സാംസങ്ങ് ഗ്യാലക്സി നോട്ട് 8 ന്റെ പ്രത്യേകതകള് പുറത്തായി. ആഗസ്റ്റ് അവസാനം ഇറങ്ങുന്ന ഈ ഫോണിന്റെ പ്രത്യേകതകള് ടെക് സൈറ്റായ ബിജിആര് ആണ് പുറത്തുവിട്ടത്. അടുത്തിടെ ഇറങ്ങിയ ഗ്യാലക്സി എസ്8, എസ്8 പ്ലസ് എന്നിവയെക്കുറിച്ച് ഉയര്ന്ന് വിമര്ശനങ്ങളും പരിഗണിച്ചാണ് നോട്ട് 8 ഇറങ്ങുന്നു എന്നാണ് പുറത്തുവരുന്ന വിവരങ്ങളില് നിന്നും മനസിലാകുന്നത്.
6.3 ഇഞ്ചായിരിക്കും സാംസങ്ങ് ഗ്യാലക്സി നോട്ട് 8 ന്റെ സ്ക്രീന് വലിപ്പം. എഎംഒഎല്ഇഡി ഡിസ്പ്ലേയാണ് ഫോണിനുള്ളത്. ഫോണിന്റെ ആസപ്റ്റ് റെഷ്യൂ 18.5:9 ആണ്. 6ജിബിയാണ് ഫോണിന്റെ റാം. എക്സിനോസ് 8895 അല്ലെങ്കില് ക്യൂവല്കോം സ്നാപ്ഡ്രാഗണ് 835 ചിപ്പ് സെറ്റ് പ്രോസ്സസറായിരിക്കും ഫോണില്. ഡ്യൂവല് 12 എംപി റെയര് ക്യാമറയാണ് ഫോണിനുണ്ടാകുക.
3,3000 എംഎഎച്ച് ആണ് ഈ പാംലെറ്റിന്റെ ബാറ്ററി ശേഷി. ഒപ്പം എസ് പെന് അപ്ഡേഷനും ലഭിക്കും. 60,000 രൂപയ്ക്ക് അടുത്തായിരിക്കും വില എന്നാണ് സൂചന. എന്തായാലും നോട്ട് 7ന് സംഭവിച്ച പൊട്ടിത്തെറി ദുരന്തങ്ങള് ഒഴിവാക്കുവാന് രണ്ടും കല്പ്പിച്ചാണ് സാംസങ്ങ് നോട്ട് 8മായി ഇറങ്ങിയിരിക്കുന്നത് എന്ന് ഉറപ്പാണ്.
