മുംബൈ: ഇന്ത്യന്‍ വിപണിയില്‍ തരംഗമായ റെഡ്മി നോട്ട് 4 നു പിറകെ ഷവോമി അടുത്ത ഫോണുമായി രംഗത്ത്. ഷവോമി എംഐ 5എക്സ് ആണ് ഉടന്‍ ഇന്ത്യന്‍ വിപണിയില്‍ എത്തുന്നത്. റെഡ്മി നോട്ട് 4 ന്‍റെ 50 ലക്ഷത്തോളം യൂണിറ്റുകളാണ് ഷവോമി ഇന്ത്യയില്‍ വിറ്റത്. ഇതിന് പിന്നാലെയാണ് എംഐ 5എക്സ് വിപണിയില്‍ എത്തുന്നത്.

ആന്‍ഡ്രോയ്ഡ് 7 ല്‍ പ്രവര്‍ത്തിക്കുന്ന ഫോണിന് എംഐയുഐ കസ്റ്റമറൈസേഷന്‍ ഷവോമി നല്‍കുന്നു. 4 ജിബി റാമും 64 ജിബി സ്റ്റോറേജുമുള്ള 625 എസ് ഒ സിയാണ് സിയോമിയുടെ പുതിയ വേര്‍ഷനുള്ളത്.

സിയോമി എംഐ 5എക്സിന്‍റെ ഏറ്റവും ആകര്‍ഷകമായ ഫീച്ചര്‍ ഇതിന്‍റെ ഇരട്ട ക്യാമറയാണ്. 12 എംപി വൈഡ് ആംഗിള്‍ ക്യാമറയും 12 എംപി ടെലിഫോട്ടോ ലെന്‍സുമാണിതിനുള്ളത്. 4 ആക്സിസ് ഇമേജ് സ്റ്റെബിലൈസേഷന്‍ വ്യക്തതയാര്‍ന്ന ചിത്രങ്ങള്‍ എടുക്കാന്‍ സഹായിക്കും.4കെ വീഡിയോ റെക്കോര്‍ഡിങ്ങ് സംവിധാനവുമുണ്ട് എംഐ 5എക്സിന്.

3080 എംഎഎച്ച് ബാറ്ററിയാണ് ഇതിന്‍റെ മറ്റൊരു ആകര്‍ഷണീയത. ബാറ്ററി എളുപ്പത്തില്‍ ചാര്‍ജ് ചെയ്യാനും കഴിയുമെന്നതും എടുത്ത് പറയണ്ടതാണ്. വൈ ഫൈ 802.11, ഡ്യുല്‍ ബാന്‍റ് , ഹോട്ട്സ് പോട്ട്, ബ്ലൂടൂത്ത് 4.2 പിന്നെ യുഎസ്ബി 2.0 എന്നിവയാണ് ഇതിന്‍റെ കണക്ടീവിറ്റി ഓപ്ഷനില്‍ വരുന്നത്. കറുപ്പ്, ഗോള്‍ഡ്,റോസ് തുടങ്ങിയ നിറങ്ങളില്‍ ഫോണ്‍ ലഭ്യമാകും. ഇതിന്‍റെ വിപണി വില 15,000 രൂപയ്ക്ക് അടുത്തായിരിക്കുമെന്നാണ് റിപ്പോര്‍ട്ട്.