ജിഎസ്ടി പരിഷ്കാരങ്ങളെ തുടർന്ന് മഹീന്ദ്ര തങ്ങളുടെ എസ്യുവി നിരയിലുടനീളം വലിയ വിലക്കുറവ് പ്രഖ്യാപിച്ചു. XUV700, സ്കോർപിയോ, ഥാർ, ബൊലേറോ തുടങ്ങിയ മോഡലുകൾക്ക് 2.56 ലക്ഷം രൂപ വരെ ലാഭിക്കാം. പുതിയ വിലകൾ 2025 സെപ്റ്റംബർ 22 മുതൽ പ്രാബ്യലത്തിൽ വരും.
നിങ്ങൾ ഒരു മഹീന്ദ്ര എസ്യുവി വാങ്ങാൻ പദ്ധതിയിടുകയാണെങ്കിൽ, ഇപ്പോൾ അത് സ്വന്തമാക്കാൻ ഏറ്റവും നല്ല സമയമാണ്. കാരണം കമ്പനി ജിഎസ്ടി പരിഷ്കാരങ്ങളുടെ ആനുകൂല്യങ്ങൾ ഉപഭോക്താക്കൾക്ക് കൈമാറി, അതിന്റെ ഫലമായി മഹീന്ദ്ര എസ്യുവി നിരയിലുടനീളം ഗണ്യമായ വിലക്കുറവ് ഉണ്ടായി. പുതിയ വിലകൾ 2025 സെപ്റ്റംബർ 22 മുതൽ പ്രാബല്യത്തിൽ വരും. മഹീന്ദ്ര XUV700 ന് 1,43,000 രൂപ വരെ വിലക്കുറവ് ലഭിച്ചു. കൂടാതെ, എസ്യുവിക്ക് 81,000 രൂപയുടെ അധിക ആനുകൂല്യങ്ങളും മഹീന്ദ്ര വാഗ്ദാനം ചെയ്യുന്നു. അതായത്, മഹീന്ദ്ര XUV700 -ൽ വാങ്ങുന്നവർക്ക് മൊത്തം 2.24 രൂപ വരെ ലാഭിക്കാൻ കഴിയും. ജിഎസ്ടി വിലക്കുറവിനും അധിക ഓഫറുകൾക്കും ശേഷം എസ്യുവി ഇപ്പോൾ 13.19 ലക്ഷം രൂപ പ്രാരംഭ എക്സ്-ഷോറൂം വിലയിൽ ലഭ്യമാണ്. XUV700 ന്റെ ഓരോ വകഭേദത്തിലും ലഭിക്കുന്ന ലാഭം നോക്കാം.
വേരിയന്റ്, കുറയുന്ന തുക എന്ന ക്രമത്തിൽ
എംഎക്സ് 88,900 രൂപ
Related Articles
എക്സ്3 1,06,500 രൂപ
എഎക്സ്5 എസ് 1,10,200 രൂപ
എഎക്സ്5 1,18,300 രൂപ
എക്സ്7 1,31,900 രൂപ
എഎക്സ്7 എൽ 1,43,000 രൂപ
മഹീന്ദ്രയുടെ ജനപ്രിയ മോഡലായ സ്കോർപിയോ എന്നിന് 1.45 ലക്ഷം രൂപയുടെ വിലക്കുറവും 71,000 രൂപയുടെ അധിക ആനുകൂല്യങ്ങളും ലഭിച്ചു. കിഴിവുകൾക്ക് ശേഷം, എസ്യുവി 13.20 ലക്ഷം മുതൽ ലഭ്യമാണ്. ജിഎസ്ടി വിലയിൽ 1.01 ലക്ഷം രൂപ കുറവും 95,000 രൂപ വരെ കിഴിവുകളുമുള്ള സ്കോർപിയോ ക്ലാസിക്, 12.98 ലക്ഷം രൂപയിൽ നിന്ന് ആരംഭിക്കുന്നു. മഹീന്ദ്ര ഥാറിൽ 1.55 ലക്ഷം രൂപ വരെയും ഥാർ റോക്സിൽ 1.53 ലക്ഷം രൂപ വരെയും ഉപഭോക്താക്കൾക്ക് ലാഭിക്കാം. മൂന്ന് ഡോർ ഥാറിന് 1.35 ലക്ഷം രൂപയുടെ വിലക്കുറവും 20,000 രൂപ വരെ അധിക ആനുകൂല്യങ്ങളും ലഭിച്ചു. അതുപോലെ, ഥാർ റോക്സിന് 1.33 ലക്ഷം രൂപയുടെ വിലക്കുറവും 20,000 രൂപ വരെ വിലക്കുറവും ലഭിച്ചു. 1.56 ലക്ഷം രൂപ വരെയുള്ള ജിഎസ്ടി വിലക്കുറവിനും 90,000 രൂപ വരെയുള്ള കിഴിവിനും ശേഷം, മഹീന്ദ്ര XUV 3XO ഇപ്പോൾ 7.28 ലക്ഷം രൂപ പ്രാരംഭ വിലയിൽ ലഭ്യമാണ്.
മഹീന്ദ്ര ബൊലേറോ, ബൊലേറോ നിയോ എന്നിവയുടെ വിലയിൽ 2.56 ലക്ഷം രൂപ വരെ കുറവ് വരുത്തിയിട്ടുണ്ട്. ഇതിൽ 1.27 ലക്ഷം രൂപയുടെ ജിഎസ്ടി വിലക്കുറവും 1.29 ലക്ഷം രൂപ വരെയുള്ള അധിക ആനുകൂല്യങ്ങളും ഉൾപ്പെടുന്നു. രണ്ട് എസ്യുവികളും ഇപ്പോൾ 8.79 ലക്ഷം രൂപ പ്രാരംഭ എക്സ് ഷോറൂം വിലയിൽ ലഭ്യമാണ്.
