വിപണിയിലെത്തി എട്ട് മാസത്തിനുള്ളിൽ ഒരു ലക്ഷം വിൽപ്പന നേടിയ മാരുതി സുസുക്കി വിക്ടോറിസിന് കമ്പനി വൻ ഓഫറുകൾ പ്രഖ്യാപിച്ചു. 2026 ജൂലൈ മാസത്തിൽ 90,000 രൂപ വരെ ആനുകൂല്യങ്ങൾ നൽകുന്നതിനൊപ്പം തിരഞ്ഞെടുത്ത ഉയർന്ന വകഭേദങ്ങളുടെ വില 39,000 രൂപ വരെ കുറയ്ക്കുകയും ചെയ്തിട്ടുണ്ട്.
വിപണിയിലെത്തി വെറും എട്ട് മാസത്തിനുള്ളിൽ ഒരു ലക്ഷം വിൽപ്പന എന്ന നേട്ടം സ്വന്തമാക്കിയ മാരുതി സുസുക്കിയുടെ മിഡ്സൈസ് എസ്യുവിയായ വിക്ടോറിസിന് വൻ ഓഫറുകൾ പ്രഖ്യാപിച്ച് കമ്പനി. വിൽപ്പന കൂടുതൽ ഉയർത്തുന്നതിനായി 2026 ജൂലൈ മാസത്തിൽ ഉപഭോക്താക്കൾക്ക് വിവിധ ആനുകൂല്യങ്ങളാണ് മാരുതി സുസുക്കി നൽകുന്നത്. മോഡലും വകഭേദവും അനുസരിച്ച് പരമാവധി 90,000 രൂപ വരെ ആനുകൂല്യം ലഭിക്കും.
വിക്ടോറിസിന്റെ സ്ട്രോങ് ഹൈബ്രിഡ് വകഭേദങ്ങൾക്കാണ് ഏറ്റവും കൂടുതൽ ഇളവുകൾ ലഭിക്കുന്നത്. ക്യാഷ് ഡിസ്കൌണ്ട്, എക്സ്ചേഞ്ച് അല്ലെങ്കിൽ പഴയ വാഹനം മാറ്റി നൽകുന്നതിനുള്ള ബോണസ്, വിശ്വസ്ത ഉപഭോക്താക്കൾക്കുള്ള ആനുകൂല്യങ്ങൾ തുടങ്ങിയവ ഉൾപ്പെടെ 90,000 രൂപ വരെയുള്ള നേട്ടങ്ങളാണ് ലഭിക്കുക. അതേസമയം, സി.എൻ.ജി വകഭേദങ്ങൾക്ക് 80,000 രൂപ വരെ ആനുകൂല്യവും പെട്രോൾ മൈൽഡ് ഹൈബ്രിഡ് മോഡലുകൾക്ക് 60,000 രൂപ വരെ ഇളവും കമ്പനി നൽകുന്നുണ്ട്. ഇതിനുപുറമെ വിക്ടോറിസിന്റെ നാല് ഉയർന്ന വകഭേദങ്ങളുടെ വിലയിലും മാരുതി സുസുക്കി കുറവ് വരുത്തിയിട്ടുണ്ട്. സെഡ്എക്സ്ഐ (ഒ) മാനുവൽ, സെഡ്എക്സ്ഐ (ഒ) ഓട്ടോമാറ്റിക്, സെഡ്എക്സ്ഐ പ്ലസ് (ഒ) മാനുവൽ, സെഡ്എക്സ്ഐ പ്ലസ് (ഒ) ഓട്ടോമാറ്റിക് എന്നീ മോഡലുകൾക്ക് 39,000 രൂപ വീതമാണ് വില കുറച്ചിരിക്കുന്നത്.
