Asianet News MalayalamAsianet News Malayalam

പിക്‌സല്‍ 2, പിക്‌സല്‍ 2 എക്സ് എല്‍ ഇന്ത്യയിലേക്ക്

Google Pixel 2 Pixel 2 XL launching in India on October 27
Author
First Published Oct 24, 2017, 7:15 PM IST

ദില്ലി: ഗൂഗിളിന്‍റെ ഏറ്റവും പുതിയ സ്മാര്‍ട്‌ഫോണുകളായ പിക്‌സല്‍ 2, പിക്‌സല്‍ 2 എക്‌സ്എല്‍ സ്മാര്‍ട്‌ഫോണുകള്‍ ഒക്ടോബര്‍ 27ന് ഇന്ത്യയിലെത്തും. ഈ മാസം ആദ്യമാണ് പിക്‌സല്‍ 2, പിക്‌സല്‍ 2 എക്‌സ്എല്‍ സ്മാര്‍ട് ഫോണുകള്‍ ഗൂഗിള്‍ പുറത്തിറക്കിയത്. ഒക്ടോബര്‍ 26ന് തന്നെ ഫോണുകള്‍ക്കായുള്ള പ്രീബുക്കിങ് ആരംഭിക്കും. സ്‌ക്രീന്‍ വലിപ്പത്തിന്‍റെ കാര്യത്തില്‍ മാത്രമാണ് ഈ ഫോണുകള്‍ മുന്‍ഗാമികളില്‍ നിന്നും വ്യത്യസ്തമാകുന്നത്.

ഗൊറില്ല ഗ്ലാസ് സംരക്ഷണത്തോട് കൂടിയ 1080 x 1920 പിക്‌സലിന്റെ 5 ഇഞ്ച് അമോലെഡ് ഡിസ്‌പ്ലേ, ആന്‍ഡ്രോയിഡ് 8.0 ഓപറേറ്റിങ് സിസ്റ്റം, ഡ്യുവല്‍ ടോണ്‍ ഫ്‌ലാഷോട് കൂടിയ 12.3 മെഗാപിക്‌സല്‍ ക്യാമറ 8 മെഗാപിക്‌സല്‍ സെല്‍ഫി ക്യാമറ. വൈഫൈ, ബ്ലൂടൂത്ത്, ജിപിഎസ്, യുഎസ്ബി കണക്റ്റിവിറ്റി. ഫിംഗര്‍പ്രിന്റ് സെന്‍സര്‍, ആക്‌സിലറോ മീറ്റര്‍, ഗൈറോ, പ്രൊക്‌സിമിറ്റി, കൊംപസ്, ബാരോമീറ്റര്‍ തുടങ്ങിയ സെന്‍സറുകള്‍ തുടങ്ങിയതാണ് ഗൂഗിള്‍ പിക്‌സല്‍ 2 സ്മാര്‍ട്‌ഫോണിന്റെ സവിശേഷതകള്‍.

1440 x 2880 പിക്‌സലിന്റെ 6 ഇഞ്ച് പി-ഓലെഡ് ഡിസ്‌പ്ലേ, കോണിങ് ഗൊറില്ല ഗ്ലാസ് സംരക്ഷണം ആന്‍ഡ്രോയിഡ് 8.0 ഒറിയോ ഓപറേറ്റിങ് സിസ്റ്റം ,12.3 മെഗാപിക്‌സല്‍ ക്യാമറ, 8 മെഗാപിക്‌സല്‍ സെല്‍ഫി ക്യാമറ, വൈഫൈ, ബ്ലൂടൂത്ത്, ജിപിഎസ്, എന്‍എഫ്‌സി കണക്റ്റിവിറ്റി. ഫിംഗര്‍പ്രിന്റ് സെന്‍സര്‍, ആക്‌സിലറോ മീറ്റര്‍, ഗൈറോ, പ്രൊക്‌സിമിറ്റി, കൊംപസ്, ബാരോമീറ്റര്‍ തുടങ്ങിയ സെന്‍സറുകള്‍ എന്നിങ്ങനെയാണ് പിക്‌സല്‍ 2 എക്‌സ്എല്‍ സവിശേഷതകള്‍.

പിക്‌സല്‍ 2വില്‍ കാണുന്ന വസ്തുക്കളെ തിരിച്ചറിയാന്‍ സാധിക്കുന്ന ഗൂഗിളിന്റെ പുതിയ ഗൂഗിള്‍ ലെന്‍സ് സംവിധാനം ഉള്‍പെടുത്തിയ ക്യാമറ സോഫ്റ്റ് വെയറാണ് ഉണ്ടാവുക. മാത്രമല്ല,  ഓഗ്മെന്റഡ് റിയാലിറ്റി സ്റ്റിക്കറുകളും ക്യാമറ ആപ്പിലുണ്ടാവും. വില സംബന്ധിച്ച് ഇപ്പോള്‍ വെളിപ്പെടുത്തലുകള്‍ ഒന്നും ഇല്ലെങ്കിലും 50,000ത്തിന് മുകളില്‍ വില ഉണ്ടായേക്കുമെന്നാണ് റിപ്പോര്‍ട്ട്.

Follow Us:
Download App:
  • android
  • ios