runout video many times, I was waiting for such opportunity. So, today I finally got it. How’s that coach ? 😊 pic.twitter.com/HOaUqNqprH
— Vinay Kumar R (@Vinay_Kumar_R) January 21, 2018
1992ലെ ലോകകപ്പില് പാക്കിസ്ഥാന്റെ ഇന്സ്മാം ഉള് ഹഖിനെ റണ്ണൗട്ടാക്കിയതിന് സമാനമായായിരുന്നു വിനയ്കുമാര് ഗൂര്കീരതിനെ പുറത്താക്കിയത്. 1992ല് റോഡ്സ് ഇന്സ്മാമിനെ റണ്ണൗട്ടാക്കിയ വീഡിയോ താന് പലതവണ കണ്ടിട്ടുണ്ടെന്നും അത്തരമൊരു അവസരത്തിനായി കാത്തിരിക്കുകയായിരുന്നുവെന്നും വിനയ്കുമാര് മത്സരശേഷം പറഞ്ഞു.
