കടലിലെ പൊന്ന്, ലക്ഷങ്ങൾ വില, ഗോൽ മത്സ്യം ഇനി ഗുജറാത്തിന്റെ സംസ്ഥാന മത്സ്യം
ഒന്നര മീറ്ററോളം ഇതിന് നീളം വരാം. അതുപോലെ, ഇതിൽ ആൺമത്സ്യങ്ങൾക്കാണ് കൂടുതൽ വില കിട്ടുക. 30 കിലോ വരുന്ന മത്സ്യത്തിന് നാലഞ്ചു ലക്ഷം രൂപ വില വരും.
ഗോൽ മത്സ്യത്തെ സംസ്ഥാന മത്സ്യമായി തിരഞ്ഞെടുത്ത് ഗുജറാത്ത്. അഹമ്മദാബാദിൽ നടന്ന ദ്വിദിന ഗ്ലോബൽ ഫിഷറീസ് കോൺഫറൻസ് ഇന്ത്യ 2023 -ലാണ് മുഖ്യമന്ത്രി ഭൂപേന്ദ്ര പട്ടേൽ ഗോൽ ഫിഷിനെ ഗുജറാത്തിന്റെ സംസ്ഥാന മത്സ്യമായി പ്രഖ്യാപിച്ചത്. ഗോൽ മത്സ്യത്തെ സംരക്ഷിക്കുക, അതേ കുറിച്ച് ബോധവൽക്കരണം ഉണ്ടാക്കുക എന്ന ലക്ഷ്യത്തോട് കൂടിയാണ് ഗോൽ മത്സ്യത്തെ ഗുജറാത്ത് സംസ്ഥാന മത്സ്യമായി പ്രഖ്യാപിച്ചിരിക്കുന്നത്.
ഗോൽ മത്സ്യം
ഇന്ത്യയിൽ തന്നെ കാണപ്പെടുന്ന വലിപ്പം കൂടിയ മത്സ്യമാണ് ഗോൽ മത്സ്യം. തീർന്നില്ല, കടലിലെ പൊന്ന് തന്നെയാണ് 'സീ ഗോൾഡ്' എന്ന് കൂടി അറിയപ്പെടുന്ന ഈ മത്സ്യം. ഗോൾഡൻ- ബ്രൗൺ നിറത്തിലുള്ള ഈ മത്സ്യം സാധാരണയായി ഗുജറാത്ത്, മഹാരാഷ്ട്ര എന്നിവിടങ്ങളിലാണ് കൂടുതലായി കാണപ്പെടുന്നത്. വൻ വില കിട്ടുന്നതാണ് ഈ മത്സ്യം. ഈ വിലയ്ക്ക് പിന്നിലെ പ്രധാന കാരണം അതിന്റെ ആമാശയത്തിൽ കാണപ്പെടുന്ന ബ്ലാഡറാണ്. വിവിധ ശസ്ത്രക്രിയയ്ക്കാവശ്യമായ നൂൽ നിർമ്മിക്കാൻ ഇവ ഉപയോഗിക്കാറുണ്ട്. ഒപ്പം, വിവിധ മരുന്നുകൾ നിർമ്മിക്കുന്നതിന് വേണ്ടിയും ഇതിന്റെ ബ്ലാഡർ ഉപയോഗിക്കുന്നു.
അതുപോലെ തന്നെ ഈ മത്സ്യത്തിന് വിവിധ തരത്തിലുള്ള ഔഷധഗുണങ്ങളുണ്ട് എന്ന് പറയപ്പെടുന്നു. അത് പ്രതിരോധശേഷി വർധിപ്പിക്കുമെന്നും പറയാറുണ്ട്. ബിയറും വൈനുമുണ്ടാക്കാൻ ഗോൽ മത്സ്യം ഉപയോഗിക്കാറുണ്ടത്രെ. ഒന്നര മീറ്ററോളം ഇതിന് നീളം വരാം. അതുപോലെ, ഇതിൽ ആൺമത്സ്യങ്ങൾക്കാണ് കൂടുതൽ വില കിട്ടുക. 30 കിലോ വരുന്ന മത്സ്യത്തിന് നാലഞ്ചു ലക്ഷം രൂപ വില വരും. ഗുജറാത്തിൽ നിന്നും മുംബൈയിൽ നിന്നുമുള്ള മത്സ്യത്തൊഴിലാളികൾ വലിയ വിലയ്ക്ക് അന്താരാഷ്ട്ര മാർക്കറ്റിൽ ഈ മത്സ്യത്തിന്റെ വിവിധ ശരീരഭാഗങ്ങൾ വിൽക്കാറുണ്ട്.
വായിക്കാം: ഏഴുദിവസം മണ്ണിനടിയിൽ ശവപ്പെട്ടിക്കകത്ത് കിടന്ന യൂട്യൂബർക്ക് സംഭവിച്ചത്...
ഏഷ്യാനെറ്റ് ന്യൂസ് ലൈവ് കാണാം:
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
