ഐപിഎല് താരലേലം: കമിന്സിനും സ്റ്റെയിനും രണ്ട് കോടി അടിസ്ഥാന വില; സ്റ്റാര്ക്ക് ഇത്തവണയുമില്ല
ഇന്ത്യന് താരങ്ങളില് 1.5 കോടി രൂപ അടിസ്ഥാന വിലയുള്ള റോബിന് ഉത്തപ്പയാണ് ഏറ്റവും ഉയര്ന്ന അടിസ്ഥാനവിലയുള്ള കളിക്കാരന്. 1.5 കോടി രൂപ അടിസ്ഥാന വിലയുള്ള താരങ്ങളില് ഷോണ് മാര്ഷ്, കെയ്ന് റിച്ചാര്ഡ്സണ്, ഓയിന് മോര്ഗന്, ജേസണ് റോയ്, ക്രിസ് വോക്സ്, ഡേവിഡ് വില്ലി, ക്രിസ് മോറിസ്, കെയ്ല് ആബട്ട് എന്നിവരാണുള്ളത്.
കൊല്ക്കത്ത: ഐപിഎല്ലില് ഏറ്റവും ഉയര്ന്ന അടിസ്ഥാനവിലയുള്ള താരങ്ങളില് കൂടുതല് ഓസ്ട്രേലിയക്കാര്. രണ്ട് കോടി രൂപ അടിസ്ഥാന വിലയുള്ള താരങ്ങളില് ഓസീസ് ബൗളര്മാരായ പാറ്റ് കമിന്സ്, ജോഷ് ഹേസല്വുഡ് എന്നിവര്ക്ക് പുറമെ ക്രിസ് ലിന്, ഗ്ലെന് മാക്സ്വെല്, മിച്ചല് മാര്ഷ് എന്നിവരുമുണ്ട്. രാജ്യാന്തര ക്രിക്കറ്റില് നിന്ന് വിരമിക്കല് പ്രഖ്യാപിച്ച ഡെയ്ല് സ്റ്റെയിനും മുന് ശ്രീലങ്കന് നായകന് എയ്ഞ്ചലോ മാത്യൂസിനും രണ്ട് കോടി രൂപയാണ് അടിസ്ഥാന വിലയായി നിശ്ചയിച്ചിരിക്കുന്നത്.
ഇന്ത്യന് താരങ്ങളില് 1.5 കോടി രൂപ അടിസ്ഥാന വിലയുള്ള റോബിന് ഉത്തപ്പയാണ് ഏറ്റവും ഉയര്ന്ന അടിസ്ഥാനവിലയുള്ള കളിക്കാരന്. 1.5 കോടി രൂപ അടിസ്ഥാന വിലയുള്ള താരങ്ങളില് ഷോണ് മാര്ഷ്, കെയ്ന് റിച്ചാര്ഡ്സണ്, ഓയിന് മോര്ഗന്, ജേസണ് റോയ്, ക്രിസ് വോക്സ്, ഡേവിഡ് വില്ലി, ക്രിസ് മോറിസ്, കെയ്ല് ആബട്ട് എന്നിവരാണുള്ളത്.
കഴിഞ്ഞ സീസണില് പരിക്കിനെത്തുടര്ന്ന് ലേലത്തില് പങ്കെടുക്കാതിരുന്നു ഓസീസ് പേസര് മിച്ചല് സ്റ്റാര്ക്ക് ഇത്തവണയും ലേലത്തിനില്ല. 2015ലാണ് സ്റ്റാര്ക്ക് അവസാനമായി ഐപിഎല്ലില് കളിച്ചത്. 2018ല് സ്റ്റാര്ക്കിനെ റെക്കോര്ഡ് തുകയ്ക്ക്(9.4 കോടി) കൊല്ക്കത്ത സ്വന്തമാക്കിയെങ്കിലും പരിക്കിനെത്തുര്ന്ന് താരം ഒരു മത്സരം പോലും കളിക്കാതെ പിന്മാറി.
ലോകകപ്പ് ഒരുക്കങ്ങളുടെ ഭാഗമായി കഴിഞ്ഞ സീസണില് കളിക്കാതിരുന്ന മാക്സ്വെല്ലും ആരോണ് ഫിഞ്ചും ഇത്തവണ ലേലത്തിനുണ്ട്. ടീമുകളെല്ലാം നോട്ടമിടുന്ന ഇംഗ്ലണ്ടിന്റെ വെടിക്കെട്ട് താരം ടോം ബാന്റണും ഇത്തവണ ലേലത്തിനുണ്ട്. ഒരു കോടി രൂപയാണ് ബാന്റണിന്റെ അടിസ്ഥാന ലേലത്തുക.