അവസാന ഏകദിനം: ന്യൂസിലാന്റിന് ടോസ്, ഇന്ത്യയെ ബാറ്റിംഗിനയച്ചു
ഇന്ത്യ x ന്യൂസിലൻഡ് മൂന്നാം ഏകദിനം ഇന്ന് ഇന്ത്യൻ സമയം രാവിലെ 7.30ന് ആരംഭിക്കും. ആദ്യ രണ്ട് മത്സരത്തിലും പരാജയപ്പെട്ട ഇന്ത്യ 2-0നു പരന്പര കൈവിട്ടിരിക്കുകയാണ്.
മൗണ്ട് മൗഗനൂയി (ന്യൂസിലൻഡ്): ന്യൂസിലാന്റിനെതിരെയുള്ള അവസാന ഏകദിനത്തില് ഇന്ത്യ ആദ്യം ബാറ്റ് ചെയ്യും. ടോസ് നേടിയ ന്യൂസിലാന്റ് ഇന്ത്യയെ ബാറ്റിംഗിന് അയക്കുകയായിരുന്നു. അവസാന ഏകദിനത്തില് ന്യൂസിലൻഡിനെതിരായ ട്വന്റി-20 പരമ്പര 5-0നു തൂത്തുവാരിയ ഇന്ത്യ ഇപ്പോൾ മുഖം രക്ഷിക്കാനുള്ള തത്രപ്പാടിലാണ്. മൂന്ന് മത്സര ഏകദിന പരമ്പര ന്യൂസിലൻഡ് തൂത്തുവാരാതിരിക്കണമെങ്കിൽ ഇന്ത്യക്ക് ഇന്ന് ജയം അനിവാര്യം.
ഇന്ത്യ x ന്യൂസിലൻഡ് മൂന്നാം ഏകദിനം ഇന്ന് ഇന്ത്യൻ സമയം രാവിലെ 7.30ന് ആരംഭിക്കും. ആദ്യ രണ്ട് മത്സരത്തിലും പരാജയപ്പെട്ട ഇന്ത്യ 2-0നു പരന്പര കൈവിട്ടിരിക്കുകയാണ്. പരിക്കേറ്റ രോഹിത് ശർമ്മയുടെ അഭാവത്തിൽ മുൻനിര ഫോം കണ്ടെത്തിയില്ലെങ്കിൽ കാര്യങ്ങൾ അവതാളത്തിലാകും. പുതു ഓപ്പണിംഗ് ജോഡിയായ പൃഥ്വി ഷായെയും മായങ്ക് അഗർവാളിനെയും പരീക്ഷിച്ചെങ്കിലും ഫലം അനുകൂലമായില്ല.
രോഹിത് ശർമ്മയുടെ അസാന്നിധ്യമാണ് കനത്ത തിരിച്ചടിയായത്. ഇതോടൊപ്പം ക്യാപ്റ്റൻ കോലിയുടെ മോശം ഫോമും പ്രശ്നം സൃഷ്ടിക്കുന്നു. കഴിഞ്ഞ രണ്ട് മത്സരങ്ങളിലായി 66 റണ്സാണ് കോഹ്ലിക്കു നേടാനായത്. മധ്യനിരയിൽ ശ്രേയസ് അയ്യർ, കെ.എൽ. രാഹുൽ എന്നിവർ താളംകണ്ടെത്തിയിട്ടുണ്ട്.
ബൗളർമാരുടെ ദയനീയ പ്രകടനവും ഇന്ത്യക്ക് തലവേദനയാണ്. ന്യൂസിലൻഡ് നിരയിൽ പരിക്കേറ്റ് വിശ്രമത്തിലായിരുന്ന ക്യാപ്റ്റൻ കെയ്ൻ വില്യംസണ് ഇന്നത്തെ മത്സരത്തിൽ തിരിച്ചെത്തിയിട്ടുണ്ട്. ഇന്ത്യന് ടീമില് മനീഷ് പാണ്ഡേ തിരിച്ചെത്തിയിട്ടുണ്ട്.