2.2 കോടിപ്പേരുടെ സ്വകാര്യവിവരങ്ങള് ചോര്ന്നു, ചോര്ത്തിയത് ആര്? എന്തിന്? ദുരൂഹത തുടരുന്നു
22 ദശലക്ഷത്തിലധികം ആളുകളുടെ സ്വകാര്യ വിവരങ്ങള് പരസ്യമായി ആര്ക്കും ഉപയോഗിക്കാവുന്ന രീതിയില് സെര്വറില് സംഭരിച്ചിട്ടുണ്ടെന്ന് ഗവേഷകന് ട്രോയ് ഹണ്ട് പറയുന്നു.
സിഡ്നി: ദശലക്ഷക്കണക്കിന് ആളുകളുടെ സ്വകാര്യ ഡാറ്റകള് പുറത്ത്. പരസ്യമായ ഡേറ്റാ ലംഘനം തുറന്നുകാട്ടിയിരിക്കുന്നത് ഓസ്ട്രേലിയന് സുരക്ഷാ വിദഗ്ധരാണ്. വ്യക്തമായ ഉറവിടമില്ലാതെ പുറത്തായിരിക്കുന്ന ഈ സുരക്ഷാ ചോര്ച്ച സൈബര് ലോകത്ത് സൃഷ്ടിച്ചിരിക്കുന്നത് വലിയ പ്രതിസന്ധിയാണ്. 22 ദശലക്ഷത്തിലധികം ആളുകളുടെ സ്വകാര്യ വിവരങ്ങള് പരസ്യമായി ആര്ക്കും ഉപയോഗിക്കാവുന്ന രീതിയില് സെര്വറില് സംഭരിച്ചിട്ടുണ്ടെന്ന് ഗവേഷകന് ട്രോയ് ഹണ്ട് പറയുന്നു.
ഇത്തരം വിവരങ്ങളില് ഇമെയില് വിലാസങ്ങള്, ഫോണ് നമ്പറുകള്, ഭൗതിക വിലാസങ്ങള്, മുഴുവന് പേരുകള്, തൊഴില് ശീര്ഷകങ്ങള്, സോഷ്യല് മീഡിയ പ്രൊഫൈലുകള് എന്നിവയാണ് ഉള്ളത്. ഡേറ്റാ സെറ്റ് കണ്ടെത്തിയെങ്കിലും, ഹണ്ടിനോ സുരക്ഷാ സേവനത്തിനോ ഡേറ്റയുമായി ഹണ്ടിലെത്തിയ ഡെഹാഷെഡിന് സെര്വറിന്റെ ഉടമസ്ഥത ആരാണെന്നും ഏതൊക്കെ ഉറവിടങ്ങളില് നിന്നാണ് വിവരങ്ങള് ശേഖരിക്കുന്നതെന്നും കൃത്യമായി നിര്ണ്ണയിക്കാന് കഴിഞ്ഞിട്ടില്ല.
ഡാറ്റാബേസില് അടങ്ങിയിരിക്കുന്ന മിക്ക ഡാറ്റയും ഫേസ്ബുക്ക് അല്ലെങ്കില് ലിങ്ക്ഡ്ഇന് പോലുള്ള സ്രോതസ്സുകളില് നിന്നും ഉള്ളവയാണെന്നു സംശയിക്കപ്പെടുന്നു. എന്നാല്, ഇതു നീക്കംചെയ്യാന് ശ്രമിക്കുകയോ ഹാക്കിങ്ങിന്റെ വഴികള് തേടുകയോ ചെയ്തിട്ടില്ല. വിവരങ്ങള് കൃത്യമായി മറ്റൊരാള്ക്ക് ആക്സസ്സ് ചെയ്യാന് പാകത്തിലാണ് സംഭരിച്ചിരിക്കുന്നത്. നിലവില് ഇത് ദുരുപയോഗം ചെയ്തതായി വിവരമില്ല. സേര്വറിലുള്ള ഫോണ് നമ്പരുകള്ക്കു പുറമേ, ഈ നമ്പരുകള് സമീപകാലത്തു കോണ്ടാക്ഡ് ചെയ്തവരുടെ വിവരങ്ങളും ശേഖരിച്ചിട്ടുണ്ടെന്നാണ് സൂചന. ഒരു കസ്റ്റമര് റിലേഷന്ഷിപ്പ് മാനേജുമെന്റ് സിസ്റ്റം ഡാറ്റ സമാഹരിക്കാന് സാധ്യതയുണ്ടെന്ന് പിയര് അസോസിയേഷന് ഹണ്ട് കരുതുന്നുവെങ്കിലും ഉറവിടം ഇപ്പോഴും ഒരു ഊഹം മാത്രമാണെന്ന് ഗവേഷകന് ട്രോയ് ഹണ്ട് കൂട്ടിച്ചേര്ത്തു.
വ്യക്തിപരമായ വിവരങ്ങള് ഒരാളുടെ സമ്മതമില്ലാതെ, അറിവില്ലാതെ എത്രത്തോളം വ്യാപിക്കുന്നു എന്നതിന്റെ ഏറ്റവും പുതിയ വാര്ത്തയാണിത്. ഇതിനെക്കുറിച്ച് എന്നത്തേക്കാളും ബോധവാന്മാരായിരിക്കുന്നതിനപ്പുറം ആര്ക്കും ഒന്നും ചെയ്യാന് കഴിയില്ലെന്നും ഇതു വെളിപ്പെടുത്തുന്നു. 'Db8151dd' എന്ന് വിളിക്കപ്പെടുന്ന നിഗൂഢമായ ഡാറ്റാ ലംഘനം 22 ദശലക്ഷം ആളുകളുടെ സ്വകാര്യവിവരങ്ങളാണ് വെളിപ്പെടുത്തിയിരിക്കുന്നത്. ഈ റെക്കോര്ഡുകള് എവിടെ നിന്ന് വന്നുവെന്ന് ആര്ക്കും കൃത്യമായി അറിയാത്തിടത്തോളം ദുരൂഹത നിലനില്ക്കുക തന്നെ ചെയ്യും.