അവധിദിനം

ആകെയുള്ള നാല് പുഴുപ്പല്ലുകള്‍ എന്‍റെ പ്രധാന ആയുധമായിരുന്നു. അത് പലപ്പോഴും മറ്റുള്ളവരുടെ കൈയില്‍ ആഴ്ന്നു ഇറങ്ങി. ചെളിപിടിച്ച നഖം വെട്ടി വൃത്തിയാക്കാന്‍ ആര്‍ക്ക് നേരം! അത് കൊണ്ട് മാന്തി ഉരിഞ്ഞുപോയ തൊലിയില്‍ രക്തം കല്ലിച്ചു നിന്നിരുന്നു. കൂട്ടത്തിലെ ഏറ്റവും ചെറുതെന്ന പദവി മുതലെടുക്കാന്‍ എനിക്കറിയാമായിരുന്നു.

പലതവണ പറഞ്ഞിട്ടും ഭർത്താവ് ടിക്കറ്റ് ബുക്ക് ചെയ്തില്ല. ടിക്കറ്റിന്റെ വില താഴട്ടെ എന്നും പറഞ്ഞ് അയാൾ കാത്തിരിക്കുകയായിരുന്നു.