അഞ്ച് ഇന്ത്യന് താരങ്ങള്; പോയ ദശകത്തിലെ ടി20 ടീമിനെ തിരഞ്ഞെടുത്ത് ഉത്തപ്പ
ഒരു ടി20 ടീമിലെ അഞ്ച് പേരും ഇന്ത്യന് താരങ്ങള്. കേരള താരം റോബിന് ഉത്തപ്പയാണ് പോയ ദശകത്തിലെ ടി20 ക്രിക്കറ്റ് ടീമിനെ തിരഞ്ഞെടുത്തത്. ടീമിലെ അഞ്ച് പേരും ഇന്ത്യന് താരങ്ങളാണെന്നുള്ളതാണ് ഉത്തപ്പയുടെ ടീമിന്റെ പ്രത്യേകത.
തിരുവനന്തപുരം: ഒരു ടി20 ടീമിലെ അഞ്ച് പേരും ഇന്ത്യന് താരങ്ങള്. കേരള താരം റോബിന് ഉത്തപ്പയാണ് പോയ ദശകത്തിലെ ടി20 ക്രിക്കറ്റ് ടീമിനെ തിരഞ്ഞെടുത്തത്. ടീമിലെ അഞ്ച് പേരും ഇന്ത്യന് താരങ്ങളാണെന്നുള്ളതാണ് ഉത്തപ്പയുടെ ടീമിന്റെ പ്രത്യേകത. വെസ്റ്റ് ഇന്ഡീസ്, ഓസ്ട്രേലിയ, ശ്രീലങ്ക, ന്യൂസിലന്ഡ്, ഇംഗ്ലണ്ട്, ദക്ഷിണാഫ്രിക്ക എന്നീ ടീമുകളില് നിന്ന് ഓരോ താരങ്ങളും ടീമിലെത്തി.
മുന് ഇന്ത്യന് ക്യാപ്റ്റന് എം എസ് ധോണിയാണ് ടീമിനെ നയിക്കുക. ഓപ്പണറുടെ റോളില് രോഹിത് ശര്മയും മൂന്നാമനായി ഇന്ത്യന് നായകന് വിരാട് കോലിയുമെത്തും. മധ്യനിരയില് യുവരാജ് സിങ്ങുണ്ട്. പേസറായി മുന്താരം സഹീര് ഖാനും ടീമിലെത്തി.
രോഹിത്തിനൊപ്പം ക്രിസ് ഗെയ്ലാണ് ഇന്നിങ്സ് ഓപ്പണ് ചെയ്യുക. സ്റ്റീവ് സ്മിത്ത്, എ ബി ഡിവില്ലിയേഴ്സ്, ബെന് സ്റ്റോക്സ് എന്നിവര് പിന്നാലെയെത്തും. ഡാനിയേല് വെട്ടോറിയാണ് ടീമിന്റെ സ്പിന്നര്. സഹീര് ഖാനൊപ്പം ലസിത് മലിംഗയാണ് പേസറായി ടീമിലുള്ളത്.