വിരലൊന്ന് അനക്കിയാല് മതി, ഈ എഞ്ചിന് ഓയിലുകള് ഇനി വീട്ടിലെത്തും
ഇന്ത്യയിലെ ഏറ്റവും വലിയ ഓൺലൈൻ സ്റ്റോറുകളായ ആമസോൺ ഇൻ, ഫ്ലിപ്പ് കാർട്ട് എന്നിവയിൽ കൂടി ഇനി മൊബിൽ ലൂബ്രിക്കൻസ് ഉൽപ്പന്നങ്ങൾ ലഭ്യമാകുമെന്ന് കമ്പനി അറിയിച്ചു
കൊച്ചി: ലൂബ്രിക്കന്റ്സ് ബ്രാൻഡായ മൊബീൽ, ഓൺലൈൻ പ്ലാറ്റ് ഫോമിൽ സാന്നിധ്യം ശക്തമാക്കുന്നു. ഇന്ത്യയിലെ ഏറ്റവും വലിയ ഓൺലൈൻ സ്റ്റോറുകളായ ആമസോൺ ഇൻ, ഫ്ലിപ്പ് കാർട്ട് എന്നിവയിൽ കൂടി ഇനി മൊബിൽ ലൂബ്രിക്കൻസ് ഉൽപ്പന്നങ്ങൾ ലഭ്യമാകുമെന്ന് കമ്പനി വാര്ത്താക്കുറിപ്പില് അറിയിച്ചു.
മൊബിൽ ഏറ്റവും കൂടുതൽ വിറ്റഴിക്കുന്ന മോട്ടോർ സൈക്കിൾ, കാർ എഞ്ചിൻ ഓയിലുകൾ ഇനി ഉപയോക്താക്കൾക്ക് വിരൽത്തുമ്പിൽ ലഭ്യമാകും. ആഗോള വിപണിയിലെ പ്രമുഖ സിന്തറ്റിക് എഞ്ചിൻ ഓയിലുകളിലൊന്നായ മൊബിൽ 1 ടിഎമ്മും ഓൺലൈൻ വഴി ലഭ്യമാകും.
1974ൽ മൊബൈൽ 1 ടിഎം ആഗോളതലത്തിൽ ആദ്യത്തെ സിന്തറ്റിക് ഓട്ടോമോട്ടീവ് എഞ്ചിൻ ഓയിൽ ആയി. നാലു പതിറ്റാണ്ടിലേറെയായി, നിലവിലെ ഉൽപ്പന്നങ്ങളെയും പുതിയ ഉൽപ്പന്ന വികസനത്തെയും പിന്തുണയ്ക്കുന്ന മികച്ച പാരമ്പര്യമുള്ള സിന്തറ്റിക് മോട്ടോർ ഓയിലുകളിൽ ലോകത്തെ മുൻനിരയിലാണ് മൊബിൽ 1. പോർഷെ, മെഴ്സിഡസ് ബെൻസ്, ആസ്റ്റൺ മാർട്ടിൻ എന്നിവയുൾപ്പെടെ പ്രശസ്ത ഓട്ടോമോട്ടീവ് നിർമ്മാതാക്കൾ ഏറ്റവും കൂടുതൽ ശുപാർശ ചെയ്യുന്ന എഞ്ചിൻ ഓയിലുകളിൽ ഒന്നാണ് മൊബിൽ 1. ഉയർന്ന താപനിലയിൽ മികച്ച പരിരക്ഷയോടൊപ്പം അസാധാരണമായ എഞ്ചിൻ ക്ലീനിംഗ് പവർ മെക്കാനിസം മൊബിൽ 1 ശ്രേണി വാഗ്ദാനം ചെയ്യുന്നതിനാൽ, ലോകമെമ്പാടുമുള്ള ഒഇഎമ്മുകൾ ഇത് ഫാക്ടറി ഫിൽ ആയി ഉപയോഗിക്കുന്നു.
ആഗോളതലത്തിൽ സാങ്കേതിക മേധാവിത്വം, ഗുണനിലവാരം, അനുഭവം എന്നിവയുടെ പാരമ്പര്യത്തിൽ അധിഷ്ഠിതമായ എക്സോൺമൊബിൽ, ദശലക്ഷക്കണക്കിന് വാഹനങ്ങളിൽ മികച്ച പ്രകടനം കാഴ്ചവെക്കുന്നുണ്ട്. വ്യത്യസ്ത ഡ്രൈവിംഗ് ശൈലികളുടെയും അവസ്ഥകളുടെയും അതുല്യമായ ആവശ്യകതകൾ ഇത് നിറവേറ്റുന്നു.
ഉപഭോക്തൃ അനുഭവം ഞങ്ങൾക്ക് പരമപ്രധാനമാണ്, ഇന്ത്യയിലെ പ്രമുഖ ഇ-കൊമേഴ്സ് പ്ലാറ്റ്ഫോമുകൾ വഴി വിൽപ്പന ആരംഭിക്കുന്നതോടെ ഈ അനുഭവം മറ്റൊരു ഘട്ടത്തിലേക്ക് എത്തിച്ചേരുകയാണെന്നും മൊബിലിന്റെ ഉൽപ്പന്നങ്ങൾ രാജ്യവ്യാപകമായി എളുപ്പത്തിൽ ലഭ്യമാകാന് ഓണ്ലൈന് പ്ലാറ്റ് ഫോമുകള് സഹായകമാകുമെന്നും എക്സോൺമൊബിൽ ലൂബ്രിക്കന്റ്സ് പ്രൈവറ്റ് ലിമിറ്റഡ് മാർക്കറ്റ് ഡെവലപ്മെൻറ് ഇന്ത്യ ഡയറക്ടർ രൂപീന്ദർ വാര്ത്താക്കുറിപ്പില് വ്യക്തമാക്കി.