വില കുറഞ്ഞതോടെ സുരക്ഷ ഏറ്റവും കുറഞ്ഞ ഈ കാറുകൾക്ക് വൻ ഡിമാൻഡ്

ഉത്സവ സീസണിൽ മാരുതി സുസുക്കി കാറുകൾക്ക് റെക്കോർഡ് വിൽപ്പനയുണ്ടായി. എന്നാൽ ഏറ്റവും കൂടുതൽ വിറ്റഴിക്കപ്പെടുന്ന പല മോഡലുകൾക്കും ഗ്ലോബൽ എൻസിഎപി ക്രാഷ് ടെസ്റ്റിൽ 1-സ്റ്റാർ സുരക്ഷാ റേറ്റിംഗ് മാത്രമാണ് ലഭിച്ചത്.

Lady Driver

Image Credit: Getty

രാജ്യത്ത് ഉത്സവ സീസണിൽ നടപ്പിലാക്കിയ പുതിയ ജിഎസ്‍ടി 2.0 സ്ലാബ് സാധരാണക്കാർക്ക് കാറുകൾ വാങ്ങുന്നത് കൂടുതൽ എളുപ്പമാക്കി. ഇത് കാർ വിൽപ്പനയിൽ റെക്കോർഡ് കുതിച്ചുചാട്ടത്തിന് കാരണമായി. പ്രത്യേകിച്ച്, മാരുതി സുസുക്കി കാറുകൾക്കാണ് ഏറ്റവും കൂടുതൽ വിൽപ്പന ലഭിച്ചത്. ധന്തേരസ് ദിനത്തിൽ തന്നെ കമ്പനി 41,000 കാറുകൾ വിറ്റു. അതേസമയം ഗ്ലോബൽ എൻ‌സി‌എ‌പിയിൽ ഏറ്റവും ദുർബലമായ സുരക്ഷാ റേറ്റിംഗ് ലഭിച്ച നിരവധി മോഡലുകളും ഈ കാറുകളുടെ പട്ടികയിൽ ഉൾപ്പെടുന്നു. ഈ പട്ടികയിൽ ഉൾപ്പെടുത്തിയിരിക്കുന്ന വാഗൺ ആർ രാജ്യത്തെ ഒന്നാം നമ്പർ കാറാണ്. മാരുതിയുടെ ഏറ്റവും കൂടുതൽ വിറ്റഴിക്കപ്പെടുന്ന കാർ കൂടിയാണ് വാഗൺ ആർ.ഇതാ ഏറ്റവും കൂടുതൽ വിൽപ്പന നേടിയ സുരക്ഷ കുറഞ്ഞ ചില കാറുകളെ പരിചയപ്പെടാം.

ഗ്ലോബൽ എൻസിഎപിയിൽ നിന്ന് വാഗൺആറിന് 1-സ്റ്റാർ സുരക്ഷാ റേറ്റിംഗ് 

മാരുതിയുടെ ഏറ്റവും ജനപ്രിയ കാറായ വാഗൺആറിന് ഗ്ലോബൽ എൻസിഎപി ക്രാഷ് ടെസ്റ്റിൽ 1-സ്റ്റാർ സുരക്ഷാ റേറ്റിംഗ് മാത്രമേ ലഭിച്ചുള്ളൂ. മുതിർന്നവരുടെ സുരക്ഷയ്ക്കായി 34 ൽ 19.69 പോയിന്റുകൾ ലഭിച്ചു. അതേസമയം, കുട്ടികളുടെ സുരക്ഷയ്ക്കായി 49 ൽ 3.40 പോയിന്റുകൾ മാത്രമാണ് ലഭിച്ചത്. 4,98,900 രൂപയാണ് വാഗൺആറിന്‍റെ പ്രാരംഭ എക്സ്-ഷോറൂം വില.

ഗ്ലോബൽ എൻസിഎപിയിൽ നിന്ന് ഇഗ്നിസിന് 1-സ്റ്റാർ

നെക്സ ഡീലർഷിപ്പുകളിൽ നിന്നുള്ള എൻട്രി ലെവൽ ഇഗ്നിസിന് ഗ്ലോബൽ എൻസിഎപിയിൽ ക്രാഷ് ടെസ്റ്റിൽ 1-സ്റ്റാർ സുരക്ഷാ റേറ്റിംഗ് മാത്രമേ ലഭിച്ചുള്ളൂ. മുതിർന്നവരുടെ സുരക്ഷയ്ക്കായി 34 ൽ 16.48 പോയിന്റുകൾ ലഭിച്ചു. കുട്ടികളുടെ സുരക്ഷയ്ക്കായി 49 ൽ 3.86 പോയിന്റുകൾ മാത്രമാണ് ഇഗ്നിസിന് ലഭിച്ചത്. ഇഗ്നിസിന്റെ പ്രാരംഭ എക്സ്-ഷോറൂം വില 5,35,100 രൂപയാണ്.

ജനപ്രിയ 7 സീറ്റർ എർട്ടിഗയ്ക്ക് ഗ്ലോബൽ എൻസിഎപിയിൽ നിന്ന് 1-സ്റ്റാർ സുരക്ഷാ റേറ്റിംഗ് ലഭിച്ചു . മുതിർന്നവരുടെ സുരക്ഷയ്ക്കായി 34-ൽ 23.63 പോയിന്റും കുട്ടികളുടെ സുരക്ഷയ്ക്കായി 49-ൽ 19.40 പോയിന്റും ഇത് നേടി. എർട്ടിഗയുടെ പ്രാരംഭ വില, എക്സ്-ഷോറൂം, 880,000 രൂപ ആണ്.

ഗ്ലോബൽ എൻസിഎപിയിൽ എസ്-പ്രസ്സോയ്ക്ക് ഒരു സ്റ്റാർ

ഇനി മാരുതിയുടെ മിനി എസ്‌യുവിയായ എസ്-പ്രസ്സോയെക്കുറിച്ച് പറയുകയാണെങ്കിൽ, ഗ്ലോബൽ എൻസിഎപി ക്രാഷ് ടെസ്റ്റിൽ ഇതിന് ഒരു സ്റ്റാർ സുരക്ഷാ റേറ്റിംഗ് മാത്രമേ ലഭിച്ചുള്ളൂ. മുതിർന്നവരുടെ സുരക്ഷയ്ക്കായി 34 ൽ 20.03 പോയിന്റുകൾ ലഭിച്ചു. അതേസമയം, കുട്ടികളുടെ സുരക്ഷയ്ക്കായി 49 ൽ 3.52 പോയിന്റുകൾ മാത്രമാണ് ലഭിച്ചത്. മാരുതി സുസുക്കി എസ്-പ്രസോയുടെ പ്രാരംഭ എക്‌സ്-ഷോറൂം വില 3,49,900 രൂപയാണ്.