പുതിയ റോഡ് നിയമം രക്ഷയായത് ആയിരങ്ങളുടെ ജീവനുകള്‍ക്ക്, കണക്കുകളുമായി കേന്ദ്രമന്ത്രി!
കഴിഞ്ഞ രണ്ട് വര്‍ഷത്തിനിടെ റോഡപകടങ്ങളില്‍ ഗണ്യമായ കുറവുണ്ടായി എന്നാണ് ട്രാന്‍സ്‍പോര്‍ട്ട് റിസര്‍ച്ച് വിംഗ് നടത്തിയ പഠനത്തിലെ കണക്കുകള്‍ വ്യക്തമാക്കുന്നത്.
ഗതാഗത നിയമ ലംഘനങ്ങള്‍ക്ക് കനത്ത പിഴയുമായി മോട്ടോര്‍ വാഹന നിയമ ഭേദഗതി ബില്‍ 2019ലാണ് പാർലമെന്റ് പാസാക്കുന്നത്. റോഡ് സുരക്ഷയിൽ ശ്രദ്ധ കേന്ദ്രീകരിക്കുന്ന ഈ നിയമത്തില്‍ ട്രാഫിക് കുറ്റകൃത്യങ്ങള്‍ക്ക് ഉയര്‍ന്ന പിഴ ഈടാക്കാനും പ്രായപൂര്‍ത്തിയാകാത്ത കുട്ടികള്‍ ഉണ്ടാക്കുന്ന വാഹനാപകടങ്ങള്‍ക്ക് രക്ഷകര്‍ത്താക്കളെ മൂന്നു വര്‍ഷം ജയിലില്‍ അടയ്ക്കാനും ഉള്‍പ്പെടെയുള്ള വമ്പന്‍ ഭേദഗതികളാണ് കേന്ദ്ര സര്‍ക്കാര്‍ പാസാക്കിയെടുത്തത്.
ട്രാഫിക് നിയമലംഘനങ്ങൾക്കുള്ള പിഴ വർദ്ധനവിനൊപ്പം ഇലക്ട്രോണിക് നിരീക്ഷണം, വാഹന ഫിറ്റ്നസ്, കമ്പ്യൂട്ടർവത്കരണം, ഓട്ടോമേഷൻ തുടങ്ങിയവയും ഭേദഗതിയില്‍ ഉൾപ്പെടുന്നു. ടെസ്റ്റുകൾ, കേടായ വാഹനങ്ങൾ തിരിച്ചുവിളിക്കൽ, മൂന്നാം കക്ഷി ഇൻഷുറൻസ് കാര്യക്ഷമമാക്കുക, ഹിറ്റ് ആൻഡ് റൺ കേസുകൾക്കുള്ള നഷ്‍ടപരിഹാരം വർദ്ധിപ്പിക്കൽ തുടങ്ങിയവയും ഈ നിയമത്തിലെ സുപ്രധാന ഘടകങ്ങളാണ്. ഓരോ നിയമ ലംഘനത്തിനും നിലവിലുള്ളതിനേക്കാള്‍ പത്തിരട്ടിയോളം പിഴകളാണ് ബില്‍ വ്യവസ്ഥ ചെയ്യുന്നത്. എന്തായാലും റോഡ് സുരക്ഷാ സാഹചര്യം മെച്ചപ്പെടുത്തുന്നതിനും ജീവഹാനി കുറയ്ക്കുന്നതിനും പുതിയ ഭേദഗതി നിയമം ഗുണകരമായെന്നാണ് റോഡ് ഗതാഗത മന്ത്രാലയം ഇപ്പോള്‍ പുറത്തുവിട്ട കണക്കുകള്‍ നല്‍കുന്ന സൂചന.
കേന്ദ്ര റോഡ് ഗതാഗത, ഹൈവേ മന്ത്രി നിതിൻ ഗഡ്‍കരി രാജ്യസഭയിൽ രേഖാമൂലം നൽകിയ മറുപടിയിലേതാണ് ഈ വിവരങ്ങള്‍. കഴിഞ്ഞ മൂന്നു വര്‍ഷത്തിനിടെ റോഡപകടങ്ങളില്‍ ഗണ്യമായ കുറവുണ്ടായി എന്നാണ് ട്രാന്‍സ്‍പോര്‍ട്ട് റിസര്‍ച്ച് വിംഗ് നടത്തിയ പഠനത്തിലെ കണക്കുകള്‍ ചൂണ്ടിക്കാട്ടി ഗഡ്‍കരി നല്‍കിയ മറുപടി വ്യക്തമാക്കുന്നത്.
