ഈ വിവരങ്ങൾ ഒരു പ്രത്യേക ഇ-മെയിൽ ഐഡി വഴിയാണ് സെബിക്ക് കൈമാറുക. കഴിഞ്ഞ മാസം, സ്റ്റോക്ക് ബ്രോക്കർമാർക്കും ഡെപ്പോസിറ്ററി പങ്കാളികൾക്കും സമാനമായ നിർദ്ദേശവുമായി റഗുലേറ്ററി അതോറിറ്റി രംഗത്തെത്തിയിരുന്നു.
ദില്ലി: കെവൈസി രജിസ്ട്രേഷൻ ഏജൻസികളോട് (കെആർഎ) അവര് അനുഭവിക്കുന്ന എല്ലാ സൈബർ ആക്രമണങ്ങളും ഭീഷണികളും ലംഘനങ്ങളും ആറ് മണിക്കൂറിനുള്ളിൽ റിപ്പോർട്ട് ചെയ്യാൻ ആവശ്യപ്പെട്ടിരിക്കുകയാണ് ക്യാപിറ്റൽ മാർക്കറ്റ് റഗുലേറ്റർ സെബി (SEBI). ഈ പ്രശ്നങ്ങള് സെബി ഇന്ത്യന് കംമ്പ്യൂട്ടര് എമര്ജന്സി റെസ്പോണ്സ് ടീമിനെ (CERT-IN)അറിയിക്കും.
സിഇആര്ടി -ഇന് അപ്ഡേറ്റ് ചെയ്ത ഗൈഡ് ലൈന് അനുസരിച്ചാണ് സെബി നടപടികള് സ്വീകരിക്കുന്നത്. പ്രൊട്ടക്ടഡ് സിസ്റ്റം എന്നറിയപ്പെടുന്ന കെആർഎകളും അത്തരം സംഭവങ്ങൾ നാഷണൽ ക്രിട്ടിക്കൽ ഇൻഫർമേഷൻ ഇൻഫ്രാസ്ട്രക്ചർ പ്രൊട്ടക്ഷൻ സെന്റർ (എൻസിഐഐപിസി) യില് റിപ്പോർട്ട് ചെയ്യും.സ്റ്റോക്ക് ബ്രോക്കർമാർ, ഡെപ്പോസിറ്ററി പങ്കാളികൾ എന്നിവർ അനുഭവിക്കുന്ന സൈബർ ആക്രമണങ്ങൾ, ഭീഷണികൾ, സൈബർ സംഭവങ്ങൾ, ബഗ് കേടുപാടുകൾ, മറ്റുള്ളവർക്ക് ഉപയോഗപ്രദമായേക്കാവുന്ന ഭീഷണികൾ എന്നിവയെക്കുറിച്ചുള്ള വിവരങ്ങൾ ഉൾപ്പെടെയാണ് റിപ്പോര്ട്ട് ചെയ്തിരിക്കുന്നത്.
ഈ വിവരങ്ങൾ ഒരു പ്രത്യേക ഇ-മെയിൽ ഐഡി വഴിയാണ് സെബിക്ക് കൈമാറുക. കഴിഞ്ഞ മാസം, സ്റ്റോക്ക് ബ്രോക്കർമാർക്കും ഡെപ്പോസിറ്ററി പങ്കാളികൾക്കും സമാനമായ നിർദ്ദേശവുമായി റഗുലേറ്ററി അതോറിറ്റി രംഗത്തെത്തിയിരുന്നു. മെയ് മാസത്തിൽ, ഗൂഗിൾ, ഫെയ്സ്ബുക്ക്, എച്ച്പി തുടങ്ങിയവരടങ്ങുന്ന 11 അന്താരാഷ്ട്ര സ്ഥാപനങ്ങൾ സിഇആർടി-ഇൻ ഡയറക്ടർ ജനറൽ സഞ്ജയ് ബഹലിന് സൈബര് സുരക്ഷാ സംബന്ധിച്ച് കത്തെഴുതിയിരുന്നു.
സൈബർ ആക്രമണ സംഭവങ്ങൾ ആറ് മണിക്കൂറിനുള്ളിൽ റിപ്പോർട്ട് ചെയ്യാനുള്ള നിർദ്ദേശം പുറത്തിറക്കുന്നത് ഇതിനു പിന്നാലെയാണ്. കൂടാതെ ഉപയോക്താക്കളുടെ ലോഗുകള് അഞ്ചുവര്ഷം സുരക്ഷിതമായി റെക്കോര്ഡ് ചെയ്യാനും നിര്ദേശമുണ്ട്. സൈബര് സുരക്ഷാ പ്രശ്നങ്ങള് ഇന്ത്യയിൽ പ്രവർത്തിക്കുന്ന ഓർഗനൈസേഷനുകൾക്കുള്ള സൈബർ സുരക്ഷയെ ദോഷകരമായി ബാധിക്കും. അധികാരപരിധിയിലുടനീളമുള്ള സൈബർ സുരക്ഷയോട് വിയോജിപ്പുള്ള സമീപനം സൃഷ്ടിക്കുകയും, ഇന്ത്യയുടെയും ക്വാഡ് രാജ്യങ്ങളിലെ സഖ്യകക്ഷികളുടെയും സുരക്ഷാ നിലയെ തുരങ്കം വയ്ക്കുകയും ചെയ്യുമെന്നും ഉള്ള ആശങ്ക പ്രകടിപ്പിച്ചിരുന്നു.