വില പരിഷ്കരണത്തിന് ശേഷം സെഡ്എക്സ്ഐ (ഒ) മാനുവൽ മോഡലിന് 13.69 ലക്ഷം രൂപയും സെഡ്എക്സ്ഐ (ഒ) ഓട്ടോമാറ്റിക് മോഡലിന് 15.29 ലക്ഷം രൂപയുമാണ് എക്സ്ഷോറൂം വില. സെഡ്എക്സ്ഐ പ്ലസ് (ഒ) മാനുവൽ പതിപ്പിന് 15.43 ലക്ഷം രൂപയും സെഡ്എക്സ്ഐ പ്ലസ് (ഒ) ഓട്ടോമാറ്റിക് പതിപ്പിന് 17.38 ലക്ഷം രൂപയുമാണ് പുതിയ വില. വില കുറച്ചതോടെ പനോരമിക് സൺറൂഫ് പോലുള്ള പ്രീമിയം ഫീച്ചറുകൾ കൂടുതൽ ഉപഭോക്താക്കൾക്ക് സ്വന്തമാക്കാൻ സാധിക്കുമെന്നാണ് വിലയിരുത്തൽ.
Related Articles
2026 മാരുതി സുസുക്കി വിക്ടോറിസ് പ്രധാന വിലകൾ (എക്സ്ഷോറൂം)
എൽഎക്സ്ഐ മാനുവൽ – 10.50 ലക്ഷം രൂപ
വിഎക്സ്ഐ മാനുവൽ – 11.80 ലക്ഷം രൂപ
വിഎക്സ്ഐ ഓട്ടോമാറ്റിക് – 13.36 ലക്ഷം രൂപ
സെഡ്എക്സ്ഐ മാനുവൽ – 13.57 ലക്ഷം രൂപ
സെഡ്എക്സ്ഐ (ഒ) മാനുവൽ – 13.69 ലക്ഷം രൂപ
സെഡ്എക്സ്ഐ ഓട്ടോമാറ്റിക് – 15.13 ലക്ഷം രൂപ
സെഡ്എക്സ്ഐ പ്ലസ് മാനുവൽ – 15.24 ലക്ഷം രൂപ
സെഡ്എക്സ്ഐ (ഒ) ഓട്ടോമാറ്റിക് – 15.25 ലക്ഷം രൂപ
സെഡ്എക്സ്ഐ പ്ലസ് (ഒ) മാനുവൽ – 15.43 ലക്ഷം രൂപ
സെഡ്എക്സ്ഐ പ്ലസ് ഓട്ടോമാറ്റിക് – 17.19 ലക്ഷം രൂപ
സെഡ്എക്സ്ഐ പ്ലസ് (ഒ) ഓട്ടോമാറ്റിക് – 17.38 ലക്ഷം രൂപ
സെഡ്എക്സ്ഐ പ്ലസ് ഓൾ വീൽ ഡ്രൈവ് – 18.64 ലക്ഷം രൂപ
സെഡ്എക്സ്ഐ (ഒ) ഓൾ വീൽ ഡ്രൈവ് – 19.22 ലക്ഷം രൂപ
സി.എൻ.ജി മോഡലുകളുടെ വില 11.50 ലക്ഷം രൂപ മുതലാണ് ആരംഭിക്കുന്നത്. ഹൈബ്രിഡ് വകഭേദങ്ങളിൽ വി.എക്സ്ഐ ഇ-സി.വി.ടി മോഡലിന് 16.38 ലക്ഷം രൂപയും ഉയർന്ന വകഭേദമായ സെഡ്എക്സ്ഐ (ഒ) ഇ-സി.വി.ടി മോഡലിന് 19.99 ലക്ഷം രൂപയുമാണ് എക്സ്ഷോറൂം വില.
എട്ട് മാസത്തിനുള്ളിൽ ഒരു ലക്ഷം യൂണിറ്റ് വിൽപ്പന നേടിയ വിക്ടോറിസിന്റെ ജനപ്രീതി കൂടുതൽ വർധിപ്പിക്കാനാണ് മാരുതി സുസുക്കിയുടെ പുതിയ നീക്കം. മിഡ്സൈസ് എസ്യുവി വിഭാഗത്തിലെ കടുത്ത മത്സരത്തിനിടയിലാണ് കമ്പനി ആകർഷകമായ ഓഫറുകളുമായി രംഗത്തെത്തിയിരിക്കുന്നത്.
പ്രത്യേകം ശ്രദ്ധിക്കുക വ്യത്യസ്ത പ്ലാറ്റ്ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.
