കിടിലനൊരു ഫീച്ചർ കയ്യില്‍, ആക്ടിവയെ നോക്കി കണ്ണുരുട്ടി പുത്തൻ ടിവിഎസ് ജൂപ്പിറ്റർ!
ടിവിഎസ് മോട്ടോർ കമ്പനി സ്മാര്‍ട്ട് എക്സ് കണക്ടിനൊപ്പമാണ് പുതിയ ജൂപ്പിറ്റർ 125 പുറത്തിറക്കിയത്. 96,855 രൂപ (എക്സ്-ഷോറൂം, ഡൽഹി) വിലയുള്ള പുതിയ ടിവിഎസ് ജൂപ്പിറ്റര്‍ 125 സ്മാര്‍ട്ട് എക്സ് കണക്ട് വിപുലമായ കണക്റ്റഡ് ഫീച്ചറുകളോടെയാണ് വരുന്നത്. ഇത് എലഗന്റ് റെഡ്, മാറ്റ് കോപ്പർ ബ്രോൺസ് എന്നീ രണ്ട് പുതിയ നിറങ്ങളിൽ ലഭ്യമാണ്.
ടിവിഎസ് മോട്ടോർ ജൂപ്പിറ്റർ 125 മോഡലിന്റെ പുതിയ വേരിയന്റ് ഇന്ത്യൻ വിപണിയിൽ അവതരിപ്പിച്ചു. ജൂപ്പിറ്റർ 125 ന്റെ ഏറ്റവും പുതിയ വേരിയന്റിൽ നൂതന ഫീച്ചറുകൾ സജ്ജീകരിച്ചിരിക്കുന്നു. 125 സെഗ്‌മെന്റിൽ പുതിയ വകഭേദങ്ങൾ ചേർത്തതോടെ ടിവിഎസ് ജൂപ്പിറ്റർ 125 ഇപ്പോൾ മൂന്ന് മോഡലുകളിൽ ലഭ്യമാണ്.
ടിവിഎസ് മോട്ടോർ കമ്പനി സ്മാര്‍ട്ട് എക്സ് കണക്ടിനൊപ്പമാണ് പുതിയ ജൂപ്പിറ്റർ 125 പുറത്തിറക്കിയത്. 96,855 രൂപ (എക്സ്-ഷോറൂം, ഡൽഹി) വിലയുള്ള പുതിയ ടിവിഎസ് ജൂപ്പിറ്റര്‍ 125 സ്മാര്‍ട്ട് എക്സ് കണക്ട് വിപുലമായ കണക്റ്റഡ് ഫീച്ചറുകളോടെയാണ് വരുന്നത്. ഇത് എലഗന്റ് റെഡ്, മാറ്റ് കോപ്പർ ബ്രോൺസ് എന്നീ രണ്ട് പുതിയ നിറങ്ങളിൽ ലഭ്യമാണ്.
പുതിയ ടിവിഎസ് ജൂപ്പിറ്റർ സ്മാര്‍ട്ട് എക്സ് കണക്ടിൽ 'സ്‍മാര്‍ട്ട്എക്സ്ടോക്ക്', 'സ്‍മാര്‍ട്ട്എക്സ്ട്രാക്ക്' എന്നിവയ്‌ക്കൊപ്പം ബ്ലൂടൂത്ത് കണക്റ്റുചെയ്‌ത ടിഎഫ്‍ടി ഡിജിറ്റൽ ക്ലസ്റ്ററും നല്‍കിയിരിക്കുന്നു. ടിവിഎസ് ജൂപ്പിറ്റര്‍ 125-ലെ സ്മാര്‍ട്ട് എക്സ് കണക്ട്, ആൻഡ്രോയിഡ്, iOS പ്ലാറ്റ്‌ഫോമുകളിൽ ലഭ്യമായ ഒരു എക്സ്ക്ലൂസീവ് ടിവിഎസ് കണക്ട് മൊബൈൽ ആപ്പുമായി ജോടിയാക്കിയ സ്‌മാർട്ട്‌ഫോണുകളിലേക്ക് കണക്റ്റുചെയ്യുമ്പോൾ, റൈഡർമാർക്ക് വൈവിധ്യമാർന്ന പ്രവർത്തനങ്ങൾ വാഗ്ദാനം ചെയ്യുന്നു.
