"ക്ലച്ചുപിടിച്ചുവരുവാരുന്നു പക്ഷേ.." ഥാറിന്‍റെയും ജിംനിയുടെയും കഥകഴിക്കാൻ ടൊയോട്ട മിനി ലാൻഡ് ക്രൂയിസർ!
ടൊയോട്ടയുടെ ജനപ്രിയ എസ്‌യുവി ലാൻഡ് ക്രൂയിസറിന്റെ മിനി മോഡലിന്റെ വരവ് സംബന്ധിച്ച വാർത്തകൾ പുറത്തുവരുന്നു. പുതിയ ലൈഫ്‌സ്‌റ്റൈൽ കോംപാക്റ്റ് ഓഫ് റോഡർ എസ്‌യുവി ലാൻഡ് ക്രൂയിസർ മിനിയുടെ നിർമ്മാണത്തിലാണ് കമ്പനി എന്നാണ് റിപ്പോര്‍ട്ടുകള്‍.
രാജ്യത്തെ ഓഫ്-റോഡ് വാഹന സെഗ്‌മെന്റിലേക്ക് വരുമ്പോൾ, ഓപ്ഷനുകൾ താരതമ്യേന കുറവാണ്. മഹീന്ദ്ര ഥാർ, മാരുതി സുസുക്കി ജിംനി തുടങ്ങിയവ മാത്രമേ ഈ സെഗ്‌മെന്റിൽ ഉള്ളൂ. ഫോഴ്സ് ഗൂർഖയാണ് മറ്റൊരു മോഡൽ. എന്നിരുന്നാലും, ഈ വിഭാഗത്തിൽ ഥാറിന് ഏകപക്ഷീയമായ ആധിപത്യമുണ്ട്. നിലവിൽ ഥാറിന്റെ മൂന്ന് ഡോർ മോഡൽ വിപണിയിൽ ലഭ്യമാണ്. കമ്പനി അതിന്റെ അഞ്ച് ഡോർ മോഡൽ പരീക്ഷിക്കുന്നുണ്ട്. അതിനിടെയാണ് ജാപ്പനീസ് വാഹന ഭീമൻ ടൊയോട്ടയുടെ ജനപ്രിയ എസ്‌യുവി ലാൻഡ് ക്രൂയിസറിന്റെ മിനി മോഡലിന്റെ വരവ് സംബന്ധിച്ച വാർത്തകൾ പുറത്തുവരുന്നത്. പുതിയ ലൈഫ്‌സ്‌റ്റൈൽ കോംപാക്റ്റ് ഓഫ് റോഡർ എസ്‌യുവി ലാൻഡ് ക്രൂയിസർ മിനിയുടെ നിർമ്മാണത്തിലാണ് കമ്പനി എന്നാണ് റിപ്പോര്‍ട്ടുകള്‍.
ഹൈബ്രിഡ്, ഇലക്ട്രിക് പവർട്രെയിൻ ഓപ്ഷനുകളിൽ ഈ പുതിയ ടൊയോട്ട ഓഫ് റോഡര്‍ ലോഞ്ച് ചെയ്യാം. കുറച്ച് വർഷങ്ങൾക്ക് മുമ്പ് കമ്പനി പ്രദർശിപ്പിച്ച കോംപാക്റ്റ് ക്രൂയിസർ ഇവി കൺസെപ്റ്റിന്റെ പ്രൊഡക്ഷൻ പതിപ്പായിരിക്കും ഇത്. ലൈറ്റ് ക്രൂയിസർ എന്നോ യാരിസ് ക്രൂയിസർ എന്നോ ഉള്ള പേരോടെ അടുത്ത വർഷം ടൊയോട്ട മിനി ലാൻഡ് ക്രൂയിസറിനെ അവതരിപ്പിക്കാൻ സാധ്യതയുണ്ടെന്നാണ് റിപ്പോര്‍ട്ടുകള്‍. ഇത് ഇന്ത്യൻ വിപണിയിൽ അവതരിപ്പിക്കുകയാണെങ്കിൽ, മാരുതി സുസുക്കി ജിംനി, മഹീന്ദ്ര ഥാർ എന്നിവയുമായി നേരിട്ട് മത്സരിക്കും. ഇതിന്റെ കൺസെപ്റ്റ് ഡിസൈൻ നോക്കുമ്പോൾ, ഉപഭോക്താക്കൾക്ക് ഇത് ഇഷ്ടപ്പെടുമെന്ന് വ്യക്തമാണ്.
