ലണ്ടന്: ഓസ്ട്രേലിയക്കെതിരായ അന്തിമ ഇലവനില് ആരൊക്കെ ഉണ്ടെന്ന് മറന്നുപോയി ന്യുസീലന്ഡ് നായകന് കെയിന് വില്ല്യംസണ് ടോസിന്റെ സമയത്ത് ആരെയെല്ലാം ഒഴിവാക്കി എന്ന് കമന്റേറ്ററായ സൈമണ് ഡൂള് ചോദിച്ചതാണ് വില്ല്യംസണെ വെട്ടിലാക്കിയത്.
മൂന്ന് പേരുടെ പേര് പറഞ്ഞ വില്ല്യംസണ് ടീമില് നിന്ന് ഒഴിവാക്കപ്പെട്ട കോളിന് ഗ്രാന്ഡിഹോമിന്റെ പേര് എത്ര ഓര്ത്തെടുക്കാന് ശ്രമിച്ചിട്ടും കഴിഞ്ഞില്ല. നേരത്തെ ഐപിഎല് മത്സരത്തിനിടെ സണ്റൈസേഴ്സ് നായകനായ ഡേവിഡ് വാര്ണര്ക്കും ഇതേ അബദ്ധം പറ്റിയിരുന്നു. അന്ന് അന്തിമ ഇലവനില് ഉള്പ്പെടുത്തി താരത്തിന്റെ പേരാണ് വാര്ണര് മറന്നതെന്ന് മാത്രം.
ഐപിഎല് പോലൊരു ടൂര്ണമെന്റില് വാര്ണര്ക്ക് പറ്റിയതിനെ കുറ്റം പറയാനാവില്ലെങ്കിലും ഒരു ദേശീയ ടീമില് നായകന് സ്വന്തം ടീം അംഗത്തിന്റെ പേര് മറന്നുപോവുന്നത് അപൂര്വ സംഭവമാണ്. എന്തായാലും ടോസിലെ മറവി ബാറ്റിംഗില് തീര്ത്ത വില്യാംസണ് സെഞ്ചുറിയുമായാണ് ഗ്രൗണ്ട് വിട്ടത്.
