Asianet News MalayalamAsianet News Malayalam

ഡി.ആര്‍.ഡി.ഒയില്‍ ഒഴിവുകൾ; ജൂനിയര്‍ റിസര്‍ച്ച് ഫെലോ; വാക്ക് ഇന്‍ ഇന്റര്‍വ്യൂ ജനുവരിയില്‍

മെക്കാനിക്കല്‍ എഞ്ചിനീയറിങ്ങ്, ഓട്ടോമൊബൈല്‍ എഞ്ചിനീയറിങ്, ഇലക്ട്രോണിക്‌സ് എഞ്ചിനീയറിങ്, കംപ്യൂട്ടര്‍ സയന്‍സ് എന്നിവയില്‍ ഫസ്റ്റ് ഡിവിഷനോടു കൂടിയ ബിരുദവും ബിരുദാനന്തര ബിരുദവുമുള്ളവര്‍ക്ക് അപേക്ഷിക്കാം.
 

vacancies in drdo interview held at January
Author
Delhi, First Published Nov 28, 2020, 2:03 PM IST

ദില്ലി: വിവിധ തസ്തികകളിലേക്കുള്ള തെരഞ്ഞെടുപ്പിന് ഡിഫന്‍സ് റിസേര്‍ച്ച് ആന്‍ഡ് ഡെവലപ്‌മെന്റ് ഓര്‍ഗനൈസേഷന്‍ (ഡി.ആര്‍.ഡി.ഒ) വാക്ക് ഇന്‍ ഇന്റര്‍വ്യൂ സംഘടിപ്പിക്കുന്നു. എഞ്ചിനീയറിങ്ങിലുള്ള ജൂനിയര്‍ റിസര്‍ച്ച് ഫെലോ ആവാനാണ് അവസരം. മാസം 31,000 രൂപ സ്റ്റൈപന്റുണ്ടാകും. മൊത്തം 16 ജെ.ആര്‍.എഫ് സീറ്റുകളുണ്ട്. അഭിമുഖം 2021 ജനുവരി 4 മുതല്‍ 11 വരെയാണ്.

ബി.ഇ/ ബി.ടെക് ഫസ്റ്റ് ഡിവിഷനോടു കൂടി പാസായവര്‍ക്ക് അപേക്ഷിക്കാം. ഇതിന് പുറമെ നെറ്റ്/ ഗേറ്റ് ഉണ്ടായിരിക്കണം. അതല്ലെങ്കില്‍ എം.ഇ/ എം.ടെക് യോഗ്യത. മെക്കാനിക്കല്‍ എഞ്ചിനീയറിങ്ങ്, ഓട്ടോമൊബൈല്‍ എഞ്ചിനീയറിങ്, ഇലക്ട്രോണിക്‌സ് എഞ്ചിനീയറിങ്, കംപ്യൂട്ടര്‍ സയന്‍സ് എന്നിവയില്‍ ഫസ്റ്റ് ഡിവിഷനോടു കൂടിയ ബിരുദവും ബിരുദാനന്തര ബിരുദവുമുള്ളവര്‍ക്ക് അപേക്ഷിക്കാം.

മെക്കാനിക്കല്‍ എഞ്ചിനീയറിങ്-6, ഓട്ടോമൊബൈല്‍ എഞ്ചിനീയറിങ്-3, ഇലക്ട്രോണിക്‌സ് എഞ്ചിനീയറിങ്-3, കംപ്യൂട്ടര്‍ സയന്‍സ് എഞ്ചിനീയറിങ്-4 എന്നിങ്ങനെയാണ് ഒഴിവുകള്‍. അഹമദാബാദ്, വാഹനനഗറിലെ വെഹിക്കിള്‍സ് റിസേര്‍ച്ച് ആന്‍ഡ് ഡെവലപ്‌മെന്റ് എസ്റ്റാബ്ലിഷ്‌മെന്റില്‍ വെച്ചായിരിക്കും അഭിമുഖം. 2021 ജനുവരി 4 മുതല്‍ ജനുവരി 11 വരെ രാവിലെ 9.30 ന് എത്തിച്ചേരണം. മാര്‍ക്ക്ഷീറ്റ്, സര്‍ട്ടിഫിക്കറ്റ്, സര്‍ക്കാര്‍ ഐ.ഡി എന്നിവ അഭിമുഖത്തിനെത്തുന്നവര്‍ കൊണ്ടു വരേണ്ടതാണ്.
 

Follow Us:
Download App:
  • android
  • ios