2018 മുതല്‍2 2020 വരെയുള്ള കണക്കുകളാണ് സര്‍ക്കാര്‍ പുറത്തുവിട്ടത്. 2018ല്‍ രാജ്യത്ത് 4,67,044 റോഡപകടങ്ങളാണ് സംഭവിച്ചത്. 0.46 ശതമാനമായിരുന്നു ഇത്. എന്നാല്‍ 2019ല്‍ ഇത് 4,49,002 ആയി ചുരുങ്ങിയെന്ന് റോഡ് ഗതാഗത മന്ത്രാലയം പറയുന്നു. 3.86 ശതമാനത്തിന്‍റെ കുറവാണ് രേഖപ്പെടുത്തിയത്. 2020ല്‍ 3,66,138 റോഡപകടങ്ങളാണ് രാജ്യത്ത് നടന്നത്. അതായത് മുന്‍ വര്‍ഷങ്ങളെ അപേക്ഷിച്ച് 18.46 ശതമാനത്തിന്‍റെ കുറവ്.
പുതിയ മോട്ടോര്‍ വാഹന നിയമ ഭേദഗതി നിലവില്‍ വന്നതാണ് അപകടങ്ങളിലെ ഈ കുറവിന് മുഖ്യ കാരണമെന്നാണ് റോഡ് ഗതാഗത മന്ത്രാലയവുമായി ബന്ധപ്പെട്ട വൃത്തങ്ങള്‍ പറയുന്നത്. വാഹന സുരക്ഷാ മാനദണ്ഡങ്ങൾ മെച്ചപ്പെടുത്തുന്നതിനും റോഡ് സുരക്ഷാ ബോധവൽക്കരണ പരിപാടികൾ ഉള്‍പ്പെടെ പ്രോത്സാഹിപ്പിക്കുന്നതിനായി വിവിധ പ്രവർത്തനങ്ങൾ സമാഹരിക്കുന്നതിനും പുതിയ ബില്‍ സഹായിക്കുന്നു. എല്ലാ ഗതാഗത വാഹനങ്ങളിലും സ്പീഡ് ലിമിറ്റിംഗ് ഉപകരണങ്ങളുടെ ഫിറ്റ്മെന്റ് മന്ത്രാലയം അറിയിച്ചിട്ടുണ്ട്. ഗതാഗത നിയമലംഘനത്തിനുള്ള പിഴകള്‍ക്ക് പുറമേ റോഡ് ഗതാഗത നിയമത്തിലെ ചില പ്രധാന നിര്‍ദ്ദേശങ്ങള്‍ താഴെപ്പറയുന്നു.
- മോട്ടോർ വാഹന നിയമം 1988 ലെ സെക്ഷൻ 91 മോട്ടോർ വാഹനങ്ങൾ ഓടിക്കുന്ന ഡ്രൈവർമാരുടെ ജോലി സമയത്തിന് നിയന്ത്രണം ഏർപ്പെടുത്തിയിട്ടുണ്ട്.
- 2018 ജനുവരി 1-നു ശേഷം നിർമ്മിച്ച വാഹനങ്ങൾക്ക്, വാഹന കാബിനിലോ ട്രക്ക് ക്യാബിൻ വെന്റിലേഷൻ സിസ്റ്റത്തിനോ അനുസൃതമായി ഒരു എയർ കണ്ടീഷനിംഗ് സംവിധാനം ഏർപ്പെടുത്തണമെന്ന് നിർബന്ധമാക്കി.
- കേന്ദ്ര സഹായത്തോടെ സംസ്ഥാന/കേന്ദ്രഭരണ പ്രദേശങ്ങളിൽ മാതൃകാ ഡ്രൈവിംഗ് പരിശീലന സ്ഥാപനങ്ങൾ സ്ഥാപിക്കുന്നതിനുള്ള പദ്ധതി
- ഒരു ഓട്ടോമേറ്റഡ് സംവിധാനത്തിലൂടെ വാഹനങ്ങളുടെ ഫിറ്റ്നസ് പരിശോധിക്കുന്നതിനായി കേന്ദ്ര സഹായത്തോടെ ഓരോ സംസ്ഥാനത്തിലും/കേന്ദ്രഭരണ പ്രദേശത്തും ഒരു മാതൃകാ പരിശോധനയും സർട്ടിഫിക്കേഷൻ സെന്ററും സ്ഥാപിക്കുന്നതിനുള്ള പദ്ധതി
- അവബോധം പ്രചരിപ്പിക്കുന്നതിനും റോഡ് സുരക്ഷ ശക്തിപ്പെടുത്തുന്നതിനും ഓരോ വർഷവും ദേശീയ റോഡ് സുരക്ഷാവാരാചരണം.
