ദില്ലി: ഗവേഷണ വിദ്യാര്‍ഥികള്‍ക്ക് യു.കെ.യിലെ ഉന്നത വിദ്യാഭ്യാസസ്ഥാപനങ്ങളില്‍ രണ്ടുമുതല്‍ നാലുമാസംവരെ ഗവേഷണത്തിന് അവസരം. 2021 ഏപ്രില്‍-ഡിസംബര്‍ കാലയളവില്‍ ഫെല്ലോഷിപ്പ് ഉപയോഗപ്പെടുത്താം. അപേക്ഷകര്‍ ഇന്ത്യയിലെ ഉന്നതവിദ്യാഭ്യാസ സ്ഥാപനത്തില്‍ ഗവേഷണം നടത്തുന്നവരാവണം. 

2017 ഇന്‍സ്‌പെയര്‍ ബാച്ച് ഗവേഷകര്‍ക്ക് സയന്‍സ്, ടെക്നോളജി, എന്‍ജിനിയറിങ്, മാത്തമാറ്റിക്സ് (സ്റ്റം), ലൈഫ് സയന്‍സസ് വിഷയങ്ങളില്‍ അപേക്ഷിക്കാം. ഇന്‍സ്‌പെയര്‍ വിദഗ്ധാംഗങ്ങളല്ലാത്ത ലൈഫ് സയന്‍സസില്‍ രണ്ടാം/മൂന്നാം വര്‍ഷത്തില്‍ ഗവേഷണം നടത്തുന്നവര്‍, ഇന്ത്യന്‍ കൗണ്‍സില്‍ ഓഫ് സോഷ്യല്‍ സയന്‍സസ് റിസര്‍ച്ച് (ഐ.സി.എസ്.എസ്.ആര്‍.) ഡോക്ടറല്‍ ഫെലോ, സോഷ്യല്‍ സയന്‍സസ് മേഖലയില്‍ രണ്ടാംവര്‍ഷത്തിലോ മൂന്നാംവര്‍ഷത്തിലോ ഫുള്‍ടൈം ഗവേഷണം നടത്തുന്നവര്‍ എന്നിവരും അപേക്ഷിക്കാന്‍ അര്‍ഹരാണ്.അപേക്ഷാ ലിങ്ക് ഉള്‍പ്പെടുന്ന വിജ്ഞാപനം www.online-inspire.gov.in ല്‍ ഫെലോഷിപ്പ് ലിങ്കിലുണ്ട്. അപേക്ഷ ഓഗസ്റ്റ് 16 രാത്രി 10.30 വരെ നല്‍കാം.