Asianet News MalayalamAsianet News Malayalam

Cyber Security : രക്ഷിതാക്കള്‍ക്ക് സൈബർ സുരക്ഷ അവബോധ പരിപാടി; കൈറ്റ് വിക്ടേഴ്സിൽ ജൂലൈ 8 മുതൽ

ഹൈസ്കൂളുകളിലെ ലിറ്റിൽ കൈറ്റ്സ് യൂണിറ്റുകൾ വഴി നേരത്തെ 3.08 രക്ഷിതാക്കൾക്ക് രണ്ടരമണിക്കൂർ ദൈർഘ്യമുള്ള സൈബർ സുരക്ഷ പരിശീലനം കൈറ്റ് നൽകിയിരുന്നു.

Cyber Security awareness programme Kite Victers
Author
Trivandrum, First Published Jul 7, 2022, 4:21 PM IST

തിരുവനന്തപുരം: രക്ഷിതാക്കൾക്ക് (parents) സൈബർ സുരക്ഷയെക്കുറിച്ച് (cyber security) അവബോധം (awareness programme) നൽകുന്നതിനായി അമ്മ അറിയാൻ എന്ന പ്രത്യേക പരിപാടി (kite victers) കൈറ്റ് വിക്ടേഴ്സിൽ ജൂലൈ 8 മുതൽ സംപ്രേഷണം ചെയ്ത് തുടങ്ങും. നാലു ഭാ​ഗങ്ങളിലായി വെള്ളി മുതൽ തിങ്കൾ വരെ വൈകുന്നേരം ആറ് മണിക്ക് സംപ്രേഷണം ചെയ്യുന്ന പരിപാടിയുടെ പുനസംപ്രേഷണം അടുത്ത ദിവസം രാവിലെ 8 മണിക്ക് നടത്തും. സ്മാർട്ട് ഫോൺ, ഇന്റർനെറ്റിന്റെ അനന്തസാധ്യതകളിലേക്കുള്ല ലോകം, സുരക്ഷിത ഉപയോ​ഗം, വ്യാജവാർത്തകളെ തിരിച്ചറിയുക, ചതിക്കുഴികൾ; സൈബർ ആക്രമണങ്ങൾ, ഇവയിൽ ഉപയോ​ഗിക്കുന്ന ഒടിപി, പിൻ തുടങ്ങിയ പാസ്‍വേർഡുകളുടെ സുരക്ഷ എന്നിവയാണ് ഇതിൽ ഉൾപ്പെടുത്തിയിരിക്കുന്നത്. 

ഹൈസ്കൂളുകളിലെ ലിറ്റിൽ കൈറ്റ്സ് യൂണിറ്റുകൾ വഴി നേരത്തെ 3.08 രക്ഷിതാക്കൾക്ക് രണ്ടരമണിക്കൂർ ദൈർഘ്യമുള്ള സൈബർ സുരക്ഷ പരിശീലനം കൈറ്റ് നൽകിയിരുന്നു. ഈ പരിശീലനത്തിന്റെ മാതൃകയായിട്ടാണ് ഇപ്പോൾ സംപ്രേഷണം ചെയ്യുന്ന പരിപാടി. 

Follow Us:
Download App:
  • android
  • ios