റോഡില്‍ കണ്ണുംനട്ട് സര്‍ക്കാര്‍, ഒന്നുംരണ്ടുമല്ല 62,000 റോഡുകൾ സൂപ്പറാക്കും യോഗി മാജിക്ക്!
കൊറോള ക്രോസിന്റെ 2.0 ലിറ്റർ പെട്രോൾ എഞ്ചിൻ, RAV4-ന്റെ 2.5-ലിറ്റർ പെട്രോൾ/ഹൈബ്രിഡ് എഞ്ചിൻ അല്ലെങ്കിൽ പ്രാഡോ, ഹിലക്‌സിന് സമാനമായ 2.8 ലിറ്റർ ടർബോചാർജ്ഡ് 4-സിലിണ്ടർ ഡീസൽ എഞ്ചിൻ എന്നിവ ലാൻഡ് ക്രൂയിസർ മിനിയിൽ ടൊയോട്ട നൽകാൻ സാധ്യതയുണ്ട്. ഇതോടൊപ്പം മൈൽഡ്-ഹൈബ്രിഡ് സംവിധാനവും വാഹനത്തിൽ ഉൾപ്പെടുത്തുമെന്ന് പ്രതീക്ഷിക്കുന്നു. അടുത്ത മാസം നടക്കുന്ന ടോക്കിയോ മോട്ടോർ ഷോയിൽ ആഗോളതലത്തിൽ അവതരിപ്പിക്കാൻ കഴിയുമെന്നും പ്രതീക്ഷിക്കുന്നു.
ഈ ഓഫ്-റോഡർ എസ്‌യുവി പരുക്കൻ രൂപത്തോടെ എത്തിയേക്കാം. അതിന്റെ കൺസെപ്റ്റ് ഡിസൈനിനെക്കുറിച്ച് പറയുമ്പോൾ, ഇത് തികച്ചും പരുക്കനും കഠിനവുമാണ്. കോംപാക്റ്റ് ക്രൂയിസർ കൺസെപ്റ്റ് പോലെയുള്ള ഡിസൈനിലാണ് ഇത് വരുന്നത്. ഉയർന്ന തൂണുകളും ഏതാണ്ട് പരന്ന മേൽക്കൂരയും ഉണ്ടായിരിക്കും. ലാൻഡ് ക്രൂയിസർ മിനിയും വലിപ്പത്തിൽ കൊറോള ക്രോസിന് സമാനമായിരിക്കും. ഇത് അഞ്ച് ഡോർ ജിംനിയേക്കാൾ നീളമുള്ളതായിരിക്കും കൂടാതെ ബോഡി-ഓൺ-ഫ്രെയിം ചേസിസിൽ നിർമ്മിക്കപ്പെടും. ഏറ്റവും പുതിയ കാറിന്റെ നീളം 4,350 മില്ലീമീറ്ററിലും വീതി 1,860 മില്ലീമീറ്ററിലും ഉയരം 1,880 മില്ലീമീറ്ററിലും നിലനിർത്താം. ഇതിൽ ടെയിൽഗേറ്റിൽ ഘടിപ്പിച്ച സ്പെയർ വീലിനൊപ്പം വൃത്താകൃതിയിലുള്ള എൽഇഡി ഹെഡ്‌ലാമ്പുകൾ ഉപയോഗിക്കാനും സാധ്യതയുണ്ട്.
