Asianet News MalayalamAsianet News Malayalam

ജെ.എൻ.ടാറ്റ എൻഡോവ്മെന്റ് ലോൺ സ്കോളർഷിപ്പ്‌: മാർച്ച്‌ 8 വരെ അപേക്ഷിക്കാം

വിദേശകോഴ്‌സിനു രണ്ട് വർഷമെങ്കിലും ദൈർഘ്യമുണ്ടെങ്കിൽ രണ്ടാം വർഷക്കാർക്കും അപേക്ഷിക്കാം. 

JN Tata Loan Scholarship
Author
Trivandrum, First Published Jan 19, 2021, 9:58 AM IST

തിരുവനന്തപുരം: വിദേശത്ത് ഉന്നത വിദ്യാഭ്യാസത്തിനുള്ള ജെ.എൻ.ടാറ്റ എൻഡോവ്മെന്റ് ലോൺ സ്കോളർഷിപ്പിന് മാർച്ച്‌ 8ന് ഉച്ചവരെ http//jntataendowment.org. എന്ന വെബ്സൈറ്റിലൂടെ അപേക്ഷിക്കാം. 60 ശതമാനം എങ്കിലും മാർക്കോടെ ഇന്ത്യൻ സർവകലാശാലാ ബിരുദമുള്ള ഇന്ത്യക്കാർക്ക് അപേക്ഷിക്കാം. അവസാന വർഷ ബിരുദ വിദ്യാർത്ഥികളെയും പരിഗണിക്കും. വിദേശകോഴ്‌സിനു രണ്ട് വർഷമെങ്കിലും ദൈർഘ്യമുണ്ടെങ്കിൽ രണ്ടാം വർഷക്കാർക്കും അപേക്ഷിക്കാം. 

താൽപര്യമുള്ള ഏതു വിഷയത്തിന്റെയും ഫുൾടൈം പിജി, പിഎച്ച്ഡി, പോസ്റ്റ്‌ ഡോക്ടറൽ പഠനഗവേഷണം എന്നിവയിൽ ഏതിലും അപേക്ഷിക്കാം. പ്രായപരിധി 2021 ജൂൺ 30 ന് 45 വയസ്സ് കവിയരുത്. ഒരു ലക്ഷം മുതൽ പത്ത് ലക്ഷം വരെ വയ്പ ലഭിക്കും. കൂടാതെ, ഏഴര ലക്ഷം രൂപ വരെ ഗിഫ്റ്റ് സ്ക്കോളർഷിപ്പും അരലക്ഷം രൂപ വരെ യാത്രചെലവും ലഭിക്കും. കൂടുതൽ വിവരങ്ങൾ വെബ്സൈറ്റിൽ ലഭ്യമാണ്.
 

Follow Us:
Download App:
  • android
  • ios