മഹീന്ദ്ര XUV400 ടെസ്റ്റ് ഡ്രൈവുകൾ ഡിസംബറിൽ ആരംഭിക്കും
ഇതിന്റെ എക്സ്-ഷോറൂം വില 17 ലക്ഷം രൂപയിൽ നിന്ന് ആരംഭിച്ച് 20 ലക്ഷം രൂപ വരെ ഉയരുമെന്ന് പ്രതീക്ഷിക്കുന്നു.
മഹീന്ദ്ര ആൻഡ് മഹീന്ദ്ര അതിന്റെ ആദ്യത്തെ പൂര്ണ്ണമായ ഇലക്ട്രിക് എസ്യുവി 2023-ന്റെ തുടക്കത്തിൽ പുറത്തിറക്കാൻ തയ്യാറാണ്. മഹീന്ദ്ര XUV400 ഇവി എന്ന് വിളിക്കപ്പെടുന്ന ഈ മോഡൽ ടാറ്റ നെക്സോൺ ഇവി മാക്സിനെ നേരിടും. അതിന്റെ ടെസ്റ്റ് ഡ്രൈവുകൾ ഡിസംബറിൽ ആരംഭിക്കും. 2023 ജനുവരി അവസാനത്തോടെ ഡെലിവറികൾ ആരംഭിക്കാനും സാധ്യതയുണ്ട്. കാർ നിർമ്മാതാവ് അടുത്ത മാസം അതിന്റെ വൻതോതിലുള്ള ഉത്പാദനം ആരംഭിക്കുകയും തുടക്കത്തിൽ 16 നഗരങ്ങളിൽ ലഭ്യമാക്കുകയും ചെയ്യും. ഇലക്ട്രിക് എസ്യുവി മോഡൽ ലൈനപ്പ് സ്റ്റാൻഡേര്ഡ്, ഇപി, ഇഎല് എന്നിങ്ങനെ മൂന്ന് വേരിയന്റുകളിൽ വരുമെന്നാണ് റിപ്പോർട്ടുകള്. ഇതിന്റെ എക്സ്-ഷോറൂം വില 17 ലക്ഷം രൂപയിൽ നിന്ന് ആരംഭിച്ച് 20 ലക്ഷം രൂപ വരെ ഉയരുമെന്ന് പ്രതീക്ഷിക്കുന്നു.
അത്യാധുനിക ലിഥിയം അയൺ സെല്ലുകൾ ഉപയോഗിച്ച് XUV400 ഇവിയിൽ 39.5kWh ബാറ്ററി പാക്ക് അവതരിപ്പിക്കുമെന്ന് മഹീന്ദ്ര സ്ഥിരീകരിച്ചു. ഈ സജ്ജീകരണം 148 ബിഎച്ച്പി പവറും 310 എൻഎം ടോർക്കും നൽകും. പുതിയ മഹീന്ദ്ര ഇലക്ട്രിക് എസ്യുവി ഫുൾ ചാർജിൽ 456 കിലോമീറ്റർ റേഞ്ച് നൽകുമെന്നും കമ്പനി അവകാശപ്പെടുന്നു. അതിന്റെ വിഭാഗത്തിലെ ഏറ്റവും ദൈർഘ്യമേറിയ വാഹനമായിരിക്കും ഇത്. ഒറ്റ ചാർജിൽ 437 കിലോമീറ്റർ മൈലേജാണ് ടാറ്റ നെക്സോൺ ഇവി മാക്സ് വാഗ്ദാനം ചെയ്യുന്നത്.
ടൊയോട്ട ഇന്നോവ ഹൈക്രോസ് എക്സ്റ്റീരിയർ ഡിസൈൻ പുറത്ത്
പുതിയ മഹീന്ദ്ര XUV400 ഇവി ഇന്ത്യയിലെ ഏറ്റവും വേഗതയേറിയ വൈദ്യുത എസ്യുവിയാണെന്നും കമ്പനി അവകാശപ്പെടുന്നു. ഇതിന് 8.3 സെക്കൻഡിനുള്ളിൽ പൂജ്യം മുതൽ 100 കിലോമീറ്റർ വേഗത കൈവരിക്കാനും പരമാവധി 150 കിലോമീറ്റർ വേഗത വാഗ്ദാനം ചെയ്യാനും കഴിയും. ഡിസി ഫാസ്റ്റ് ചാർജർ (50 മിനിറ്റിനുള്ളിൽ 80 ശതമാനം വരെ), 3.3kW/16A ഹോം ചാർജർ (13 മണിക്കൂറിനുള്ളിൽ 80 ശതമാനം വരെ), 7.2kW/32A (ആറ് മണിക്കൂറിനുള്ളിൽ 100 ശതമാനം) എന്നിവയിലൂടെ ബാറ്ററി പായ്ക്ക് ചാർജ് ചെയ്യാം. പുതിയ മഹീന്ദ്ര ഇലക്ട്രിക് എസ്യുവി ഡ്യുവൽ-ടോൺ ഷേഡ് ഉൾപ്പെടെ അഞ്ച് എക്സ്റ്റീരിയർ പെയിന്റ് സ്കീമുകളിൽ ലഭ്യമാകും.
വാഹനത്തിലെ ഫീച്ചർ പട്ടിക പരിശോധിക്കുകയാണെങ്കില്, XUV400 ഇവി ഏറ്റവും പുതിയ സ്മാർട്ട്ഫോൺ കണക്റ്റിവിറ്റിയും 60ല് അധികം കണക്റ്റുചെയ്ത കാർ സവിശേഷതകളും ഉള്ള ഏഴ് ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും വാഗ്ദാനം ചെയ്യും. XUV300 ഐസിഇ പവർ പതിപ്പുമായി താരതമ്യപ്പെടുത്തുമ്പോൾ, പുതിയ മഹീന്ദ്ര ഇലക്ട്രിക് എസ്യുവിക്ക് ദൈർഘ്യമേറിയതും കൂടുതൽ ക്യാബിൻ സ്ഥലവും ഉണ്ടായിരിക്കും.