കരീബിയന്‍ പ്രീമിയര്‍ ലീഗ്: ട്രിന്‍ബാഗോ നൈറ്റ് റൈഡേഴ്സ് ഫൈനലില്‍
ആദ്യം ബാറ്റ് ചെയ്ത തലവാസിന് സ്കോര്‍ ബോര്‍ഡിന്‍ റണ്ണെത്തും മുമ്പെ വിക്കറ്റ് നഷ്ടമായി. ബ്ലാക്‌വുഡിനെ അകീല്‍ ഹസൈന്‍ പുറത്താക്കി. തുടക്കത്തിലെ തകര്‍ച്ചയില്‍ നിന്ന് കരകയറാനാവാതിരുന്ന തലവാസിന് ഗ്ലെന്‍ ഫിലിപ്പിനെയും(2), മുജീബ് ഉര്‍ റഹ്മാനെയും(0), ആസിഫ് അലിയെയും(4) പിന്നാലെ നഷ്ടമായതോടെ 25-4 എന്ന സ്കോറിലേക്ക് കൂപ്പുകുത്തി.
ജമൈക്ക: കരീബിയന്‍ പ്രീമിയര്‍ ലീഗില്‍ ജമൈക്ക തലവാസിനെ ഒമ്പത് വിക്കറ്റിന് തകര്‍ത്ത് ട്രിന്‍ബാഗോ നൈറ്റ് റൈഡേഴ്സ് ഫൈനലില്‍. ആദ്യം ബാറ്റ് ചെയ്ത തലവാസിന് 20 ഓവറില്‍ ഏഴ് വിക്കറ്റ് നഷ്ടത്തില്‍ 107 റണ്‍സെടുക്കാനെ കഴിഞ്ഞുള്ളു. മറുപടി ബാറ്റിംഗില്‍ ലെന്‍ഡന്‍ സിമണ്‍സും ടിയോണ്‍ വെബ്‌സ്റ്ററും തിളങ്ങിയതോടെ അഞ്ചോവര്‍ ബാക്കി നിര്‍ത്തി നൈറ്റ് റൈഡേഴ്സ് അനായാസ ജയം സ്വന്തമാക്കി. സ്കോര്‍ ജമൈക്ക തലവാസ് 20 ഓവറില്‍ 107/7, ട്രിന്‍ബാഗോ നൈറ്റ് റൈഡേഴ്സ് 15 ഓവറില്‍ 111-1.
ആദ്യം ബാറ്റ് ചെയ്ത തലവാസിന് സ്കോര്‍ ബോര്‍ഡിന്‍ റണ്ണെത്തും മുമ്പെ വിക്കറ്റ് നഷ്ടമായി. ബ്ലാക്‌വുഡിനെ അകീല്‍ ഹസൈന്‍ പുറത്താക്കി. തുടക്കത്തിലെ തകര്‍ച്ചയില്‍ നിന്ന് കരകയറാനാവാതിരുന്ന തലവാസിന് ഗ്ലെന്‍ ഫിലിപ്പിനെയും(2), മുജീബ് ഉര്‍ റഹ്മാനെയും(0), ആസിഫ് അലിയെയും(4) പിന്നാലെ നഷ്ടമായതോടെ 25-4 എന്ന സ്കോറിലേക്ക് കൂപ്പുകുത്തി. 41 റണ്‍സെടുത്ത ബോണറും 33 റണ്‍സെടുത്ത ക്യാപ്റ്റന്‍ റോവ്‌മാന്‍ പവലും ചേര്‍ന്ന ചെറുത്തുനില്‍പ്പാണ് തലവാസ് സ്കോര്‍ 100 കടത്തിയത്.
ഏഴാമനായി ബാറ്റിംഗിനിറങ്ങിയ ആന്ദ്രെ റസല്‍ രണ്ട് റണ്‍സെടുത്ത് പുറത്തായി. നൈറ്റ് റൈഡേഴ്സിനായി അകീല്‍ ഹൊസൈന്‍ മൂന്നും കാരി പിയറി രണ്ടും വിക്കറ്റെടുത്തു, നാലോവറില്‍ 14 റണ്‍സ് മാത്രം വിട്ടുകൊടുത്ത സുനില്‍ നരെയ്നും ബൗളിംഗില്‍ തിളങ്ങി. മറുപടി ബാറ്റിംഗില്‍ സുനില്‍ നരെയ്നെ(4) തുടക്കത്തിലെ നഷ്ടമായെങ്കിലും സിമണ്‍സും(54 നോട്ടൗട്ട്), വെബ്‌സ്റ്ററും(44 നോട്ടൗട്ട്) ചേര്‍ന്ന് നൈറ്റ് റൈഡേഴ്സിനെ അനായാസ ജയത്തിലെത്തിച്ചു.
