അന്താരാഷ്ട്ര വനിതാദിനത്തില്‍ സ്ത്രീകള്‍ക്കു മാത്രമായി സോഷ്യല്‍ നെറ്റ്‌വര്‍ക്കുമായി റിലയന്‍സ് ഫൗണ്ടേഷന്‍
സ്ത്രീകള്‍ക്കായുള്ള ഡിജിറ്റല്‍ നെറ്റ്‌വര്‍ക്കിംഗ് പ്ലാറ്റ്‌ഫോമില്‍ ആശയവിനിമയം, ഇടപഴകല്‍, സഹകരണം, പരസ്പര പിന്തുണ എന്നിവയ്ക്കായി സന്തോഷകരവും സുരക്ഷിതവുമായ ഇടം നല്‍കി സ്ത്രീ ശാക്തീകരണമാണ് ഉദ്ദേശിക്കുന്നതെന്ന് ഫൗണ്ടേഷന്‍ വ്യക്തമാക്കി.
വനിതാദിനത്തില്‍ ലോകമെമ്പാടുമുള്ള സ്ത്രീകള്‍ക്ക് വേണ്ടി റിലയന്‍സ് ഫൗണ്ടേഷന്‍ ഹേര്‍ സര്‍ക്കിള്‍ എന്ന പേരില്‍ സോഷ്യല്‍ നെറ്റ്‌വര്‍ക്ക് ആരംഭിക്കുന്നു. സമഗ്ര ഉള്ളടക്കം, സോഷ്യല്‍ മീഡിയ, സ്ത്രീകള്‍ക്കായി ലക്ഷ്യം പൂര്‍ത്തീകരിക്കുന്ന ഡിജിറ്റല്‍ പ്ലാറ്റ്‌ഫോം എന്നിവയാണ് ലക്ഷ്യം. സ്ത്രീകള്‍ക്കായുള്ള ഡിജിറ്റല്‍ നെറ്റ്‌വര്‍ക്കിംഗ് പ്ലാറ്റ്‌ഫോമില്‍ ആശയവിനിമയം, ഇടപഴകല്‍, സഹകരണം, പരസ്പര പിന്തുണ എന്നിവയ്ക്കായി സന്തോഷകരവും സുരക്ഷിതവുമായ ഇടം നല്‍കി സ്ത്രീ ശാക്തീകരണമാണ് ഉദ്ദേശിക്കുന്നതെന്ന് ഫൗണ്ടേഷന്‍ വ്യക്തമാക്കി.
ലോകമെമ്പാടുമുള്ള സ്ത്രീകളുടെ ഡിജിറ്റല്‍ കൂട്ടായാണ് സര്‍ക്കിള്‍ വിഭാവനം ചെയ്തിരിക്കുന്നത്. ഇന്ത്യന്‍ സ്ത്രീകളില്‍ തുടങ്ങി ലോകമെമ്പാടുമുള്ള സ്ത്രീകളിലേക്കു വളരാവുന്ന വിധമാണ് ഇത് ഉദ്ദേശിക്കുന്നത്. എല്ലാ സാമൂഹിക പശ്ചാത്തലങ്ങളിലുമുള്ള സ്ത്രീകളുടെ അതിവേഗം ഉയരുന്ന അഭിലാഷങ്ങള്‍, സ്വപ്‌നങ്ങള്‍, കഴിവുകള്‍ എന്നിവ നിറവേറ്റുന്ന ഒരു സമഗ്രമായ ഉള്ളടക്കം, സോഷ്യല്‍ മീഡിയ, കമ്മ്യൂണിറ്റി എന്നിവയാണ് ഇതിലുള്ളതെന്നു ലോഞ്ച് പരിപാടിയില്‍ സംസാരിച്ച റിലയന്‍സ് ഫൗണ്ടേഷന്‍ ചെയര്‍പേഴ്‌സണ്‍ നിത അംബാനി പറഞ്ഞു, 'സ്ത്രീകള്‍ സ്ത്രീകളിലേക്ക് ചായുമ്പോള്‍ അവിശ്വസനീയമായ കാര്യങ്ങള്‍ സംഭവിക്കുന്നു! ജീവിതത്തിലുടനീളം ഞാന്‍ കരുണയുള്ള സ്ത്രീകളില്‍ നിന്ന് ഞാന്‍ അനുകമ്പ, പ്രതിരോധം, പോസിറ്റീവ് എന്നിവ പഠിച്ചു; അതിനുപകരം, എന്റെ പഠനങ്ങള്‍ മറ്റുള്ളവര്‍ക്ക് കൈമാറാന്‍ ഞാന്‍ പരിശ്രമിച്ചു.
