അടുത്ത വര്ഷം നാലു ടെസ്റ്റുകളുടെ പരമ്പരയും ഓസീസ് ഇന്ത്യയില് (Team India) കളിക്കും. 2024ല് ഇന്ത്യന് ടീം ഓസ്ട്രേലിയയിലേക്ക് പോകും. അവിടെ അഞ്ച് ടെസ്റ്റുകളാണ് കളിക്കുക.
തിരുവനന്തപുരം: സെപ്റ്റംബറില് ഓസ്ട്രേലിയന് ക്രിക്കറ്റ് ടീം (Cricket Australia) ഇന്ത്യയില് മൂന്ന് ട്വന്റി 20 കളിക്കും. ഇതിലൊന്ന് തിരുവനന്തപുരം കാര്യവട്ടം സ്റ്റേഡിയത്തില് ആയേക്കുമെന്നാണ് സൂചന. അടുത്ത വര്ഷം നാലു ടെസ്റ്റുകളുടെ പരമ്പരയും ഓസീസ് ഇന്ത്യയില് (Team India) കളിക്കും. 2024ല് ഇന്ത്യന് ടീം ഓസ്ട്രേലിയയിലേക്ക് പോകും. അവിടെ അഞ്ച് ടെസ്റ്റുകളാണ് കളിക്കുക.
നശിച്ചുതുടങ്ങിയ സ്റ്റേഡിയത്തിന്റെ ഭാഗങ്ങളെല്ലാം കേരള ക്രിക്കറ്റ് അസോസിയേഷന് നന്നാക്കിയെടുത്തിരുന്നു. കരസേന റിക്രൂട്ട്മെന്റ് റാലി, തെരഞ്ഞെടുപ്പ് പ്രചാരണറാലി എന്നിവക്ക് സ്റ്റേഡിയം വിട്ട് കൊടുത്തതോടെയാണ് കാര്യവട്ടം സ്റ്റേഡിയം നശിച്ചത്. അറ്റകുറ്റപണി നടത്താത്തതോടെ സ്റ്റേഡിയം പൂര്ണമായും ഉപയോഗശൂന്യമായി.
വാര്ത്തകള് വന്നതിനെ തുടര്ന്ന്, കേരള ക്രിക്കറ്റ് അസോസിയേഷന് (KCA) സ്റ്റേഡിയം ഒന്നരകോടി മുടക്കി പുതുക്കിപ്പണിതു. പിന്നീട് വനിതാ സീനിയര് ട്വന്റി 20 ലീഗ് ഡേ നൈറ്റ് മത്സരത്തിനാണ് സ്റ്റേഡിയം വേദിയായിത് ഒഡിഷ, തമിഴ്നാട്, ത്രിപുര, ഛത്തീസ്ഗഡ്, ബിഹാര്, ജാര്ഖണ്ഡ് ടീമുകളാണ് കാര്യവട്ടത്ത് മാറ്റുരച്ചത്. സ്റ്റേഡിയം പുതുക്കിപണിതെങ്കിലും സര്ക്കാര് ഏറ്റെടുത്ത് അറ്റകുറ്റപണി നടത്തണമെന്നാണ് കെസിഎയുടെ ആവശ്യം.
നേരത്തെ ശ്രീലങ്ക, വെസ്റ്റ് ഇന്ഡീസ് ടീമുകള് ഇന്ത്യ സന്ദര്ശിച്ചപ്പോള് ഒരു മത്സരം ഇവിടെ അനുവദിച്ചെങ്കിലും കോവിഡ് കാരണം ഒഴിവായി. രണ്ട് ട്വന്റി ട്വന്റിയും ഒരു ഏകദിനവും 10 എ ക്ലാസ് മത്സരങ്ങളും നടന്ന സ്റ്റേഡിയം വീണ്ടും ഒരു അന്താരാഷ്ട്രമത്സരത്തിന് തയ്യാറെടുക്കയാണ്. ലോകകപ്പിന് മുമ്പ് ഓസ്ട്രേലിയക്കെതിരെ നടക്കുന്ന പരമ്പര ഇന്ത്യക്ക് ഗുണം ചെയ്യും. ഒക്ടോബര്- നവംബര് മാസങ്ങളിലാണ് ലോകകപ്പ് നടക്കുക.
2021 യുഎഇയില് നടന്ന ടി20 ലോകകപ്പില് ഇന്ത്യ സെമി ഫൈനല് കാണാതെ പുറത്തായിരുന്നു. പാകിസ്ഥാന്, ന്യൂസിലന്ഡ് എന്നിവരോട് ഇന്ത്യ തോല്ക്കുകയുണ്ടായി. ഇത്തവണയും പാകിസ്ഥാനെ നേരിട്ടുകൊണ്ടാണ് ഇന്ത്യയുടെ ലോകകപ്പ് ക്യാംപെയ്ന് ആരംഭിക്കുന്നത്. ലോകകപ്പിന് ശേഷം ഓസ്ട്രേലിയ ടെസ്റ്റ് പരമ്പരയ്ക്കായി ഇന്ത്യയിലെത്തും.
