Asianet News MalayalamAsianet News Malayalam

അമ്പരപ്പിക്കും വിൽപ്പനയുമായി എൻഫീൽഡിന്‍റെ 'വേട്ടക്കാരൻ'

കഴിഞ്ഞ മാസം റോയൽ എൻഫീൽഡ് ഹണ്ടർ 350-ന്‍റെ 17,118 യൂണിറ്റുകൾ ആണ് വിറ്റഴിച്ചത്. ഓഗസ്റ്റില്‍ വിറ്റ 18,197 മോട്ടോർസൈക്കിളുകൾ യൂണിറ്റുകളെ അപേക്ഷിച്ച്  നേരിയ കുറവാണ്.

Royal Enfield hunter 350 September 2022 sales report
Author
First Published Oct 26, 2022, 1:01 PM IST

മുംബൈ: ഐക്കണിക്ക് ഇരുചക്ര വാഹന ബ്രാൻഡായ റോയൽ എൻഫീൽഡ് അവരുടെ എൻട്രി ലെവലും ഏറ്റവും താങ്ങാനാവുന്നതുമായ മോഡലായ ഹണ്ടർ 350നെ ഇന്ത്യയിൽ അവതരിപ്പിച്ചത് കഴിഞ്ഞ ഓഗസ്റ്റിൽ ആണ്. സെപ്റ്റംബറിൽ 25,571 യൂണിറ്റുകൾ വിറ്റഴിച്ച ക്ലാസിക് 350 യുടെ വിൽപ്പന മറികടക്കാൻ ഇനിയും കഴിഞ്ഞിട്ടില്ലെങ്കിലും ഹണ്ടർ 350 യുടെ വിൽപ്പനയും മികച്ച രീതിയില്‍ മുന്നേറുകയാണെന്നാണ് റിപ്പോര്‍ട്ടുകള്‍. കഴിഞ്ഞ മാസം റോയൽ എൻഫീൽഡ് ഹണ്ടർ 350-ന്‍റെ 17,118 യൂണിറ്റുകൾ ആണ് വിറ്റഴിച്ചത്. 

ഓഗസ്റ്റില്‍ വിറ്റ 18,197 മോട്ടോർസൈക്കിളുകൾ യൂണിറ്റുകളെ അപേക്ഷിച്ച്  നേരിയ കുറവാണ്. ക്ലാസിക് 350-ന്റെ ഓഗസ്റ്റിലെ വിൽപ്പന നമ്പറായ 18,993 യൂണിറ്റുകളിൽ നിന്ന് ആ സംഖ്യ വളരെ അടുത്തായിരുന്നു എന്നതാണ് ശ്രദ്ധേയം. ഇപ്പോൾ, അതിന്റെ ഏറ്റവും അടുത്ത എതിരാളിയായ ഹോണ്ട CB350 യുമായി താരതമ്യപ്പെടുത്തുമ്പോൾ, ഹണ്ടർ 350 വിൽപ്പനയുടെ കാര്യത്തിൽ വളരെ മുന്നിലാണ്. ഈ വർഷം സെപ്റ്റംബറിൽ 3,980 സിബി350 യൂണിറ്റുകളും ഓഗസ്റ്റിൽ 3,714 യൂണിറ്റുകളും വിൽക്കാൻ ഹോണ്ടയ്ക്ക് കഴിഞ്ഞു.

ഹണ്ടർ 350, CB350 എന്നിവയുടെ വിൽപ്പന തമ്മിലുള്ള കാര്യമായ വ്യത്യാസത്തിന് രണ്ട് കാരണങ്ങളുണ്ടാകാം. ഒന്ന് വിലനിർണ്ണയം ആകാം. റോയൽ എൻഫീൽഡ് ഹണ്ടർ 350 ന്‍റെ വില 1.49 ലക്ഷം രൂപയിൽ ആരംഭിക്കുമ്പോൾ, ഹോണ്ട CB350 യുടെ DLX പതിപ്പിന് രണ്ടു ലക്ഷം രൂപയാണ് വില. ഇന്ത്യയിലെ CB350, CB350RS എന്നിവ റീട്ടെയിൽ ചെയ്യുന്ന ഹോണ്ട ബിഗ്‌വിംഗ് ഷോറൂമുകളുമായി താരതമ്യപ്പെടുത്തുമ്പോൾ റോയൽ എൻഫീൽഡ് വാഗ്ദാനം ചെയ്യുന്ന വിശാലമായ ഡീലറും സേവന ശൃംഖലയുമാണ് മറ്റൊരു കാരണം.

ചെന്നൈ ആസ്ഥാനമായുള്ള രാജ്യത്തെ ഐക്കണിക്ക് ഇരുചക്ര വാഹന ബ്രാൻഡായ റോയൽ എൻഫീൽഡ് അടുത്തിടെയാണ് ഹണ്ടർ 350 ബൈക്ക് ഇന്ത്യൻ വിപണിയില്‍ അവതരിപ്പിച്ചത്. യഥാക്രമം 1.49 ലക്ഷം, 1.63 ലക്ഷം, 1.68 ലക്ഷം രൂപ വിലയുള്ള റെട്രോ, മെട്രോ, മെട്രോ റെബൽ വേരിയന്റുകളിലാണ് ഹണ്ടര്‍ എത്തുന്നത്. നിലവില്‍ റോയല്‍ എൻഫീല്‍ഡില്‍ നിന്നുള്ള ഏറ്റവും താങ്ങാനാവുന്ന ഓഫറാണിത്.

ഫീച്ചറുകളുടെ കാര്യത്തിൽ, റോയൽ എൻഫീൽഡ് ഹണ്ടർ 350-ൽ ഓൾ-ഡിജിറ്റൽ ഇൻസ്ട്രമെന്റ് ക്ലസ്റ്റർ, ഡ്യുവൽ-ചാനൽ എബിഎസ്, ട്രിപ്പർ നാവിഗേഷൻ എന്നിവ ഓപ്‌ഷണലായി ഉൾപ്പെടുത്തിയിട്ടുണ്ട്. ഇന്റർനാഷണൽ മോഡലും ഇന്ത്യ മോഡലും തമ്മിലുള്ള വ്യത്യാസം ഓഫറിലുള്ള വകഭേദങ്ങൾ മാത്രമാണ്. സ്റ്റാൻഡേർഡ് ഇൻസ്ട്രുമെന്റേഷനും സ്വിച്ച് ഗിയറും ഉള്ള ഒരു ബേസ്, സ്‌പോക്ക്-വീൽ പതിപ്പ് ഇന്ത്യക്ക് ലഭിക്കുമ്പോൾ, ഹണ്ടർ അന്താരാഷ്ട്ര തലത്തിൽ റെട്രോ പതിപ്പിൽ മാത്രമാണ് വിൽക്കുന്നത്. അതിനാൽ റിബൽ, ഡാപ്പർ വേരിയന്റുകൾക്ക് കീഴിൽ ഇതിന് ആറ് നിറങ്ങൾ ലഭിക്കും. 

Read More :  ഈ ബുള്ളറ്റ് വാങ്ങാന്‍ ജനം തള്ളിക്കയറുന്നു, അമ്പരന്ന് കമ്പനി!

Follow Us:
Download App:
  • android
  • ios