വിദ്യാർത്ഥികളിൽ ഭയവും ആശങ്കയും ഉണ്ടാകാതിരിക്കാൻ അധ്യാപകർ ഇടപെടണം: യുജിസി
വിദ്യാർത്ഥികൾക്ക് ആശ്രയിക്കാനായി എല്ലാ എല്ലാ സർവ്വകലാശാലകളും ഹെൽപ് ലൈൻ സേവനം ആരംഭിക്കണം. ഏത് ആവശ്യത്തിനും സന്ദേശം അയക്കാനുള്ള ഇ മെയിൽ വിലാസം വിദ്യാർത്ഥികൾക്ക് നൽകണം.
തിരുവനന്തപുരം: കൊവിഡ് 19 വൈറസ് വ്യാപനത്തിന്റെ പശ്ചാത്തലത്തിൽ അടച്ചിടുന്ന കോളേജുകളിലെ അധ്യാപകർ വിദ്യാർത്ഥികളുമായി ഇലക്ട്രോണിക് മീഡിയകളുടെ സഹായത്തോടെ നിരന്തരം സംവദിക്കണമെന്ന് യൂണിവേഴ്സിറ്റി ഗ്രാന്റ് കമ്മീഷൻ നിർദ്ദേശം നൽകി. വിദ്യാർത്ഥികളിലോ രക്ഷിതാക്കളിലോ ഒരു തരത്തിലുള്ള ഭയമോ ആശങ്കയോ സൃഷ്ടിക്കാതിരിക്കാൻ ഈ ഇടപെടൽ അത്യാവശ്യമാണന്നും യുജിസി മുന്നറിയിപ്പ് നൽകി.
വിദ്യാർത്ഥികൾക്ക് ആശ്രയിക്കാനായി എല്ലാ എല്ലാ സർവ്വകലാശാലകളും ഹെൽപ് ലൈൻ സേവനം ആരംഭിക്കണം. ഏത് ആവശ്യത്തിനും സന്ദേശം അയക്കാനുള്ള ഇ മെയിൽ വിലാസം വിദ്യാർത്ഥികൾക്ക് നൽകണം. മുൻകരുതലായി 31 വരെയുള്ള എല്ലാ പരീക്ഷകളും മൂല്യനിർണ്ണയവും മാറ്റിവയ്ക്കണമെന്നും കേന്ദ്രസർക്കാർ നിർദ്ദേശപ്രകാരം യുജിസി സെക്രട്ടറി പ്രൊഫസർ രജനീഷ് ജയൻ സർവ്വകലാശാലകൾക്ക് നൽകിയ നോട്ടീസിൽ വ്യക്തമാക്കുന്നു.
