പേസര് ആവേശ് ഖാന് പകരം ഹര്ഷല് പട്ടേലും സ്പിന്നര് യുസ്വേന്ദ്ര ചാഹലിന് പകരം രവി ബിഷ്ണോയിയും ഇന്ത്യയുടെ അന്തിമ ഇലവനിലെത്തി. അതേസമയം, ആദ്യ മത്സരം തോറ്റ ടീമില് മാറ്റങ്ങളൊന്നുമില്ലാതെയാണ് അയര്ലന്ഡ് ഇറങ്ങുന്നത്.
ഡബ്ലിന്: അയര്ലന്ഡിനെതിരായ ടി20 പരമ്പരയിലെ രണ്ടാമത്തെയും അവസാനത്തെയും മത്സരത്തില് ടോസ് നേടിയ ഇന്ത്യ ബാറ്റിംഗ് തെരഞ്ഞെടുത്തു. ആദ്യ മത്സരം കളിച്ച ടീമില് മാറ്റവുമായാണ് ഇന്ത്യ ഇന്നിറങ്ങുന്നത്. റുതുരാജ് ഗെയ്ക്വാദിന് പകരം ഇഷാന് കിഷനൊപ്പം മലയാളി താരം സഞ്ജു സാംസണ് ഓപ്പണറായി അന്തിമ ഇലവനിലെത്തി,
പേസര് ആവേശ് ഖാന് പകരം ഹര്ഷല് പട്ടേലും സ്പിന്നര് യുസ്വേന്ദ്ര ചാഹലിന് പകരം രവി ബിഷ്ണോയിയും ഇന്ത്യയുടെ അന്തിമ ഇലവനിലെത്തി. അതേസമയം, ആദ്യ മത്സരം തോറ്റ ടീമില് മാറ്റങ്ങളൊന്നുമില്ലാതെയാണ് അയര്ലന്ഡ് ഇറങ്ങുന്നത്.
പരമ്പരയിലെ ആദ്യ മത്സരം ജയിച്ച ഇന്ത്യ 1-0ന് മുന്നിലാണ്. ഈ മത്സരം ജയിച്ചാല് ഇന്ത്യക്ക് പരമ്പര തൂത്തുവാരാം.നിശ്ചിത ഇടവേളകളിൽ മഴപെയ്യുമെന്നായിരുന്നു കാലാവസ്ഥാ റിപ്പോർട്ടെങ്കിലും ഇന്ന് അപ്രതീക്ഷിതമായി മഴ മാറി നിന്നത് ആരാധകരെ ആവേശത്തിലാഴ്ത്തിയിട്ടുണ്ട്.