11 പെണ്‍കുട്ടികളുള്ള ഒരു കുടുംബത്തില്‍ വളര്‍ന്ന ഒരു മകളെന്ന നിലയില്‍, എന്നെത്തന്നെ വിശ്വസിക്കാന്‍ എന്നെ പഠിപ്പിച്ചു. എന്റെ മകളായ ഇഷയില്‍ നിന്ന്, എന്റെ സ്വപ്‌നങ്ങളെ പിന്തുടരാനുള്ള നിരുപാധികമായ സ്‌നേഹവും ആത്മവിശ്വാസവും എനിക്ക് ലഭിച്ചു. എന്റെ മരുമകള്‍ ശ്ലോകയില്‍ നിന്ന് ഞാന്‍ സഹാനുഭൂതിയും ക്ഷമയും പഠിച്ചു. റിലയന്‍സ് ഫൗണ്ടേഷനില്‍ നിന്നുള്ള സ്ത്രീകളായാലും ഞാന്‍ പ്രവര്‍ത്തിച്ച ദേശീയ അന്തര്‍ദേശീയ വനിതാ നേതാക്കളായാലും, ഞങ്ങളുടെ പങ്കിട്ട അനുഭവങ്ങള്‍ എന്നെ കാണിക്കുന്നത് അവസാനം ഞങ്ങളുടെ പോരാട്ടങ്ങളും വിജയങ്ങളും പരസ്പരം പ്രതിധ്വനിക്കുന്നു എന്നാണ്. '- നിത പറഞ്ഞു.
സര്‍ക്കിള്‍ എന്താണ്?
ഒരു സോഷ്യല്‍ പ്ലാറ്റ്‌ഫോമിലൂടെ സ്ത്രീകളെ ബന്ധിപ്പിച്ച് പരസ്പരം ഉന്നമനത്തിനായി ലക്ഷ്യമിടുന്നതുമായ സ്ത്രീകളുമായി ബന്ധപ്പെട്ട ഉള്ളടക്കം നല്‍കുന്നതിനാണ് സര്‍ക്കിള്‍ രൂപകല്‍പ്പന ചെയ്തിരിക്കുന്നത്. വീഡിയോകള്‍ കാണുമ്പോഴും, ജീവിതം, ക്ഷേമം, ധനകാര്യം, ജോലി, വ്യക്തിത്വ വികസനം, കമ്മ്യൂണിറ്റി സേവനം, സൗന്ദര്യം, ഫാഷന്‍, വിനോദം, ക്രിയേറ്റീവ് എന്നിവ സ്വയം ആവിഷ്‌കരിച്ച് പൊതുജീവിതത്തില്‍ സജീവ പങ്കാളിത്തമുണ്ടാക്കുകയാണ് ഉദ്ദേശ്യം. ആരോഗ്യം, വിദ്യാഭ്യാസം, സംരംഭകത്വം, ധനകാര്യം, ജീവകാരുണ്യ പ്രവര്‍ത്തനങ്ങള്‍, മാര്‍ഗനിര്‍ദ്ദേശം, നേതൃത്വം എന്നിവയെക്കുറിച്ചുള്ള റിലയന്‍സിന്റെ വിദഗ്ധ പാനലില്‍ നിന്നുള്ള ഉത്തരങ്ങളും ഈ പ്ലാറ്റ്‌ഫോം സ്ത്രീകള്‍ക്ക് നല്‍കും. അപ്‌സ്‌കില്ലിംഗ്, ജോലികള്‍ എന്നിവയെക്കുറിച്ചുള്ള വിഭാഗം അവളെ പുതിയ പ്രൊഫഷണല്‍ കഴിവുകള്‍ കണ്ടെത്തുന്നതിനും അവളുടെ പ്രൊഫൈലിന് അനുയോജ്യമായ തൊഴിലവസരങ്ങള്‍ നേടുന്നതിനും സഹായിക്കും.
വീഡിയോകള്‍ മുതല്‍ ലേഖനങ്ങള്‍ വരെയുള്ള ഉള്ളടക്കം എല്ലാവര്‍ക്കുമായി തുറന്നിരിക്കുമ്പോള്‍, പ്ലാറ്റ്‌ഫോമിലെ സോഷ്യല്‍ നെറ്റ്‌വര്‍ക്കിംഗ് ഭാഗം സ്ത്രീകള്‍ക്ക് മാത്രമാണ്. പരസ്പര താല്‍പ്പര്യങ്ങളുള്ള പുതിയ കൂട്ടുകാരികളെ ഉണ്ടാക്കുന്നതിനോ അല്ലെങ്കില്‍ സമപ്രായക്കാരില്‍ നിന്നും മടികൂടാതെ ചോദ്യങ്ങള്‍ ചോദിക്കുന്നതിനോ ഉള്ള സാമൂഹിക ബന്ധം അവള്‍ക്ക് സുരക്ഷിതവും സ്ത്രീകള്‍ മാത്രമുള്ളതുമായ ഒരു ഫോറം നല്‍കും.
സര്‍ക്കിള്‍ ചേരാന്‍ സൗജന്യമാണ്. ഇതൊരു വെബ്‌സൈറ്റായും ഒരു മൊബൈല്‍ ആപ്ലിക്കേഷനായും ലഭ്യമാണ്. ഗ്രാമീണ പരിവര്‍ത്തനം, ആരോഗ്യം, വിദ്യാഭ്യാസം, വികസനത്തിനുള്ള കായികം, ദുരന്ത പ്രതികരണം, നഗര നവീകരണം, കല, സംസ്‌കാരം, പൈതൃകം തുടങ്ങിയ മേഖലകളിലാണ് റിലയന്‍സ് ഫൗണ്ടേഷന്‍ പ്രവര്‍ത്തിക്കുന്നത്. കൂടാതെ, ജീവകാരുണ്യ, സിഎസ്ആര്‍ സംരംഭങ്ങള്‍ക്കും ഇവര്‍ നേതൃത്വം നല്‍കുന്നു.
