സിഡിറ്റിൽ വിഷ്വൽ മീഡിയ കോഴ്സുകൾക്ക് അപേക്ഷിക്കാം; അവസാന തീയതി ഓഗസ്റ്റ് 28
ഡിജിറ്റൽ സ്റ്റിൽ ഫോട്ടോഗ്രഫിക്ക് എസ്എസ്എൽസിയും മറ്റെല്ലാ കോഴ്സുകൾക്കും പ്ലസ്ടൂവുമാണ് യോഗ്യത
തിരുവനന്തപുരം: സംസ്ഥാന സർക്കാർ സ്ഥാപനമായ സിഡിറ്റിന്റെ കവടിയാർ കേന്ദ്രത്തിൽ വിഷ്വൽ മീഡിയ കോഴ്സുകൾക്ക് അപേക്ഷിക്കാം. ആറ് മാസത്തെ ഡിപ്ലോമ ഇൻ ഡിജിറ്റർ മീഡിയ പ്രൊഡക്ഷൻ, ഡിപ്ലോമ കോഴ്സ് ഇൻ വെബ് ഡിസൈൻ ആന്റ് ഡെവലപ്മെന്റ് മൂന്നു മാസത്തെ സർട്ടിഫിക്കറ്റ് കോഴ്സ് ഇൻ വീഡിയോഗ്രഫി, സർട്ടിഫിക്കറ്റ് കോഴ്സ് ഇൻ നോൺ ലീനിയർ എഡിറ്റിംഗ്, അഞ്ച് ആഴ്ച കാലാവധിയുള്ള സർട്ടിഫിക്കറ്റ് കോഴ്സ്, ഡിജിറ്റൽ സ്റ്റിൽ ഫോട്ടോഗ്രഫി കോഴ്സുകൾക്കാണ് അപേക്ഷിക്കാൻ അവസരം.
ഡിജിറ്റൽ സ്റ്റിൽ ഫോട്ടോഗ്രഫിക്ക് എസ്എസ്എൽസിയും മറ്റെല്ലാ കോഴ്സുകൾക്കും പ്ലസ്ടൂവുമാണ് യോഗ്യത. താത്പര്യമുള്ളവർ ഓഗസ്റ്റ് 28നകം അപേക്ഷ നൽകണം. വിശദവിവരങ്ങൾ https://mediastudies.cdit.org/ ലും തിരുവനന്തപുരം കവടിയാർ ടെന്നീസ് ക്ലബ്ബിന് സമീപത്തെ സിഡിറ്റ് കമ്യൂണിക്കേഷൻ കോഴ്സ് വിഭാഗത്തിലും ലഭിക്കും. ഫോൺ - 0471 2721917, 8547720167