ആദ്യ ഓവറില് തന്നെ ഇന്ത്യക്ക് യഷസ്വി ജെയ്സ്വാളിന്റെ വിക്കറ്റ് നഷ്ടമായിരുന്നു. നാല് പന്തുകള് മാത്രം നേരിട്ട ജെയ്സ്വാളിന് റണ്സൊന്നുമെടുക്കാന് സാധിച്ചില്ല. റിപ്പണ് മണ്ഡലിനായിരുന്നു വിക്കറ്റ്.
ഹാങ്ചൗ: ഏഷ്യന് ഗെയിംസ് പുരുഷ ക്രിക്കറ്റില് ഇന്ത്യ ഫൈനലില്. സെമിയില് ബംഗ്ലാദേശിനെ ഒമ്പത് വിക്കറ്റിനാണ് ഇന്ത്യ തകര്ത്തത്. ടോസ് നഷ്ടപ്പെട്ട് ബാറ്റിംഗിനെത്തിയ ബംഗ്ലാദേശ് നിശ്ചിത ഓവറില് ഒമ്പത് വിക്കറ്റ് നഷ്ടത്തില് 96 റണ്സാണ് നേടിയത്. മൂന്ന് വിക്കറ്റ് നേടിയ സായ് കിഷോറാണ് ബംഗ്ലാദേശിനെ തകര്ത്തത്. മറുപടി ബാറ്റിംഗില് ഇന്ത്യ 9.2 ഓവറില് ഒരു വിക്കറ്റ് മാത്രം നഷ്ടത്തില് ലക്ഷ്യം മറികടന്നു. തിലക് വര്മ (55), റുതുരാജ് ഗെയ്കവാദ് (40) എന്നിവര് ഇന്ത്യന് നിരയില് തിളങ്ങി.
ആദ്യ ഓവറില് തന്നെ ഇന്ത്യക്ക് യഷസ്വി ജെയ്സ്വാളിന്റെ വിക്കറ്റ് നഷ്ടമായിരുന്നു. നാല് പന്തുകള് മാത്രം നേരിട്ട ജെയ്സ്വാളിന് റണ്സൊന്നുമെടുക്കാന് സാധിച്ചില്ല. റിപ്പണ് മണ്ഡലിനായിരുന്നു വിക്കറ്റ്. എന്നാല് മറ്റൊരു വിക്കറ്റ് നഷ്ടമാവാന് സമ്മതിക്കാതെ റുതുരാജ് - തിലക് സഖ്യം ഇന്ത്യയെ വിജയത്തിലേക്ക് നയിച്ചു. 26 മാത്രം നേരിട്ട തിലക് ആറ് സിക്സും രണ്ട് ഫോറും നേടി. ഗെയ്കവാദിന്റെ ഇന്നിംഗ്സില് മൂന്ന് സിക്സും നാല് ഫോറുമുണ്ടായിരുന്നു.
ടോസ് നഷ്ടപ്പെട്ട് ബാറ്റിംഗിനെത്തിയ ബംഗ്ലാദേശിന് ഒമ്പത് വിക്കറ്റുകളാണ് നഷ്ടമായത്. മൂന്ന് വിക്കറ്റ് നേടിയ സായ് കിഷോറാണ് ബംഗ്ലാദേശിനെ തകര്ത്തത്. മൂന്ന് വിക്കറ്റ് നേടിയ സായ് കിഷോറാണ് ബംഗ്ലാദേശിനെ തകര്ത്തത്. വാഷിംഗ്ടണ് സുന്ദര് രണ്ട് വിക്കറ്റെടുത്തു. 24 റണ്സ് നേടിയ ജേകര് അലിയാണ് ബംഗ്ലാദേശിന്റെ ടോപ് സകോറര്.
മോശം തുടക്കമാണ് ബംഗ്ലാദേശിന് ലഭിച്ചത്. ആദ്യ ആറ് താരങ്ങളില് ഒരാള് മാത്രമാണ് രണ്ടക്കം കണ്ടത്. എടുത്തുപറയാന് മുന്നിരയില് പര്വേസ് ഹുസൈന് ഇമോന് (23) ഇന്നിംഗ്സ് മാത്രമാണുള്ളത്. മഹ്മുദുല് ഹസന് ജോയ് (5), സെയ്ഫ് ഹസന് (1), സാക്കിര് ഹുസൈന് (0), അഫീഫ് ഹുസൈന് (7), ഷഹദാത്ത് ഹുസൈന് (5) എന്നിവര്ക്ക് തിളങ്ങാനായില്ല. മൃതുന്ജോയ് ചൗധരി (4), റാക്കിബുല് ഹസന് (14), റിപോണ് മണ്ഡല് (0) എന്നിവരാണ് പുറത്തായ മറ്റുതാരങ്ങള്.
