റിവേഴ്സ് ക്യാമറയില് ശൂന്യത മാത്രം; പണികിട്ടിയത് ഈ കമ്പനിയുടെ ആറുലക്ഷം കാറുകള്ക്ക്!
കാർ റിവേഴ്സ് എടുക്കുമ്പോൾ പുറകിലുള്ള ദൃശ്യങ്ങൾ ഡിസ്പ്ലേയിൽ തെളിയാത്തതും ഡിജിറ്റൽ സംവിധാനം പ്രവർത്തിച്ചുകൊണ്ടിരിക്കുമ്പോൾ ഇടയ്ക്കിടെ റീബൂട്ടാവുന്നതും റിപ്പോർട്ട് ചെയ്യപ്പെട്ടിട്ടുണ്ട്.
സാങ്കേതിക തകരാര് നിമിത്തം 6.08 ലക്ഷം കാറുകളെ തിരിച്ചുവിളിക്കാന് ജാപ്പനീസ് കാര് നിര്മ്മാതാക്കളായ ഹോണ്ട ഒരുങ്ങുന്നതായി റിപ്പോര്ട്ട്. അമേരിക്കയില് ഉള്പ്പെടെ കമ്പനി നിർമിച്ചു വിപണിയില് എത്തിച്ച ചില എസ്യുവികളെയും സെഡാനുകളുമാണ് തിരികെവിളിച്ച് പരിശോധിക്കുന്നത്. ഈ മോഡലുകളുടെ ഇൻഫോടെയിൻമെൻറ് സിസ്റ്റത്തില് സോഫ്റ്റ്വയർ പ്രശ്നങ്ങൾ കണ്ടെത്തിയതിനെ തുടര്ന്നാണ് നടപടി എന്നാണ് റിപ്പോര്ട്ടുകള്.
2018-2020 ഒഡേസി, 2019-2020 പാസ്പോർട്ട്, 2019-2021 പൈലറ്റ് എന്നീ കാറുകളിലും ഇൻ-കാർ ഡിജിറ്റൽ സിസ്റ്റങ്ങളിലും വിവിധ പ്രശ്നങ്ങൾ കണ്ടെത്തിയിട്ടുണ്ട്. കാർ റിവേഴ്സ് എടുക്കുമ്പോൾ പുറകിലുള്ള ദൃശ്യങ്ങൾ ഡിസ്പ്ലേയിൽ തെളിയാത്തതും സ്പീഡ്, ഗിയർ പൊസിഷൻ, എൻജിൻ ഓയിൽ പ്രഷർ, ഫ്യുവൽ ഗോജ് എന്നിവ ഇൻസ്ട്രുമെന്റേഷൻ ഡിസ്പ്ലേയിൽ കൃത്യമായി കാണിക്കാത്തതുമാണ് പ്രധാന പ്രശ്നങ്ങൾ.
ഡിജിറ്റൽ സംവിധാനം പ്രവർത്തിച്ചുകൊണ്ടിരിക്കുമ്പോൾ ഇടയ്ക്കിടെ റീബൂട്ടാവുന്നതും റിപ്പോർട്ട് ചെയ്യപ്പെട്ടിട്ടുണ്ട്. പഴയതുപോലെ വിവരങ്ങൾ ദൃശ്യമാകാൻ മുഴുവൻ സിസ്റ്റവും ഓഫ് ചെയ്തതിന് ശേഷം വീണ്ടും ഓൺ ചെയ്യേണ്ടതായും വരുന്നു. കൂടാതെ ഓഡിയോ സംവിധാനത്തിലും ബഗ്ഗുകൾ കണ്ടെത്തിയെന്നാണ് റിപ്പോര്ട്ടുകള്.