പുത്തന് ഫിനാന്സ് പദ്ധതിയുമായി ടാറ്റ
ഉപഭോക്താക്കള്ക്കായി പുത്തന് ഫിനാന്സ് സ്കീമുകള് അവതരിപ്പിച്ചിരിക്കുകയാണ് ടാറ്റ മോട്ടോഴ്സ്.
കൊറോണ വൈറസ് ബാധ വാഹന ലോകത്തെ ഉള്പ്പെടെ പിടിച്ചുലച്ചിരിക്കുന്നു. ഈ സാഹചര്യത്തില് ഉപഭോക്താക്കള്ക്കായി പുത്തന് ഫിനാന്സ് സ്കീമുകള് അവതരിപ്പിച്ചിരിക്കുകയാണ് ടാറ്റ മോട്ടോഴ്സ്. ഈ ഫിനാൻസ് സ്കീമുകൾ വഴി പുതിയ കാർ പർച്ചേസുകൾ കൂടുതൽ ഉപഭോക്താക്കൾക്ക് താങ്ങാനാകും എന്നാണ് കമ്പനിയുടെ കണക്കുകൂട്ടല്.
ഇതിനായി ഉപഭോക്താക്കൾക്കായി ഒരു പ്രത്യേക ഫിനാൻസ് പദ്ധതി അവതരിപ്പിച്ച് ടാറ്റ മോട്ടോർസ്. EMI -കളിൽ ആറുമാസത്തെ മൊറട്ടോറിയം വാഗ്ദാനം ചെയ്യുന്നതാണ് ഈ പുതിയ പദ്ധതി. ഒരു പുതിയ ടാറ്റ ടിയാഗോ, നെക്സോൺ, അൾട്രോസ് വാങ്ങുന്ന ഉപഭോക്താക്കൾക്ക് ഇപ്പോൾ പൂജ്യം ഡൗൺ പേയ്മെന്റിൽ വാഹനം സ്വന്തമാക്കാം.
ആറ് മാസത്തെ EMI അവധി നേടാനും കഴിയുന്ന ഈ പദ്ധതിയിൽ പലിശ മാത്രം പ്രതിമാസം കൃത്യമായി അടയ്ക്കണം. കാറിൽ 100 ശതമാനം വരെ ഓൺ-റോഡ് ഫണ്ടിംഗ് അഞ്ച് വർഷത്തെ വായ്പ കാലാവധിയിൽ നേടാനും കഴിയും. മേൽപ്പറഞ്ഞ മൂന്ന് മോഡലുകൾക്ക് മാത്രമേ ഈ ഓഫർ ലഭ്യമാകൂ,
കൂടാതെ, ഒന്നിലധികം ഫിനാൻസ് പങ്കാളികളുമായുള്ള സഹകരണത്തിലൂടെ ടാറ്റ മോട്ടോർസ് എട്ട് വർഷം വരെ ദീർഘകാല വായ്പയിൽ താങ്ങാനാവുന്നതും സ്റ്റെപ്പ്-അപ്പ് EMI -കളും വാഗ്ദാനം ചെയ്യുന്നു. ഈ ദീർഘകാല വായ്പാ പദ്ധതി പ്രകാരം, ടാറ്റ ടിയാഗോ ഇപ്പോൾ 4,999 രൂപ ആരംഭ EMI -യ്ക്ക് ലഭ്യമാണ്. അതേസമയം ആൾട്രോസ് പ്രീമിയം ഹാച്ച്ബാക്കും നെക്സോൺ സബ് കോംപാക്ട് എസ്യുവിയും യഥാക്രമം 5,555 രൂപ, 7499 രൂപ മുതൽ ആരംഭിക്കുന്ന EMI -കളിൽ ലഭ്യമാണ്.