ടേൺ-ബൈ-ടേൺ നാവിഗേഷൻ, വോയ്‌സ് അസിസ്റ്റൻസ്, കോൾ & സന്ദേശ അറിയിപ്പുകൾ, സോഷ്യൽ മീഡിയ പ്ലാറ്റ്‌ഫോമിൽ നിന്നുള്ള അലേർട്ടുകൾ, ഭക്ഷണം/ഷോപ്പിംഗ് ആപ്ലിക്കേഷനുകൾ, തത്സമയ സ്‌പോർട്‌സ് സ്‌കോറുകൾ, കാലാവസ്ഥാ അപ്‌ഡേറ്റുകൾ, വാർത്താ അപ്‌ഡേറ്റുകൾ എന്നിവ സ്‌കൂട്ടറിന്റെ സ്മാര്‍ട്ട് എക്സ് കണക്ട്‍ടിഎം വാഗ്ദാനം ചെയ്യുന്നു. ടേൺ-ബൈ-ടേൺ നാവിഗേഷൻ ഫീച്ചർ റൈഡർമാർക്ക് തത്സമയ നാവിഗേഷൻ മാർഗ്ഗനിർദ്ദേശം നൽകുന്നു. സ്‌കൂട്ടറിന് ഇൻകമിംഗ് കോൾ, മെസേജ് അറിയിപ്പുകൾ പ്രദർശിപ്പിക്കാൻ കഴിയും, ഇത് റൈഡർമാരെ റോഡിൽ നിന്ന് കണ്ണെടുക്കാതെ കണക്‌റ്റ് ചെയ്‌തിരിക്കാൻ അനുവദിക്കുന്നു. ബാക്ക്‌റെസ്റ്റ്, ഫോളോ-മീ-ഹെഡ്‌ലാമ്പുകൾ, ഹസാർഡ് ലൈറ്റുകൾ തുടങ്ങിയ ഫീച്ചറുകളോടെയാണ് ഈ വേരിയന്റ് വരുന്നത്. എഞ്ചിൻ ഓഫാക്കിയതിനു ശേഷവും 20 സെക്കൻഡ് നേരത്തേക്ക് ഹെഡ്‌ലാമ്പ് പ്രകാശിക്കുന്നത് ഫോളോ മി ഹെഡ്‌ലാമ്പ് സവിശേഷത ഉറപ്പാക്കുന്നു.
പുതിയ സ്‌കൂട്ടറിന്റെ ഡിസൈനിലും എൻജിനിലും കമ്പനി മാറ്റമൊന്നും വരുത്തിയിട്ടില്ല. 8.04 bhp കരുത്തും 10.5 Nm ടോര്‍ക്കും ഉത്പാദിപ്പിക്കുന്ന സിവിടി ട്രാൻസ്മിഷൻ സംവിധാനത്തോടെ വരുന്ന 124.8 സിസി എഞ്ചിൻ സ്കൂട്ടറിൽ കമ്പനി നിലനിർത്തിയിട്ടുണ്ട്. 12 ഇഞ്ച് അലോയി, സ്റ്റീൽ വീലുകൾ എന്നിവയും സ്കൂട്ടറിൽ കമ്പനി നിലനിർത്തി. സ്‌കൂട്ടറിന്റെ മുൻവശത്ത് ഡിസ്‌ക് ബ്രേക്കും നൽകിയിട്ടുണ്ട്. ഇതിന്റെ ഭാരം 108 കിലോഗ്രാം ആണ്, കൂടാതെ 33 ലിറ്റർ ബൂട്ട് സ്പേസും ഉണ്ട്.
