സ്മാര്ട്ഫോണ് രംഗത്തെ അതികായരായ ആപ്പിളിന്റെ ഐഫോണ് പുതിയ മോഡലുകളുടെ വിവരങ്ങള് പുറത്തായി. ഐഫോണ് 8, ഐഫോണ് 8 പ്ലസ്, ഐഫോണ് എക്സ് എന്നിങ്ങനെ മൂന്ന് മോഡലുകളാണ് ആപ്പിള് ഉടന് വിപണിയിലെത്തിക്കുന്നത്. എന്നാല് ഔദ്യോഗികമായി പുറത്തിറക്കുന്നതിന് മുമ്പ് പുതിയ ഐഫോണ് മോഡലുകളുടെ പ്രത്യേകതകള് ലീക്കായി. ഈ മൂന്ന് മോഡലുകളിലൊന്നിലെങ്കിലും വയര്ലെസ് ചാര്ജിങ് ഉണ്ടാകുമെന്നതാണ് ഏറ്റവും പ്രധാനപ്പെട്ട വിവരം. കൂടാതെ ഐഫോണ് 8ന് രണ്ട് ജിബി റാമും ഐഫോണ് 8 പ്ലസ്, ഐഫോണ് എക്സ് എന്നീ മോഡലുകള്ക്ക് മൂന്നു ജിബി റാമും ഉണ്ടാകും. ഐഫോണ് എക്സിന് 12 എംപി ക്യാമറ ഉണ്ടാകും. 4കെ വീഡിയോ ചിത്രീകരിക്കാമെന്നതാണ് ഇതിന്റെ ഏറ്റവും പ്രധാന സവിശേഷത. ഏഴ് മെഗാപിക്സല് ഫ്രണ്ട് ക്യാമറയാണ് ഈ മോഡലിന് ഉണ്ടാകുകയെന്നും വിവരമുണ്ട്. കൂടാതെ ഐഫോണ് എക്സിന് 6-കോര് ആപ്പിള് എസ്ഒസി പ്രോസസറാണ് ഉണ്ടാവുകയെന്നാണ് സൂചന. വരുംദിവസങ്ങളില് പുതിയ ഐഫോണ് മോഡലുകളുടെ കൂടുതല് വിവരങ്ങള് പുറത്തുവരുമെന്നാണ് അറിയുന്നത്.
പുതിയതായി ഇറങ്ങാന് പോകുന്ന ഐഫോണ് മോഡലുകളുടെ വിവരങ്ങള് ലീക്കായി
ഏറ്റവും പുതിയ Technology News മലയാളത്തിൽ അറിയാൻ ഏഷ്യാനെറ്റ് ന്യൂസ് മലയാളം ഒപ്പമിരിക്കുക. Mobile Reviews in Malayalam, AI പോലുള്ള പുതുപുത്തൻ സാങ്കേതിക നവീകരണങ്ങൾ തുടങ്ങി ടെക് ലോകത്തിലെ എല്ലാ പ്രധാന അപ്ഡേറ്റുകളും അറിയാൻ Asianet News Malayalam