- ബില്ലിന്‍റെ ആസൂത്രണ ഘട്ടത്തിൽ തന്നെ റോഡ് സുരക്ഷയുടെ ഒരു അവിഭാജ്യഘടകമായി റോഡ് സുരക്ഷ മാറ്റിയിരിക്കുന്നു
- ദേശീയപാതയുടെ നാലുവരിപ്പാതയുടെ പരിധി 15,000 പാസഞ്ചർ കാർ യൂണിറ്റുകളിൽ നിന്ന് (PCU) 10,000 PCU- കളായി കുറച്ചു.
- തിരിച്ചറിഞ്ഞ റോഡ് അപകട ബ്ലാക്ക് സ്പോട്ടുകൾ പരിഹരിക്കുന്നതിനുള്ള വിശദമായ എസ്റ്റിമേറ്റുകളുടെ സാങ്കേതിക അംഗീകാരത്തിനായി മന്ത്രാലയം റീജിയണൽ ഓഫീസർമാർക്ക് അധികാരം നൽകി.
- വികലാംഗർക്കുള്ള ദേശീയപാതകളിലെ കാൽനട സൗകര്യങ്ങൾക്കുള്ള മാർഗ്ഗനിർദ്ദേശങ്ങൾ എല്ലാ സംസ്ഥാനങ്ങൾക്കും / കേന്ദ്രഭരണ പ്രദേശങ്ങൾക്കും നൽകിയിട്ടുണ്ട്.
- സുപ്രീം കോടതിയുടെ നിർദ്ദേശപ്രകാരം പാതയോരങ്ങളിലെ മദ്യശാലകൾ നീക്കംചെയ്യൽ
- അഡ്വാൻസ് ട്രാഫിക് മാനേജ്മെന്റ് സിസ്റ്റങ്ങൾ (എടിഎംഎസ്) എക്സ്പ്രസ് വേകളുടെ മാനുവലിൽ വിശദീകരിച്ചിരിക്കുന്നതുപോലെ, വാഹനങ്ങളുടെ സുഗമവും സുരക്ഷിതവുമായ ഒഴുക്കിന് 6 വരികളും 4 വരികളും നൽകണം. എടിഎംഎസുകളിൽ എമർജൻസി കോൾ ബോക്സുകൾ, മൊബൈൽ കമ്മ്യൂണിക്കേഷൻ സിസ്റ്റങ്ങൾ, വേരിയബിൾ മെസേജ് സൈൻ സിസ്റ്റങ്ങൾ, മെറ്ററോളജിക്കൽ ഡാറ്റ സിസ്റ്റം, ഓട്ടോമാറ്റിക് ട്രാഫിക് കൗണ്ടർ ആൻഡ് വെഹിക്കിൾ ക്ലാസിഫിക്കേഷൻ, വീഡിയോ സർവൈലൻസ് സിസ്റ്റം, വീഡിയോ ഇൻസിഡന്റ് ഡിറ്റക്ഷൻ സിസ്റ്റം (വിഐഡിഎസ്) തുടങ്ങിയ ഉപ സംവിധാനങ്ങൾ ഉണ്ടായിരിക്കാം.
- കൂടാതെ, ആംബുലൻസുകൾ, ലൈഫ് സപ്പോർട്ട് സിസ്റ്റം, ക്രെയിൻ സർവീസ് തുടങ്ങിയ വിവിധ സംഭവങ്ങൾ കൈകാര്യം ചെയ്യുന്ന സേവനങ്ങളും ജോലിയുടെ വ്യാപ്‍തിയുടെ നിബന്ധന അനുസരിച്ച് അത്തരം വികസിത ഹൈവേകൾക്കുള്ള കൺസെഷനേയർമാർ /കോൺട്രാക്ടർമാർ തുടങ്ങിയവരയെും നൽകുന്നു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
