പിറന്നാൾ ദിനത്തിൽ സൂപ്പർ താരം സ്വന്തമാക്കിയത് 3.8 കോടി രൂപ വിലയുള്ള അത്യാഡംബര കാർ. ബോളീവുഡ് താരം രണ്വീര് സിംഗാണ് ആ ഭാഗ്യവാന്. ജെയിംസ് ബോണ്ട് ചിത്രങ്ങളിലൂടെ ലോകമെങ്ങും ആരാധകരെ സൃഷ്ടിച്ച കാർ നിർമാതാക്കളായ ആസ്റ്റൺ മാർട്ടിൻറെ റാപ്പിഡ് എസ് ആണ് രണ്വീര് സ്വന്തമാക്കിയത്.
ബ്രിട്ടീഷ് സ്പോര്ട്സ് കാര് നിര്മാതാക്കളായ ആസ്റ്റണ് 2016–ലാണ് തങ്ങളുടെ റാപ്പിഡുമായി ഇന്ത്യയിലെത്തുന്നത്. ആഢംബരവും കരുത്തും ഒരുപോലെ ഒത്തിണങ്ങുന്ന റാപ്പിഡ് എസിന് പൂജ്യത്തില് നിന്ന് 100 കിലോമീറ്റര് വേഗത കൈവരിക്കാന് കേവലം 4.6 സെക്കന്റുകള് മാത്രം മതി. പരമാവധി വേഗത മണിക്കൂറില് 306 കിലോമീറ്ററാണ്. 517 ബിഎച്ച്പി കരുത്തുള്ള 6 ലീറ്റര് വി 12 എന്ജിനാണ് വാഹനത്തില്. 8 സ്പീഡാണു ഗീയര്ബോക്സ്. ഏകദേശം 3.8 കോടി രൂപയാണ് കാറിന്റെ ഡൽഹി എക്സ്ഷോറൂം വില.
ഡിബി5, ഡിബി 6, ഡിബി 7 തുടങ്ങി ലോകപ്രസിദ്ധമായ നിരവധി സൂപ്പർ കാറുകളുണ്ടായിരുന്ന നിരയിലെ ജനപ്രിയ മോഡലുകളിലൊന്നാണു റാപ്പിഡ്. പ്രേക്ഷകരെ ഓരോ നിമിഷവും ഉദ്വേഗത്തിന്റെ മുൾമുനയിൽ നിർത്തുന്ന ജെയിംസ് ബോണ്ട് ചിത്രങ്ങളില് നായക കഥാപാത്രം ഉപയോഗിക്കുന്നത് ഈ കാറുകളാണ്. സ്റ്റൈലിനും എൻജിൻ കരുത്തിനും പ്രശസ്തമായ റാപ്പിഡ് എസ് തന്റെ 32–ാം പിറന്നാൾ ദിനത്തിലാണു രണ്വീര് സിംഗ് സ്വന്തമാക്കിയത്. സുഹൃത്തും നടിയുമായ ദീപിക പദുക്കോണിനൊപ്പം രണ്വീര് പുത്തന് കാറില് ചുറ്റുന്ന ചിത്രങ്ങളും കഴിഞ്ഞ ദിവസം പുറത്തു വന്നു.
