ഹ്യുണ്ടായി, തങ്ങളുടെ പ്രീമിയം ഹാച്ച്ബാക്കായ i20-യുടെ പുതിയ പതിപ്പ് 2026-ൽ പുറത്തിറക്കാൻ ഒരുങ്ങുന്നു.
ദക്ഷിണ കൊറിയൻ വാഹന ബ്രാൻഡായ ഹ്യുണ്ടായി ഇന്ത്യ തങ്ങളുടെ ജനപ്രിയ പ്രീമിയം ഹാച്ച്ബാക്കായ i20 യുടെ പുതിയ പതിപ്പ് അവതരിപ്പിക്കാൻ ഒരുങ്ങുകയാണ്. 2026 ൽ പുറത്തിറങ്ങാനിരിക്കുന്ന പുതിയ i20 യുടെ പരീക്ഷണം ഇതിനകം ആരംഭിച്ചു കഴിഞ്ഞു. ഈ സാഹചര്യത്തിൽ, ഗുരുഗ്രാമിലെ തെരുവുകളിൽ നിന്നും പുതിയ ഹ്യുണ്ടായി ഐ20 ഫേസ്ലിഫ്റ്റിന്റെ ആദ്യ കാഴ്ച ക്യാമറയിൽ പതിഞ്ഞിട്ടുണ്ട്. ഈ പരീക്ഷണ വാഹനം പൂർണ്ണമായും മറച്ച നിലയിൽ ആയിരുന്നു. ഹരിയാനയുടെ ചുവന്ന താൽക്കാലിക നമ്പർ പ്ലേറ്റുകൾ നൽകിയിരുന്നു.
ഡിസൈൻ ഇതുപോലെ
ചോർന്ന സ്പൈ ഷോട്ടുകൾ അതിന്റെ പിൻഭാഗത്തെ ഡിസൈൻ വെളിപ്പെടുത്തിയിട്ടുണ്ട്. റൂഫ് റെയിലുകളുടെ അഭാവം, മുകളിൽ ഒരു ടേപ്പറിംഗ് ഡിസൈൻ, അടിയിൽ ഒരു വീതിയുള്ള ബോഡി എന്നിവ ഇത് ഒരു ഹാച്ച്ബാക്ക് ആണെന്നും ഒരു എസ്യുവി അല്ലെന്നും വ്യക്തമാക്കുന്നു. അതായത് ഇത് i20 യുടെ അപ്ഡേറ്റ് ചെയ്ത പതിപ്പായിരിക്കാം. ടാറ്റ ആൾട്രോസ് ഫെയ്സ്ലിഫ്റ്റ് പോലുള്ള പുതിയ മത്സരം കണക്കിലെടുക്കുമ്പോൾ ഹ്യുണ്ടായിയുടെ ഈ നീക്കം അനിവാര്യമാണ്.
Related Articles
ഫീച്ചറുകൾ
പുതിയ i20 യിൽ ഫ്രണ്ട്, റിയർ ഡിസൈൻ പുതുമയോടെയായിരിക്കും. പുതിയ അലോയ് വീലുകളും ഡ്യുവൽ 10.2 ഇഞ്ച് സ്ക്രീൻ സജ്ജീകരണമുള്ള ആധുനിക ഡാഷ്ബോർഡും ഇതിൽ ഉൾപ്പെട്ടേക്കാം. റഷ്ലെയ്നിൻ പ്രസിദ്ധീകരിച്ച റിപ്പോർട്ട് അനുസരിച്ച്, എസ്യുവിയിൽ 360 ഡിഗ്രി ക്യാമറ, വെന്റിലേറ്റഡ് സീറ്റുകൾ, ലെവൽ-1 ADAS, പനോരമിക് സൺറൂഫ് എന്നിവയും ഉൾപ്പെടുത്താം.
പവർട്രെയിനിൽ മാറ്റമൊന്നും ഉണ്ടാകില്ല
പുതിയ ഹ്യുണ്ടായി ഐ20യിലും പവർട്രെയിനുകൾ മാറ്റമില്ലാതെ തുടരുമെന്ന് പ്രതീക്ഷിക്കുന്നു. 5-സ്പീഡ് മാനുവൽ, സിവിടി എന്നിവയുമായി ജോടിയാക്കിയ നിലവിലുള്ള 1.2 ലിറ്റർ പെട്രോൾ എഞ്ചിൻ എസ്യുവി തുടർന്നും വാഗ്ദാനം ചെയ്യും. എൻ ലൈൻ പതിപ്പിൽ 6MT, 7 ഡിസിടി ഗിയർബോക്സുള്ള 1.0 ലിറ്റർ ടർബോചാർജ്ഡ് പെട്രോൾ എഞ്ചിൻ ഉൾപ്പെടുത്താം. കൂടാതെ, പിൻ ഡിസ്ക് ബ്രേക്കുകൾ, സ്പോർട്ടി സസ്പെൻഷൻ, വേറിട്ട എൻ ലൈൻ ഡിസൈൻ ഘടകങ്ങൾ തുടങ്ങിയവയും ലഭ്യമാകും.
