വരുന്നൂ, വേഗതയുടെ രാജകുമാരന്‍റെ പുതിയ മുഖം
ലോകത്തിലെ ഏറ്റവും വേഗമേറിയ എസ്യുവി എന്നു പേരുള്ള ഈ വാഹനത്തിന്‍റെ വേഗത മണിക്കൂറില്‍ 306 കിലോമീറ്ററാണ്.
ബ്രിട്ടീഷ് വാഹന നിര്‍മ്മാതാക്കളായ ബെന്റ്‌ലിയുടെ എസ്യുവി മോഡലായ ബെന്റെയ്‍ഗ സ്പീഡിന്റെ ടീസര്‍ പുറത്തിറക്കി കമ്പനി. ഓഗസ്റ്റ് 12 -ന് പുത്തന്‍ ബെന്റേഗ സ്പീഡ് വിപണിയില്‍ അവതരിപ്പിക്കും. ലോകത്തിലെ ഏറ്റവും വേഗമേറിയ എസ്യുവി എന്നു പേരുള്ള ഈ വാഹനത്തിന്‍റെ വേഗത മണിക്കൂറില്‍ 306 കിലോമീറ്ററാണ്.
ബ്രിട്ടനില്‍ രൂപകല്‍പ്പന ചെയ്ത ബെന്റേഗ സ്പീഡ് ഇന്നുവരെയുള്ള ഏറ്റവും ശക്തവും പ്രകടനത്തെ അടിസ്ഥാനമാക്കിയുള്ളതുമായ മോഡലാണ്. ബെന്റേഗ സ്പീഡ് സ്‌പോര്‍ട്‌സ് ഡാര്‍ക്ക്-ടിന്റ് ഹെഡ്‌ലൈറ്റുകള്‍, ബോഡി-കളര്‍ സൈഡ് സ്‌കോര്‍ട്ടുകള്‍, ഒരു ടെയില്‍ഗേറ്റ് സ്പോയ്ലര്‍ എന്നിവയെല്ലാം എസ്‍യുവിയുടെ പ്രകടന ക്രെഡന്‍ഷ്യലുകളിലേക്ക് വിരല്‍ ചൂണ്ടുന്നു. ഡാര്‍ക്ക്-ടിന്റ് റേഡിയേറ്റര്‍, ബമ്പര്‍ ഗ്രില്ലുകള്‍, മൂന്ന് ഫിനിഷുകളില്‍ 22 ഇഞ്ച് വീല്‍ ഡിസൈന്‍, സ്പീഡ് സിഗ്‌നേച്ചര്‍ ബാഡ്ജിംഗ് എന്നിവ സ്‌പോര്‍ട്ടിംഗ് ഡിസൈന്‍ സൂചകങ്ങള്‍ വര്‍ദ്ധിപ്പിക്കുന്നു.
626 bhp കരുത്താണ് വാഹനം പുറപ്പെടുവിക്കുന്നത്, ഇത് സാധാരണ ബെന്റേഗയേക്കാള്‍ കൂടുതലാണ്, 6.0 ലിറ്റര്‍ W12 എഞ്ചിന് മണിക്കൂറില്‍ 306 കിലോമീറ്റര്‍ പരമാവധി വേഗത കൈവരിക്കാന്‍ കഴിയും. ഇത് മണിക്കൂറിൽ 305 കിലോമീറ്റർ വേഗതയിൽ സഞ്ചരിക്കാൻ കഴിയുന്ന ലംബോർഗിനി ഉറൂസിനേക്കാൾ കൂടുതലാണ്. എന്നാൽ 0-100 കിലോമീറ്റർ വരെ വേഗതയിൽ ഉറൂസിന്റെ പിന്നിലാണ് ബെന്റേഗ. 0-100 കിലോമീറ്റർ വേഗത കൈവരിക്കാന്‍ ബെന്റേഗ 3.9 സെക്കൻഡുകള്‍ എടുക്കുമ്പോള്‍ ഉറൂസിന് വെറും 3.6 സെക്കൻഡിനുള്ളിൽ ഇത് സാധിക്കും.
ലോകത്തിലെ ആദ്യത്തെ ഇലക്ട്രിക് ആക്റ്റീവ് റോള്‍ കണ്‍ട്രോള്‍ ടെക്‌നോളജിയാണ് ബെന്റേഗ സ്പീഡിന് ലഭിക്കുന്നത്. കോര്‍ണര്‍ ചെയ്യുമ്പോള്‍ ഈ സിസ്റ്റം തല്‍ക്ഷണം ലാറ്ററല്‍ റോളിംഗ് ഫോര്‍സുകളെ പ്രതിരോധിക്കുകയും ക്ലാസ്-ലീഡിംഗ് ക്യാബിന്‍ സ്റ്റെബിലിറ്റി, യാത്രാ സുഖം, അസാധാരണമായ ഹാന്‍ഡിലിംഗ് എന്നിവ നല്‍കുന്നതിന് പരമാവധി ടയര്‍ കോണ്‍ടാക്റ്റ് ഉറപ്പാക്കുകയും ചെയ്യുന്നു.
ഓള്‍-വീല്‍-ഡ്രൈവ് സ്പീഡില്‍ ഇലക്ട്രോണിക് ഡിഫറന്‍ഷ്യല്‍ ലോക്കും എട്ട് ഡ്രൈവ് ഡൈനാമിക്‌സ് മോഡുകളും അടങ്ങിയിരിക്കുന്നു. എക്സ്‌ക്ലൂസീവ് ഓപ്ഷനുകള്‍ ഉപയോഗിച്ച് ഉപഭോക്താക്കള്‍ക്ക് തങ്ങളുടെ ആവശ്യങ്ങള്‍ക്കനുസരിച്ച് ബെന്റേഗയുടെ വേഗത കസ്റ്റമൈസ് ചെയ്യാന്‍ കഴിയും.
കാര്‍ബണ്‍ സെറാമിക് ബ്രേക്കുകള്‍, മസാജ് ഫംഗ്ഷനോടുകൂടിയ 22 തരത്തില്‍ അഡ്‍ജസ്റ്റ് ചെയ്യാവുന്ന ഫ്രണ്ട് സീറ്റുകള്‍, കാര്‍ബണ്‍ ഫൈബര്‍ ഫാസിയ പാനലുകള്‍, ബെന്റ്ലി റിയര്‍-സീറ്റ് എന്റര്‍ടൈന്‍മെന്റ്, മൂഡ് ലൈറ്റിംഗ് എന്നിവ അവയില്‍ ഉള്‍പ്പെടുന്നു.
