ടൂറിംഗ് ആക്സസറികളുമായി പുതിയ ബജാജ്-ട്രയംഫ് ബൈക്ക്
ഉയർന്ന ഫ്രണ്ട് ഫെൻഡർ, നക്കിൾ ഗാർഡുകൾ, ഡബിൾ ബാരൽ എക്സ്ഹോസ്റ്റ് എന്നിവ ഉൾക്കൊള്ളുന്ന ബൈക്കിന്റെ സ്ക്രാംബ്ലർ വേരിയന്റാണ് ഈ മോഡൽ എന്നാണ് റിപ്പോര്ട്ടുകള്.
ബജാജ് ഓട്ടോയും ട്രയംഫ് മോട്ടോർസൈക്കിളും 2017 മുതൽ ഒരു നോൺ-ഇക്വിറ്റി പങ്കാളിത്തത്തിൽ ഏർപ്പെട്ടിരുന്നു. ഇടത്തരം മോട്ടോർസൈക്കിളുകൾ വികസിപ്പിക്കുന്നതിനും റീട്ടെയിൽ ചെയ്യുന്നതിനുമാണ് ഈ കൂട്ടുകെട്ടിന്റെ ലക്ഷ്യം. ഇപ്പോൾ, ബൈക്ക് നിർമ്മാതാക്കൾ തങ്ങളുടെ വരാനിരിക്കുന്ന ബൈക്കുകളിലൊന്ന് രാജ്യത്ത് പരീക്ഷിക്കുകയാണ്. ട്രയംഫ് ടോപ്പ് ബോക്സ്, സാഡിൽ ബാഗ്, ടെയിൽ ബാഗ് എന്നിവയുൾപ്പെടെ ടൂറിംഗ് ആക്സസറികളുമായി വരാനിരിക്കുന്ന ബജാജ്-ട്രയംഫ് ബൈക്ക് ഏറ്റവും പുതിയ സ്പൈ ചിത്രങ്ങൾ കാണിക്കുന്നു. ഉയർന്ന ഫ്രണ്ട് ഫെൻഡർ, നക്കിൾ ഗാർഡുകൾ, ഡബിൾ ബാരൽ എക്സ്ഹോസ്റ്റ് എന്നിവ ഉൾക്കൊള്ളുന്ന ബൈക്കിന്റെ സ്ക്രാംബ്ലർ വേരിയന്റാണ് ഈ മോഡൽ എന്നാണ് റിപ്പോര്ട്ടുകള്.
മോഡലിന് വയർ-സ്പോക്ക് വീലുകളും ഉണ്ട്. അത് ബജാജ്-ട്രയംഫ് ടെസ്റ്റ് മ്യൂളുകളിൽ ആദ്യമായി കണ്ടതാണ്. ബജാജിന്റെയും ട്രയംഫിന്റെയും പുതിയ ഇടത്തരം ബൈക്ക് അതിന്റെ ചില ഡിസൈൻ ഘടകങ്ങൾ ട്രയംഫ് സ്ട്രീറ്റ് ട്വിനുമായി പങ്കിടുമെന്ന് മുൻ സ്പൈ ചിത്രങ്ങൾ വെളിപ്പെടുത്തുന്നു. എൽഇഡി ഹെഡ്ലാമ്പ്, ഫ്ലാറ്റ് ഹാൻഡിൽബാർ, വൺപീസ് സീറ്റ്, സ്ലീക്ക് ടെയിൽലാമ്പ് എന്നിവ ഇതിൽ ഉണ്ടാകും. പുതിയ ഇടത്തരം ബൈക്ക്, പിന്നിൽ ഇടതുവശത്ത് ലഗേജ് റാക്ക് സ്ഥാപിക്കും. ചതുരാകൃതിയിലുള്ള ഇൻസ്ട്രുമെന്റ് ക്ലസ്റ്ററുമായാണ് ഇത് വരുന്നത്.
എഞ്ചിനെക്കുറിച്ച് പറയുകയാണെങ്കിൽ, പുതിയ ബജാജ്-ട്രയംഫ് ബൈക്കിൽ സബ്-500 സിസി, സിംഗിൾ സിലിണ്ടർ, ലിക്വിഡ് കൂൾഡ് എഞ്ചിൻ ഉപയോഗിക്കും. ഇത് 4-വാൽവും DOHC ലേഔട്ടും ഉള്ള 350cc യൂണിറ്റായിരിക്കാം. മോട്ടോർ ഏകദേശം 35PS മുതല് 38PS പവർ നൽകുമെന്ന് പ്രതീക്ഷിക്കുന്നു. ഡ്യുവൽ പർപ്പസ് ടയറുകളോട് കൂടിയ അലോയി വീലുകൾ ബൈക്കിൽ സജ്ജീകരിക്കാൻ സാധ്യതയുണ്ട്. നിലവിലെ തലമുറ കെടിഎം ഡ്യൂക്കുകളിൽ നിന്ന് കടമെടുക്കാവുന്ന ഫ്രണ്ട്, റിയർ ഡിസ്ക് ബ്രേക്കുകളാണ് ബ്രേക്കിംഗ് ചുമതലകൾ നിർവഹിക്കുന്നത്. ബൈക്കിന് മുന്നിൽ യുഎസ്ബി ഫോർക്കും പിന്നിൽ ഗ്യാസ് ചാർജ്ഡ് മോണോഷോക്ക് സസ്പെൻഷൻ യൂണിറ്റും ഉണ്ടായിരിക്കും.
പുറത്തിറങ്ങിക്കഴിഞ്ഞാൽ, ബജാജ്-ട്രയംഫിൽ നിന്നുള്ള പുതിയ സ്ക്രാംബ്ലർ ബൈക്ക് യെസ്ഡി സ്ക്രാംബ്ലർ, റോയൽ എൻഫീൽഡ് സ്ക്രാം 411, ഹസ്ക്വർണ സ്വാർട്ട്പൈലൻ 250 എന്നിവയെ നേരിടും. ഏകദേശം 2.50 ലക്ഷം രൂപയായിരിക്കും ഇതിന്റെ എക്സ് ഷോറൂം വില. ലോഞ്ചിനെ സംബന്ധിച്ചിടത്തോളം, പുതിയ ബജാജ്-ട്രയംഫ് ബൈക്ക് 2023 ന്റെ ആദ്യ പകുതിയിൽ നമ്മുടെ നിരത്തുകളിൽ എത്തിയേക്കും.